Noiz sortua: 2015-05-05 00:30:00

LARREPETIT

Jalgi hadi plazara

Goizalde Landabaso -

2015eko maiatzak 5
Sarri eta maiz euskararen etorkizunaren inguruan hitz eta pitz amaitzen dugu lagun artean. Normalean barruko harrak aterata baina eskuetan ezer garbirik ez dugula etxeratzen gara. Lehengoan, baina, batean baino gehiagotan buruan izan dugun ideia garatzen hasi ginen. Txutxu-mutxu aldizkaria. Euskaraz. Bai, irakurle maitea, gure hizkuntza lohitu egin behar da. Badakit, jakin, euskal herritarrok ez garela batere hizki-mizki zale. Dokumental eta albistegi jale naturala da euskalduna. Edozelan ere, bihur gaitezen friboloago. Euskararen salbazioak ez al du merezi? Aldizkaria abiarazteko, ehunka bat euskal zelebrity-k prest egon beharko luke bere bizitza agertzeko, hori ere, euskalgintzaren izenean, jakina.

Gu jende diskretoa gara, besteen bizitza bost inporta zaigu. Ohitu beharko gara. Gauza traszendentalak ahaztu eta txolinkerietarako jauziaren alde agertu zen Iparragirre «eman eta zabal ezazu mundura» hartan. Bisionarioa zen. Itxaro Bordaren azken maitalea, Caroline Philippsen etxea, Xabier Euzkitzeren batel osteratxoa, Sustrai Colinak Zaran erosi duen azken elastikoa, Uxue Alberdi eta Eñaut Elorrietaren ezkontzako argazki guztiak, zer egon zen Kike Amonarriz eta Ilaski Serranoren artean? Fermin Etxegoien eta Juan Luis Zabala maiteminduta daude? Nor da Leire Narbaizarekin Parisa joan den gizonezkoa? Argi gera dakizula, zio soziolinguistiko hutsa du aldizkari digital honek. Euskararen zabalkundea erabat egina dagoenean desagertuko da; AEK, HABE eta osterantzeko euskaltegiak legez. Hegoaldeko biztanleoi, eta are gehiago Iparraldekooi, latza egingo zaigu era honetako aldizkaria irakurtzea. Gu ez baikara horrelakoak. Gu jende serioa gara. Langile sutsuak. Euskalgintzak, baina, bestelako neurriak behar ditu. Jalgi hadi plazara aldizkari digitalak ahalegin demasekoa eskatuko dio euskal irakurleari: barruan ez duen autu-mautu zalea plazararaztea. Zuzendari bila gabiltza, eta noski, .eus-en alde egingo dugu.

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Aceros Olarra enpresako sarrera, Basaurin. / ©Marisol Ramirez, Foku

Inoizko langabezia datu txarrena espero da gaur

Berria

Martxoko datua emango dute gaur. Nafarroako Gobernuak eta Eusko Jaurlaritzak eman dituzten datuen arabera, lana aldi baterako erregulatzeko 26.600 dosier aurkeztu dira azken asteetan, eta horiek 166.000tik gora langilerengan izango dute eragina.

Industrialde bat, erdi hutsik, Bergaran. ©JAGOBA MANTEROLA / FOKU

Espaniako Gobernuaren zirrikituak ateak ireki ditu

Iker Aranburu

Industria askok baliatu dute Espainiako Gobernuak zenbait jarduerari emaniko aukera: berriro ekitea «gutxieneko zerbitzuekin». ESK aztertzen ari da Arantxa Tapiari salaketa bat jartzea

Balkoietan bandera edo oihal moreak jartzera deitu dute, andreek jakin dezaten nori eskatu laguntza. ©MARISOL RAMIREZ / FOKU

Etxea abaro ez denean

Maite Asensio Lozano

Etxean tratu txarrak jasaten dituzten andreak erasotzaileekin itxita geratu izanak kezka eragin du eragileetan eta instituzioetan. Arrisku egoerak areagotu daitezkeela eta, bizilagunak adi egotera deitu dituzte eragileek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna