Albistea entzun
Emakumeen aurkako indarkeriari ez
Emakumeen aurkako indarkeriari ez

Espainiako Gorteetarako hauteskundeak. Gipuzkoa

Ahal Dugu, lehen indarra, abertzaleen arteko lehian sartu da

Botoak eta diputatu bat irabazi arren, lau urteotako goranzko joera eta nagusitasuna eten du EAJk.

EH Bilduk bi eserleku eta 49.282 boto galdu ditu lau urtean
Nagua Alba Ahal Dugu-ren Gipuzkoako zerrendaburua, alderdiko kideen zorionak jasotzen, Bilbon, atzo.
Nagua Alba Ahal Dugu-ren Gipuzkoako zerrendaburua, alderdiko kideen zorionak jasotzen, Bilbon, atzo. M. RAMIREZ / ARP

Jokin Sagarzazu -

2015eko abenduak 21 - Donostia

Ahal Dugu-k irabazi ditu hauteskundeak Gipuzkoan, eta bere emaitzek gelditu egin dute azken lau urteotan herrialde horretan EAJk izan duen goranzko joera eta nagusitasuna. Horrekin batera, denbora horretan EAJ eta EH Bilduren artean izan den lehiaren erdian sartu da Ahal Dugu. Hiru alderdien artean lau punturen aldea dago. Ahal Dugu-k alde txikia atera dio bigarrenari, EAJri: 6.787 boto; eta 16.891 hirugarrenari, EH Bilduri. Diputatuen banaketan Ahal Dugu eta EAJ atera dira onuradun, bina diputaturekin. Jeltzaleek diputatu bat gehiago lortu dute. EH Bilduk bi galdu ditu eta bakarrarekin geratu da, eta PSE-EEk eutsi dio duela lau urtekoari, botoak galdu arren. PPk galdu egin du izandako eserlekua. Diputatuen Kongresurako Ahal Dugu-k jaso duen babesa ez da berdin islatu Senatuan. Lautik hiru aulki eskuratu ditu EAJk eta Ahal Dugu-k bestea. Oro har, Gipuzkoako boto emaileen %70ak babestu dituzte erabakitzeko eskubidearen alde dauden alderdiak. Era berean, egun foru aldundian dagoen gobernu koalizioak (EAJ-PSE) lortu du botoen %37.

Espainia mailako hauteskundeak izanik, haizea alde izan du Pablo Iglesiasen alderdiak, Hego Euskal Herrian. Eginiko hamabi hauteskundeetatik, laugarren aldia da Euskal Herriko alderdi abertzale batek ez dituela bozak irabazten Gipuzkoan: 2008an, 1996an, eta 1993an lehen indarra izan zen PSE-EE. 2014an sortu zen Ahal Dugu, eta hauek dira Gipuzkoan inoiz izan dituen emaitza onenak. 2014ko Europako Parlamenturako bozetan 15. 179 boto lortu zituen; bosgarren indarra izan zen, PPren atzetik. Aurtengo foru hauteskundeetan, berriz, laugarren indarra izan da; aurretik izan ditu EAJ, EH Bildu eta PSE-EE. Horri buelta eman, eta orduan baino 54.538 boto gehiago lortu ditu orain. Maiatzean, aurretik izan zuen alderdi sozialista, 15.954 botoren aldearekin. Tarte hori kendu eta 46.211 atera dio orain.

Argazki berri bat

Baina abertzaleak izan dira Espainiako Gorteetarako bozak izatearen eta Ahal Dugu-ren parte hartzearen eragina gehien nabaritu dutenak, eta ez soilik duela lau urtekoekin konparatuta. Azkenengo lau urteetan, Gipuzkoan islatu da argien abertzaleen arteko lehia eta haien hegemonia. 2011ko Espainiako Gorteetarako bozetan, Amaiurrek hiru diputatu eskuratu zituen (botoen %35,18) eta EAJk bakarra (%22,64). Lau urtean, jeltzaleek tarte hori kendu, eta lehen indarra izan dira ordutik eginiko hiru hauteskundeetan. Ahal Dugu-ren emaitzek eten dute joera hori.

EAJk, dena den, duela lau urte baino diputatu bat gehiago lortu du, eta 7.174 boto. Azken lau urteetan, 2012ko Eusko Legebiltzarreko bozetan lortu zituen emaitza onenak: 114.446 boto. Eta aurtengo foru bozetan 112.918. 1977tik, batez beste, 89.158 boto lortu ditu, Espainiako bozetan.

EH Bildu izan du jaitsiera nabarmenena. Duela lau urte Amaiurrek baino 49.282 boto gutxiago lortu ditu orain, orduko babesaren %14,28 galduta. Aurtengo foru hauteskundeekin konparatuta, 22.367 boto galdu ditu koalizioak.

Historikoki Espainiako Gorteetarako bozak alde izan dituzten dituzten bi alderdiek —PSE-EEk eta PPk— , berriz, azken hauteskunde zikloko beheranzko joera berretsi dute. 2011ko hauteskundeekin konparatuta, 27.009 boto gutxiago jaso dituzte sozialistek, %7.67 gutxiago. 1977tik, sozialistek, batez beste, 87.323 boto lortu dituzte, eta hauek izan dira Espainiako hauteskunde batzuetan inoiz lortu duten emaitza okerrena Gipuzkoan (1979an, 59.863 boto). PP 17.809 boto galdu ditu lau urtean, eta bigarren txarrenak ditu historian, alderdia 1989an lehenengoz aurkeztu zenetik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

EH Bilduko koordinatzaile nagusi Arnaldo Otegi, atzo egindako agerraldian. ©JAIZKI FONTANEDA / FOKU

EH Bilduk %75era igo nahi du energia autohornikuntza 2045erako

Xabier Martin

Koalizio abertzaleak «Euskal Herriko eraldaketa ekosozialerako» bere energia estrategia plazaratu du. Energia berriztagarrien aldeko apustua berretsi du, munduko «klima kaosaren aurrean»
Lore eskaintza egin zioten Zabalzari Altzan, haren muralean. ©JON URBE / FOKU

Madrilek Mikel Zabalza biktima gisa aitor dezala eskatu diote Denis Itxasori

Joxerra Senar

Heriotzaren 37. urteurrenean, omenaldia egin diote Donostiako Altza auzoan. Gaitzetsi dute Espainiako Gobernuak ez duela aldatu jarrera
EH Baiko zuzendaritza berria, atzo, Baionan egin zuten ekitaldian. ©BOB EDME

EH Baik lurralde elkargo berezi bat nahi du, Euskal Herri burujabea helburu

Ekhi Erremundegi Beloki

Lehen kongresua egin du ezkerreko abertzaleen mugimenduak, Baionan. 2022-2026 aldirako bide orri politikoa onartu dute
KEM talde antimilitaristaren ekintza, Bilboko koartelean. ©BERRIA

«Kuartela auzoarena izan arte!»

Imanol Magro Eizmendi

Hiru igeltsero antimilitaristak Bilboko Juan de Garay kuartel militarra eraisteko lanekin jarraitu dute. 6.500 metro koadroko orubea Iralako auzotarren esku gelditu dadin egin dute lan. Ertzaintzak kalteak eragitea leporatu die.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.