Albistea entzun
Emakumeen aurkako indarkeriari ez
Emakumeen aurkako indarkeriari ez

19. Korrika

Kolore guztiak, euskaraz

Goiza Gipuzkoan eginda, Baionarako bidea hartu du Korrikak Nafarroan barna.

Euskara eta aniztasuna lotu dituzte arrazakeriaren aurka Irunen

Hodei Iruretagoiena - Berriemaile berezia

2015eko martxoak 22 - Irun

Iruñerriko gaua argitu ondoren, Gipuzkoarantz egin zuen Korrikak atzo. Batean zein bestean, jende oldeak eman zion segida euskararen aldeko lasterketari, euri tantek korrikalariak busti arren ia egun osoan. Gipuzkoako barnealdea igarota, Baionaranzko bidea hartu zuen berriz iluntzerako, Nafarroa iparraldea pasatuta. Egunez zein gauez, euskararen bidean bildu ziren berriz ere sentimendu eta kolore guztiak.

Tolosaldean (Gipuzkoa) harrapatu zituen egunsentiak euskahaldunak. Hogei urtetik gora baziren lekukoak ez zituela Berastegi eta Elduain zeharkatzen, eta gogo bereziz egin zituzten bertan Tolosa alderako urratsak. DJ Bullek ere girotu zuen goiza tarte batez, furgonetara igota, Villabona-Amasatik Andoainera bitartean. Herriko ibilbidean zehar, ia bazter guztietan bildu ziren andoaindarrak. 400 urte bete ditu aurten herriak, eta bertan egokitu zitzaien 400. kilometroa ere. Indarrak hartzeko postu bat ere jarri zuten, jan eta edanez betea, lasterraldia Astigarraga aldera luzatu nahi zutenentzat.

Aldarri handia da Korrika, eta era guztietako mezuak biltzen ditu bere barruan. Atzo, euskararen aldeko pausoek kaleak bete zituzten Hernanin; tartean, herriko Gure Esku Dago taldekoak. Jatorri politiko ugaritako herritarrak batu ziren haien kilometroan, Zinkoenea plazan. «Aniztasun» hori nabarmendu zuen Unai Lizasok, Hernaniko Gure Esku Dago-ko kideak: «Herri bat gara, eta herri egiten gaituen oinarrietako bat da gure hizkuntza. Euskarak batzen gaitu».

Batzeko bide, eta ahaleginaren eta elkarlanaren emaitza da Korrika. Eta, batez ere, festa ibiltari handi bat: animo oihuak furgonetatik, eta musika. Musika bozgorailuetatik eta zuzenean. Txaranga bat ere osatu zuen gazte talde batek Errenteriako sarreran, Korrika Zamalbide auzotik barrena zetorrela, atzetik zetorrenaren aurrekari gisa.

Errenteria bera izan baitzen festa handi bat atzo. Korrika trenbide azpitik pasatu zen unean jarri zuten kartel bat zubi gainean, ongietorria emateko: Orereta, euskahaldun. Herriko kaleak jendez beteta, txalo artean igaro zen lekukoa plazatik barrena. Izan ziren bide bazterretik lasterketara batu zirenak, eta izan ziren azken autoak pasatuta ere txaloka jarraitu zutenak. Begiak bustita batzuk, baina emozioz eta indarrez. Iluntzean, dantza ikuskizunei begira zeuden oraindik errenteriarrak, herri bazkaria gustura luzatuta.

Arrazakeriaren aurka

Errenteriatik Oiartzunera, eta Irun aldera jo zuen eguerdirako Korrikak. Arrazakeriaren eta xenofobiaren aurkako nazioarteko eguna izanik, deialdi berezia egin zuen Irunen Euskal Herria 11 Kolorek, Behobia auzorako bidean. Bat egin zuten eragile eta elkarte ugarik: ijitoen elkarteek, sahararrek, Gora Gasteizek, SOS Arrazakeriak... Baita erakundeek ere: Eusko Jaurlaritzak, Gipuzkoako Foru Aldundiak eta Udalbiltzak.

Urdanibia plazan ekitaldia egin ondoren, Azken Portuko kiroldegiaren aurrean hartu zuten lekukoa. Aurrena, Fermin Muguruza musikari irundarrak. Pozik erantzun zion EH 11 Kolorek egindako deiari: «Normalean, [Irundik Hendaiarako] Nazioarteko Zubian egin izan dut Korrika, aspalditik. Polizia guztiak hor egoten ziren, eta Korrikak puskatu egiten zuen muga. Zoragarria zen. Zoragarria da hori». Sahararrei pasatu zien lekukoa, baina noraino jarraitu behar zuen galdetuta, erronka zaila jarri zion bere buruari: «Faisan irlaraino iritsiko naiz gaur, eta hortik egingo dut buelta nire auzora, Moskura».

Haien ondoren egin zuen lasterka Eusko Jaurlaritzako Gizarteko Politiketako sailburu Angel Toñak ere. Bat egin zuen hark ere EH 11 Koloreren eta Korrikaren mezuekin: «Aniztasunean, euskararen eta Euskal Herriaren alde gaude».

Behobia pasatuta, Nafarroara sartu zen berriz Korrika: Beratik pasatuta, Lesakara. Jende mordoa elkartu zen han. Etxalar eta Igantzi igarota, Berara sartu zen berriz ere. Euskahaldun ugari elkartu zen herri horietan, Euskal Herriko hainbat lekutatik asteburu pasa joandakoak tartean. Besoak gora altxatuta, animoz hasi zuten Ibardinen gorako bidea. Mendatea igarota, Lapurdira egin zuen berriz Korrikak: Senpere eta Uztaritze pasatu, eta gauez Baionara. Kostaldeko bidea hartu du Korrikak, eta festa koloretsua espero da gaurko ere. Besteak beste, Donostian izango da goizetik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Alemaniako Grevenbroich hiriko parke eolikoa, eta, atzean, ikatzezko zentrala, duela gutxiko irudi batean. ©SASCHA STEINBACH / EFE

PLANETAREN MUGEKIN TALKAN

Iñaki Petxarroman

50 urte dira Hazkundearen Mugak txostena kaleratu zutela. Ekonomia ulertzeko beste modu bat ezarri zuen, eta zientzian oinarritutako sistema batekin erakutsi zuen hazkunde etengabeak etorkizunean eragin zitzakeen arazoak. Gaur egun, begi bistan daude arazo horietako batzuk, hala nola klima krisia eta bioaniztasunaren galera.
 ©BERRIA

«Gure aztarna ekologikoak egungoaren hamarren bat izan behar du»

Iñaki Petxarroman

Kontsumoa eta ekoizpena apaltzea eta espiraleko ekonomia martxan jartzea beste biderik ez du ikusten Antonio Valerok.
Jainkosaz aldatzeko prest al gaude?
Juan Mari Aburto lore eskaintza egiten, atzo, Bilbon. ©BILBOKO UDALA

Frankismoak espetxeratutako andreak omendu dituzte Bilbon

Iosu Alberdi

Bilboko Udalak eta Gogora institutuak plaka bat jarri dute Orue Txaleta zegoen lekuan. Eraikin hura espetxe izan zen 1937tik 1942ra bitarte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...