Albistea entzun

Txirrindularitza. Euskal Herriko Itzulia: adierazpenak

«Estatistikak hautsi ditut»

Zoratzen eta klasikoetarako prest amaitu du Joaquim Rodriguezek Euskal Herriko Itzulia
Euskal Herriko Itzuliko podiuma: Sergio Luis Henao, Joaquim Rodriguez eta Ion Izagirre.
Euskal Herriko Itzuliko podiuma: Sergio Luis Henao, Joaquim Rodriguez eta Ion Izagirre. JAVIER ETXEZARRETA / EFE

Unai Zubeldia -

2015eko apirilak 12 - Aia

«Esan egia, inork ez du egin apusturik nire alde, ezta?». Oso umoretsu eta zirikatzeko gogoz agertu zen Joaquim Rodriguez Itzulia irabazi ondorengo prentsaurrekora. «Sinesgaitza da erlojupeko batean neure burua aurrean ikustea eta itzulia irabaztea. Estatistikak hautsi ditut». Bezperan irabaz zezakeela sinetsita oheratu zela aitortu zuen. «Baina ez dizuet gezurrik esango, podiumera igotzea zen benetako asmoa».

Taldeari eskerrak eman zizkion. «Harrigarria da txirrindularitzan bizikleta aldatzeak hainbesteko garrantzia izan dezakeela sinestea, eta taldearen kontua izan da hori. Eskerrak eman beharrean nago». Bera ere beldurtu egin omen zen goitik beherakoan «56 hortzeko platera» jarri ziotenean. «Berezkoa baino pisu handiagoa jarri didate bizikletan, beherakoan denbora irabazteko». Eta Errota inguruan aldatu zuen bizikleta. «Maldarik gogorrenetan, ahalik eta denbora gutxien galtzeko». 28 hortzeko piñoia erabili zuen gero goraka. «Bete-betean egin dut, erreferentzia askorik gabe».

Volta, Itzulia, klasikoak... «Martxo amaiera, apirila garrantzitsua izaten da beti nire egutegian. Ondo hastea gustatzen zait». Hori bai, Voltara joatea zen lehentasuna. «Eta nork daki, bi etapa irabazi beharrean, hiru irabaziko nituen, agian, han».

Iaz, Kataluniako Volta irabazita, «kolpe gogorra» hartu zuen gero Ardenetako klasikoetan. «Eta gerora ez nuen altxatu bururik». Euskal Herriko Itzulira, berriz, birus baten eraginez etorri da. «Horrelakoa da patua». 2014a orain arteko «urterik gogorrena» izan zela aitortu zuen. «Baina iaz ikasi nuen gehien».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Adnan Januzaj eta Alexander Sorloth, elkar besarkatzen, Realeko atzoko bi golegileak, Anoetan. ©JON URBE / FOKU

Nagusitasunez irabazita egin du aurrera

Jon Ander De la Hoz

Realak Atletico Madrili irabazi dio, eta Espainiako Kopako final-laurdenetan ariko da. Txuri-urdinek neurketa osoa jokatu dute, eta arazorik gabe lortu dute gailentzea

Iñaki Williams eta Iker Muniain Athleticeko jokalariak. ©Julio Muñoz / EFE

Athleticek Kopan sendatu nahi du Superkopako zauria

Ainara Arratibel Gascon

Zuri-gorriek final-zortzirenetako kanporaketa jokatuko dute gaur, Bartzelonaren kontra. Marcelinok aldaketak iragarri ditu hamaikakoan

Budimir eta Moncayola Osasunako jokalariak, burumakur, atzo, Celtaren aurkako partidan, Balaidosen. ©SALVADOR SAS / EFE

Zalantzati segitzen du oraindik

Eñaut Agirrebengoa

Osasuna bigunegi aritu da Celtaren zelaian, eta esku hutsik gelditu. Ongi ekin dio lehiari, baina ez da gai izan Mallo eta Minaren golei erantzuteko

Fausto Mota kopilotua, eskuinean, haren taldekide Rui Oliveirarekin, Dakar rallyan. ©FAUSTO MOTA

«Orientazio sena izan behar du kopilotuak»

Mikel O. Iribar

Mota kopilotu gisa aritu da lehendabizikoz Dakar rallyan, aurretik motoetan sei alditan parte hartu eta gero. Hamaseigarren amaitu du, haren taldekidearekin batera, T4 kategorian. «Asko gozatu dut», aitortu du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.