Albistea entzun

Iraken 200.000 herritar inguruk ihes egin dute Estatu Islamikotik

Nazio Batuen Erakundea: «Ikaragarrizko tamainako tragedia bat da».

Frantzia eta AEBak esku hartzeko aukerak aztertzen ari dira
Peshmergena da Iraken EIri aurre egin dion indar nagusia.
Peshmergena da Iraken EIri aurre egin dion indar nagusia. STR / EFE

Mikel Rodriguez -

2014ko abuztuak 8

EI Estatu Islamikoak lurralde gehiago eskuratu ditu Iraken, eta NBE Nazio Batuen Erakundeak larrialdi dei bat egin du, «pare bat egunetan» 200.000 herritar inguruk etxetik alde egin baitute. «Ikaragarrizko tamainako tragedia bat da hau», adierazi du NBEren Giza Laguntzarako Koordinaziorako Bulegoko bozeramaile David Swansonek. EIk dio hamabortz hiri eta herri gehiago hartu dituela Iraken. Guztien egoeraren inguruko berri zehatzik ez dago, baina arreta bereziki bi tokian kokatu da: bata, Sinjarren, milaka yazidi inguratuta baitauzkate jihadistek; eta, bertzea, Qaraqoxen, EIk Irakeko kristauen hiri handiena hartu baitu.

Frantziak larrialdiko bilera bat eskatu zion atzo NBEren Segurtasun Kontseiluari. François Hollande presidentea prest dago EIren aurka «borrokan ari diren indarrak» laguntzeko. Hala erran dio Massud Barzani Kurdistango Eskualde Autonomoko presidenteari telefonoz, Eliseoak jakinarazi duenez. The New York Times-en arabera, Barack Obama AEBetako presidentea aire erasoak agintzea aztertzen ari da.

EIk jomugatzat hartu ditu Iraken iparraldeko gutxiengo etniko eta erlijiosoak. Horien artean daude yazidiak. Kurduak dira etniaz, eta erlijio berezi bat daukate, antzinako zoroastrismoarekin lotutakoa. EIk heretikotzat dauzka. Sinjar hirian, Mosuldik mendebaldera, gehiengoa dira. EIk iragan ekainean erasoaldia hasi ondoren, Kurdistango Eskualde Autonomoko peshmerga indarrek kontrolpean hartu zuten Sinjar, baina duela egun batzuk muturreko islamistek hiritik bidali zituzten. Herritarrek sarraskiak salatu dituzte, baina ez dago argi zenbat jende hil duen EIk SInjarren. NBEk ohartarazi du 40.000 herritar inguru daudela ihes eginda inguruko mendietan, urik, elikagairik eta inolako laguntzarik gabe. Kurdistango Firat agentziak bideo bat argitaratu du mendi horietatik. Han, ihes egindako herritarrak ageri dira haien egoeraren berri ematen. Ustez YPG Herriaren Babeserako Unitateetako kideak ere ageri dira bideoan —Siriako kurduen milizia—, errefuxiatuak defendatzera joan direla azaltzen. EIk Siriarekiko muga osoa kontrolatzeko falta duen azken postua Sinjarren dago.

Kristauen hiriak, «hustuta»

Qaraqox hiria, berriz, Mosuldik 32 kilometrora dago. Asiriar kristauak dira hango biztanleak. Kirkukeko eta Sulaimanijako artzapezpiku kaldear Joseph Thomasek AFP agentziari adierazi dionez, Qaraqox eta inguruko herriak «hustu» egin dira, eta EIk erabat kontrolpean hartu ditu. Joan den hilean, milaka kristauek alde egin zuten Mosuldik, EIk ultimatum bat eman ondoren.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kolonbiako Egiaren Batzordeko bi kide gorpu bat hobitik ateratzen. ©AITOR TXABARRI

Desagertuen lorratzaren bila

Aitor Txabarri

Azken 60 urteetan 100.000 desagertze salatu dituzte Kolonbian. Horietatik gehienak 1990eko hamarkadan egin zituzten paramilitarrek eta segurtasun indarrek. Baina gaur egun oraindik senideek ez dakite non dauden edo zer gertatu zitzaien bahitutakoei, eta ikertzen hasi direnetako askok erbestera joan behar izan dute mehatxuengatik.
Ikatz errekuntza bidezko instalazio termiko bat, Mazedoniako Bitola hirian. ©GEORGI LICOVSKI / EFE

Estu hartu dute IPCC, klimari buruzko ondorioak alda ditzan

Arantxa Elizegi Egilegor Gorka Berasategi Otamendi

BBCk zabaldutako filtrazioaren arabera, Saudi Arabia, Australia eta Japonia leudeke, besteak beste, esku hartzeen atzean. Helburua litzateke erregai fosilak alde batera uzteko presioa indargabetzea
Tripolin gaur egindak bileraren une bat ©Mohamad Abdel Kader / EFE

Libiako batasun gobernuak ez du argi ikusten bozak abenduaren 24an egitea

Igor Susaeta

Lehen ministroak hauteskundeak egitea defendatu du nazioarteko goi bilera batean, Tripolin. Aldeak «adiskidetu» arte itxarotearen alde da presidentea

Ursula von der Leyen Europako Batzordeko presidentea, artxiboko irudi batean. ©FRANCISCO SECO / EFE

Poloniari aurre egiteko presioa handitu zaio Europako Batzordeari

Ander Perez Zala

Europarlamentuak Varsoviaren kontrako neurriak eskatu dizkio Von der Leyeni, eta mehatxu egin dio auzitara joango dela. EBko estatu kideen artean desadostasunak daude hartu beharreko erabakiez; Hungariak bere aliatua defendatu du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.