Albistea entzun

Besoko moreak NUPeko karpan

Sexu erasoei aurre egiteko brigadak antolatu ditu NUPeko Talde Feministak. Hasieran, baimena ukatu zien jaialdiko antolakuntzak
NUPeko Talde Feminista, asteazkenean, Arrosadiko campusean.
NUPeko Talde Feminista, asteazkenean, Arrosadiko campusean. BERRIA

Ion Orzaiz -

2016ko urriak 21 - Iruñea

Urtero legez, ikasturte hasiera «paraleloa» ospatuko dute gaur NUP Nafarroako Unibertsitate Publikoko ikasleek, festa batean. Aurten, ordea, jaialdiak jauzi kualitatiboa emanen du sexu erasoen aurkako neurriei dagokienez: brigada feministak egonen dira jaia egiteko karpa barruan, sexu erasoei aurre egiteko eta, norbaitek behar izanez gero, laguntza emateko. Brigadetako kideek besoko moreak eramanen dituzte, jendeak identifika ditzan. Egitasmoa, baina, ez dute jaiaren antolatzaileek prestatu, NUPeko Talde Feministak baizik. Are gehiago: brigadak debekatzeko imintzioa egin du antolakuntzak.

Asteartean jarri zituzten brigadak iragartzeko afixak NUPeko campusean, baina, handik ordu gutxira, antolatzaileek kendu egin zituzten, eta talde feministako kideei karpan sartzea debekatu. «Ohartarazi ziguten brigadetako kideren bat identifikatuz gero kanporatu egingo zutela», gogoratu du Cristina Oses NUPeko Talde Feministako kideak.

Debekuak, baina, hautsak harrotu zituen sare sozialetan, eta, kalapita mediatikoaren ostean, atzera egin dute antolatzaileek. NUPeko Talde Feministak pozik hartu du berria, baina arazoak «bere horretan» segitzen duela adierazi du: «Karpa kudeatzen duen enpresaren jarrera da benetan kezkatzen gaituena, irabazi ekonomikoei soilik erreparatzen baitie, azken urteetako sexu erasoei eta jarrera matxistei bizkarra emanda».

Izan ere, polemika iturri izan da unibertsitateko karpa azken urteetan. 2014an, lelo matxista zuten eranskailuak banatu zituzten han. Hoy follo, mañana juicio (Gaur larrua joko dut, bihar epaiketa) edota Bonitas piernas, ¿a que hora abren? (Hanka ederrak, zein ordutan irekiko dute?) irakur zitekeen horietako batzuetan. Horiez gainera, hainbat sexu eraso «isilduak» izan direla uste du Osesek. «Urtero gertatu izan dira sexu erasoak, baina biktimek ez dituzte salatu, lotsagatik edo beldurragatik». Feministek ezinbestekotzat jo dute «festaren ereduaz hausnarketa egitea, multinazionalek babestutako mozkorraldi erraldoia izan ez dadin».

Atxilotu bat Ribaforadan

Foruzaingoak 34 urteko gizon bat atxilotu du Ribaforadan (Nafarroa), emakume bat bortxatzea egotzita. Ustez, lan elkarrizketa bat baliatu zuen gizonak, lanpostu eske zebilen andrazkoari sexu erasoa egiteko. Bestalde, Portugaleteko (Bizkaia) emakume batek sexu eraso bat salatu zuen iragan asteartean. Horren kontrako protesta eginen dute gaur, 20:00etan, Maria Diaz de Haro kalean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Baionako Arteen Hirian antolatu dute zuzenketa zentroa, Euskal Elkargoaren babesarekin ©Guillaume Fauveau

Euskaraz erantzuniko brebetako azterketak zuzentzen ari dira Baionan

Ekhi Erremundegi Beloki

Zuzenketa zentroa antolatu dute Baionako Arteen Hirian, Euskal Hirigune Elkargoaren babesarekin. Adierazi dutenez, sinetsiak dira ekintzak «ondorioak» izanen dituela. Donibane Garaziko zuzenketa zentroan protesta egin dute sare publiko eta pribatuetako irakasleek, Seaskari babesa erakusteko.

Artxiboko irudia ©Marisol Ramirez / FOKU

Emakume batek sexu eraso bat salatu du Zarautzen

Iñaut Matauko Rada

Zarauzko Udalak erasoa arbuiatu du adierazpen instituzional baten bidez, eta laguntza eskaini dio biktimari.

Zezenketen aurkako protesta

Iruñean salatu dute zezenketak «iraganean» gelditu direla eta «eboluzionatzeko garaia» dela

Lide Egizala Urteaga

Manifestazioa egin dute Anima Naturalis eta PETA erakundeetako kideek, eta zezenketen abolizioa aldarrikatu dute.

Suizidioari buruz aritu dira EHUko Udako Ikastaroetan, <em>Izena duena: suizidioa</em> jardunaldian. ©GORKA RUBIO / FOKU

LGTBI kolektiboko kideen eta adinekoen suizidio tasa handiagoa dela adierazi dute

Oihane Puertas Ramirez

LGTBI kolektiboko kideen eta adinekoen suizidio tasa handiagoa dela adierazi dute EHUko Udako Ikastaroetan suizidioari aurre egiteko tresnei buruz aritzean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...