Albistea entzun

Otegi martxoaren 1ean aterako da kalera

27 egunez aurreratu diote irteteko eguna, behin-behinean libre zenean auzitegian sinatutako egunengatik.

Zigor osoa beteta irtengo da
Arnaldo Otegiren argazkia, duela lau urte, Logroñoko espetxe aurrera egindako martxan.
Arnaldo Otegiren argazkia, duela lau urte, Logroñoko espetxe aurrera egindako martxan. JAGOBA MANTEROLA / ARGAZKI PRESS

Hodei Iruretagoiena -

2016ko urtarrilak 29

Zigor osoa beteta baina uste baino lehentxeago irtengo da kartzelatik Arnaldo Otegi: martxoaren 1ean. Hilabete pasatxo falta da, beraz, Sortuko idazkari nagusiak Logroñoko (Espainia) espetxea atzean uzteko. Behin-behinean aske zela auzitegira sinatzera joandako egunak aintzat hartzeko eskaera egin zuen, eta onartu egin dio Espainiako Auzitegi Nazionaleko Espetxe Zaintzako epaitegiak. 2009ko urriaren 13an atxilotu zuten azkenengoz, eta Miren Zabaleta, Arkaitz Rodriguez, Sonia Jacinto eta Rafa Diezekin batera zigortu zuten Bateragune auzian. Zabaleta, Rodriguez eta Jacinto aske daude iazko urritik. LABeko idazkari nagusi ohia, ordea, preso dute oraindik, eta beste hamabost bat hilabete falta zaizkio zigorra betetzeko.

Espainiako Auzitegi Gorenaren doktrina batean oinarritzen da Otegiren defentsak egindako eskaera, Jone Goirizelaia abokatuak BERRIAri azaldu dionez. Haren arabera, auzitegian sinatutako hamar eguneko egun batez murriztu behar da kartzelan eman beharreko denbora. 2009ko urrian atxilotu baino lehen, behin-behinean aske zela auzitegian sinatutako jakinarazpenak aurkeztu dituzte: 270etik gora. Auzitegi Nazionaleko Fiskaltzak aldeko jarrera agertu zuen, eta Espetxe Zaintzako epaileek onartu egin diote orain eskaera.

Lehenengo zenbaketan, apirilaren 8rako jarri zioten kartzelatik irteteko eguna, baina martxoaren 28ra aurreratu zioten gero, behin-behinean preso zutela auzitegian pasatutako egunengatik.

Kartzelatik irtenda ere, 2021eko otsailaren 28ra arte «kargu eta enplegu publikoetarako inhabilitazio berezia» izango du Otegik. Hala berretsi zuen Auzitegi Nazionalak joan den astean. Auzitegi Konstituzionalaren jurisprudentziaren arabera, ordea, zigor epaian zehaztu egin behar da zein karguri eragiten dion inhabilitazioak. Bestela, ezin da debekua gauzatu. Eta dagoeneko berandu da zehaztapenak egiteko. Beraz, aurrerantzean auzi horrek egiten duen bidea egiten duela ere, Sortuko idazkari nagusiak kargu publikoak bete ahal izango ditu; esaterako, hauteskundeetara aurkeztuta.

Guztira, sei aldiz zigortua

Denera, sei aldiz zigortu dute Otegi; azkenengoz, Bateragune auziagatik. Auzitegi Nazionalaren arabera, ETAko kide zen Otegi; «sustatzaile, arduradun eta koordinatzaile», gainera. Guztira, hamalau urte inguru egin ditu espetxean Sortuko politikariak.

Bateragune auzikoek helegitea jarria dute Europako Giza Eskubideen Auzitegian. Epaileek azaroan egin zuten helegetearen lehenengo azterketa, baina gaiaren mamian sartu gabe. Eskaera tramiterako onartu edo ez erabakitzeke dute oraindik.

Azken urteotan Euskal Herriko eta nazioarteko pertsona eta eragile ugarik eskatu dute Otegi askatzeko, Free Otegi, Free Them All kanpainaren barruan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

11 ekintzaileak, Baionako auzitegi aitzinean ©Guillaume Fauveau

Martxoaren 9an emango dute 11 'bakegileren' aurkako deliberoa

Ekhi Erremundegi Beloki

Hamar auzipeturentzat 950 euroko isuna eskatu du fiskalak, gibelapenarekin. Uztailaren 23ko protestetan errepidea blokeatzea egotzita epaitu dituzte.

Iratxe Sorzabalen zauriak, 2001eko atxiloaldiaren ostean. ©Berria

Iratxe Sorzabalen kontrako zigorra berretsi du Auzitegi Gorenak, torturak ukatuta

Berria

Euskal preso horrek pairatutako torturen berri eman izanak ez du «egiaztatzen» halakorik sufritu zuenik, Gorenaren arabera.

Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburua, iazko azaroan, Eusko Legebiltzarrean. ©JAIZKI FONTANEDA / FOKU

Artolazabalek otsailaren 14an utziko du sailburu postua

Mikel Elkoroberezibar Beloki

EAJren Gasteizko alkategaia izango da Artolazabal, eta kanpainaurreari heltzeko utziko du Berdintasun, Justizia eta Gizarte Politiketako sailburu postua. Esan duenez, «oso gustuko» izango luke bere ordezkoa emakume arabar bat izatea.

GKSko kide baten atxiloketa salatzeko mobilizazioa, iazko ekainean ©Bob Edme

GKSko kide bat epaituko dute Pauen

Ekhi Erremundegi Beloki

Asteartean eginen diote epaiketa, Paueko Dei Auzitegian. Margoketak egitea leporatzen diote.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...