Noiz sortua: 2015-01-18 00:30:00

Berriz eragin du haserrea

Hainbat herrialde musulmanetan gogor gaitzetsi dute 'Charlie Hebdo'-ren azken azala
Yemengo Sana hiriburuan Frantziako enbaxadaren parean egindako protesta, atzo.
Yemengo Sana hiriburuan Frantziako enbaxadaren parean egindako protesta, atzo. ABDULRAHMAN HWAIS / EFE

Mikel Rodriguez -

2015eko urtarrilak 18
Frantziako Charlie Hebdo astekariak argitaratutako Mahomaren bertze karikatura batzuek berriz ere haserrea piztu dute hainbat musulmanen artean, eta zenbait herrialdetan istilu larriak ere sortu dira. Protesta gehienak eta handienak herenegun egin zituzten, ortzirala musulmanen asteko egun santua delako ohikoa baita elkarretaratze jendetsuagoak egitea, baina herrialde batzuetan jarraipena izan zuten atzo. Arreta gehien Nigerko protestek erakarri dute, istilu larrienak han izan direlako. Herenegun, lau lagun hil zituzten Zinder hirian, eta su eman diete elizei, kristauen negozio eta enpresei, eta baita Atzerri ministroaren etxeari ere. Protesta jendetsuak izan dira, eta oraingoz bi egun iraun dute. François Hollande Frantziako presidentearen ustez, adierazpen askatasuna zer den ulertzen ez dutelako sortu dira protestak. «Tentsioak daude atzerrian, herritarrek ulertzen ez duten tokietan adierazpen askatasunarekiko konpromisoa zer den». Tulle herrira egindako bisitan egin ditu adierazpen horiek —zazpi urtez izan zen alkate—.

Charlie Hebdo-k iragan asteazkenean atera zuen zenbaki hori, atentatua jasan eta astebetera —muturreko bi islamistak hamabi marrazkilari, kazetari eta polizia hil zituzten—. Azalean Mahomaren karikatura bat ageri da, Dena barkatuta dago esaldiarekin batera. Astekariak atzo jakinarazi zuen zazpi milioira igoko duela edizio horren argitalpena —normalki, 60.000 ale atera ohi ditu—. Hainbat herrialde musulmanetan, ordea, herritarren sektore batek iraintzat hartu du karikatura hori. Nigerren, manifestariek jomugan paratu dituzte gutxiengo kristaua, Frantziaren interesak eta agintean dagoen PNDS Demokrazia eta Sozialismorako Alderdi Nigertarraren egoitzak.

Mahamadou Issouffou presidentea Parisen izan zen joan den igandean, atentatuen aurka deitutako protestan. Frantziaren kolonia ohia da Niger, eta Parisekin batera esku hartzen ari da Malin, muturreko talde islamisten aurka. 2013an horietako talde batek atentatu handi bat egin zuen Nigerren —hogei militar hil zituen—. Frantziak base militar bat dauka Niamey hiriburuan, eta AEBek ere badaukate bat piloturik gabeko hegazkinentzat.

Malin, Yemenen, Pakistanen eta Turkian ere manifestazioak egin zituzten atzo karikaturengatik protestatzeko. Inguxetian, 15.000 lagun inguru elkartu ziren Magas hiriburuan, Poliziaren arabera. Manifestazioaren bukaeran, Inguxetiako buruzagi Junus-bek Jevkuroven mezu bat irakurri zuten, Interfax agentziaren arabera. «Mendebaldeko herrialde batzuen estatu estremismoa» salatu zuen, karikaturak argitaratzeagatik. Errusiaren menpeko lurraldea da Inguxetia, eta biztanle gehienak musulmanak dira.

Herrialde musulmanetako agintari anitzek ere bat egin dute karikaturen aurkako salaketarekin. Hori egiten azkenetakoa izan da Axraf Gani Afganistango presidentea. «Ekintza arduragabea» izan dela erran du.

Belgikan, 300 soldadu

Herrialde musulmanetan amorru adierazpenak sortu dira astekariaren karikaturengatik, eta Europaren mendebaldean, berriz, salbuespenezko neurriak dira eztabaidagai. Belgikak atzotik hasita astebeteko epean 300 soldadu hedatuko ditu Bruselan eta Anberesen (Flandria), Poliziari karrikako zaintza lanetan lagun diezaioten. Belgikako Poliziak joan den ortzegunean operazio zabal bat egin zuen ustezko muturreko talde islamista baten aurka; susmagarritzat jotako bi lagun hil zituen tiroketa batean, eta bertze hamahiru atxilotu.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna