Albistea entzun

LARREPETIT

Hain zuri dena

Iñigo Aranbarri -

2016ko urtarrilak 24

Hogei hautagai aurten ere interpretazio atalean Oscar sarietan. Hogei aktore; hamar nagusi, hamar bigarren mailako. Hamar gizonezko, hamar emakumezko, formula aspaldidanik legez halakotuta. Eta bigarren urtez jarraian, denak elurra bezain zuriak.

Akademiaren hautaketa salatu dutenak Spike Lee zuzendaria eta Jada Pinckett aktorea izan dira, eta hala iragarri dute, ez doazela aurten ekitaldira. Boikota. Biak bietera, ez dira edozein. Lee-ri Ohorezko oscarra eman zioten iaz; Pinckett, berriz, Willy Smithen emaztea da, Hollywoodeko sos-egile gaitzenetakoa.

Eta hala lehertu da eztabaida gainerako komunitateen presentziaz, kuoten egokitasunaz, industrian ezarritako supremazismoaz. Salaketa mugimendu hau zurien kontrako jarrera arrazista dela Charlotte Rampling-ek esan du: «ez dago jakiterik, baina menturaz aktore beltzek ez dute azken txanpa horretan egotea merezi izan».

Astebeteko eztabaidaren ostean heldu dira aldaketak. Hemendik atzera ez da biziarteko bozik izango Akademiako kideen artean, boto eskubidea gehienez ere hamar urtez luzatuko da eta oro har gizartearen askotasuna bermatuko duten beste neurri batzuk hartuko dira.

Bizkitartean, Akademiako partaideei buruzko datuak zabaldu dira: %94 zuriak dira, %77 gizonezkoak eta batez besteko adina 63 urtekoa da. Kontua, bistan da, osaketarena da beste ezerena baino. Nolako egiturak, halako joerak. Alferrik eskatuko dizkiogu gereziak Gernikako arbolari.

Hollywood zer den, badakigu. Baliteke heldu den urtean sarietako bat afroamerikar bati ematea. Eta zer. Industriak bere horretan segituko du, nagusiak eta hauen buruak ez dira hamar urtean mudatuko. Eta honetan ere, zein estrapolablea den gauza asko, kontzientzia hartzeaz harago dago lantegia, egiturak behar dira aldatu, freskatu, berritu, egiten duguna garenaren ispilu izango bada. Elurraren zikinari eder iritzi osteko hori guztia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.