LARREPETIT

Jende prestatua

Hedoi Etxarte -

2015eko uztailak 18

Neoliberalek kontzeptu askorekin markatzen dute beren partida egunero. Kontzeptu horietako bat da jende prestatuarena. Hegemonia haiena da Europako Batasun osoan. Eta beraz, jende prestatuaren filosofema berdin erabil zezakeen M15eko gazte batek bere prekaritatea salatzeko eta 78ko erregimenaren prentsak Espainiako erregearen aldeko propagandan.

Jende prestatuarena da Nafarroako Gobernu berriaren aldekoek sarean aldeko jarrera erakusteko erabili duten argudio nagusia. Jakina da, esaterako, Manu Aierdik gaztelania eta euskara ez ezik txinera hitz egiten duela, eta aleman pixka bat. Hedabide askok hori nabarmendu zuten atzo. Ez zuten nabarmendu Aierdik Nafarroan atzo arte zuzendu duen alderdiak —EAJk— 5.404 bozka izan zituela azkenekoz bakarka aurkeztu zen hauteskundeetan (%2,52 2014ko Europakoetan). Aierdi, bere txikian, titan politiko bat da, Artur Mas edota Angela Merkel diren neurri berean. Troikak teknikari profilak laudatzen dituen garaietako teknikari bat.

Azken hilabeteotan egon den Nafarroako politikaren beste posizionamendu ilun bat izan da presidentzialismoarena. Nafarroan ez dago presidenteak hautatzeko bozik. Bestela, ziurrenik Esparza litzateke presidente jada. Informatiboki Barkos eta Araizen tirabirak kontatu dira asko. Baina Nafarroako alternantzia ez da bi parlamentarirengatik gertatu: 26ren babesik gabe ez litzateke posible. Horietako hamazazpi EH Bildurenak, Ahal Dugu-renak eta Ezkerrarenak dira. Baina, funtsean, iturria, herritarren mobilizazioa eta mugimendu sozialak izan dira korralitoa salatu eta eraitsi dutenak.

Albiste txarrak izan ditugu asteon Greziatik, balizko Podemosen egitura zentralizatuarengatik eta Nafarroako Gobernuaren eratze prozesu opakoarengatik. Baina zinismoa, ironia automatizatua bezala, neoliberalek kargatzen dute egun. Lana, kritika eta gogoeta dira eraldaketarako tresna onenak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Angeluko hondartza. ©Guillaume Fauveau

Maskara derrigorrezkoa izango da Ipar Euskal Herriko hainbat herritan ere

Olatz Esteban Ezkati

Berrehun positiboren langa gainditu da seigarren egunez jarraian Hego Euskal Herrian: 224 kasu izan dira azken orduetan. Gipuzkoako tabernariak kexu agertu dira Jaurlaritzaren murrizketak direla eta

Emakume bat oinez Donostian, erosketen poltsak eskuetan, joan den apirilean. ©GORKA RUBIO / FOKU

Zaurgarrienak, zaurgarriago

Maddi Ane Txoperena Iribarren

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek. Egoera hobetzeko gomendioak eman dizkie erakundeei

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna