Srebrenicako hilketen «erantzule partziala» dira Herbehereak

Hagako auzitegi baten arabera, 300 bosniaken exekuzioen erantzule da estatua, kasko urdinek serbiarren esku utzi zituztelako. 8.000 gizonezko bosniak hil zituzten 1995ean
FEHIM DEMIR / EFE Tamaina handiagoan ikusi

Mikel Rodriguez -

2017ko ekainak 28

Herbehereetako Estatuak «erantzukizun partziala» du Srebrenican gertatutako 300 bosniaken hilketetan, Hagako Helegite Auzitegiak ebatzi duenez. Bosnia eta Herzegovinako independentzia gerran (1992-1995), serbiarren indarrek 8.000 gizonezko bosniak hil zituzten 1995eko uztailean; Herbehereetako kasko urdinen zaintzapean zeuden, eta biktimen senide talde batek auzitara jo zuen estatu hori erantzuletzat daukatelako. Ez daude ados epaiarekin. «Lotsagarria da», adierazi zuen Munira Subasic Srebrenicako Amak elkarteko presidenteak atzo, Hagan. «Erantzukizun guztia serbiarren bizkar utzi dute, erranda haiek genozidioa egin zuten bitartean nederlandarrek ezin izan zutela deus egin».

Bosnia eta Herzegovinaren ipar-ekialdean dago Srebrenica, Serbiatik hurbil. Ratko Mladic jeneralaren agindupean, Bosniako serbiarren armadak erasoaldi bat hasi zuen 1995eko uztailaren 7an, hiria eta inguruko herriak hartzeko. Milaka errefuxiatu bosniak zeuden han, eta NBE Nazio Batuen Erakundeak «eremu seguru» izendatua zuen. NBEren Unprofor misioko 600 militar inguruk zuten hura zaintzeko ardura, eta soldadu horiek Herbehereetakoak ziren.

Herrialde horretako Justiziak hartutako erabakia ezohikoa da, gutxitan ireki baitira auzibideak estatuen aurka NBEren misioetan izan duten parte hartzearengatik. 2014an Auzitegi Gorenak ebatzitakoa berretsi du Hagako Helegite Auzitegiak. Srebrenicatik hurbil zegoen Potocari herrian gertatutakoa biltzen du epaiak. Herbehereetako kasko urdinek base militar bat zuten han, eta 5.000 herritar inguruk han hartu zuten babes. Serbiarren indarrak gerturatu ondoren, ordea, Herbehereetakoek haien esku utzi zituzten errefuxiatuak, eta horietako 300, gizonezkoak denak, hil egin zituzten. «[Soldaduek] Jakin beharko lukete gizon horiek egiazko arriskua zutela torturak jasateko edo exekutatuta bukatzeko», adierazi dute epaileek. Horien ustez, soldaduek eremu seguruetara eraman zitzaketen 300 gizonezko horiek.

Erantzukizunaren %30

Epaileek %30ean ezarri dute Herbehereetako Estatuaren erantzukizuna, haien ustez serbiarren tropek «%70eko aukera batean» indarrez ere lortuko luketelako 300 bosniak horiek gatibu hartzea. Beraz, epaileen arabera, Herbehereek kalte-ordainen %30 ordaindu beharko liekete biktimei. Basetik kanpo zeuden biktimekin Herbehereek erantzukizunik ez dutela berretsi dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Mikel Rodriguez

Informazio osagarria