Albistea entzun

Balerdi Balerdi 'Galtzen ikasteko metodoa'

Zertarako irabazi

Argitalpena: Egilea editore.

Andoni Tolosa -

2017ko uztailak 2

Nola jakin ona den Balerdi Balerdiren disko bat? Oso erraza da, behin entzun eta buruan hiru kanturen leloak geratzen bazaizkizu, disko ona da; bigarren aldiz entzuten duzunean beste bi barneratu badituzu, oso disko ona dela esan behar. Hirugarrenarekin, jada, melodiaren bat txistu eginez errepikatzeko gai bazara, biba! Disko bikaina da belarriratu duzun hori. Ez nauzu ezagutzen, Zanbalan, Galtzeeeeeen nola ikasten da galtzen, Bi izar sortuak dira zeru ertzean eta Fan fanaaaaatikoa dira gogoratzen ditudan leloak. Gainera, esango nuke Amaitzear da dantza garaia kantuaren melodiaren antzeko zerbait eraman dudala ezpainetan gaur bizikletan lanerako bidean. Beraz, argi dago... Gure pozerako, disko bikaina da balerditarren azken hau.

Disko indartsua da, gainera, bere ibilbideko diskorik rockeroena esango nuke. Nabaria delako, ziurrenik, Berako armadaren presentzia; Pettiren gitarrek ederki biltzen dituzte kantu gehienak eta inoiz protagonismo gehiegirik hartu gabe, areagotu egiten dute, nabarmen, kantu hauen zapore rockero hori. Bereziki Iruña motor city, Huts egin dut edo Haur denborako egunak kantu indartsuetan. Anxel Iraolaren baxuek, berriz, sendotasun hori azpimarratzen dute eraginkortasun handiz. Berako musikarien ekarpena izan daiteke disko honen berrikuntzarik nabarmenena. Baina ez da bakarra.

Diskoan bada, jakina, power-pop lezio ugari; ez genuen gutxiago espero Toño Muro eta Sergio Ibarrolarengandik, taldeko arima osatzen duen bikotearen partetik. Baina bada countrya ere, Josetxo Bichos eta Gavilanen omenez egindako Bi izar kantu hunkigarrian, rock sureñoa Gu eta ni dantzagarrian, eta amerikana ukituko abiadura erdiko garapen akustikoak Itsasaldean kantuan, besteak beste. Ezin falta Muro jaunaren espezialitateetako bat diren balada elektriko nostalgikoak, Amaitzear da dantza garaia kantu ederra, adibidez. Diskoa amaitzeko, azkenik, 60ko hamarkadatik atera berria dirudien pop pieza bat dator (tronpeta eta guzti) Fan oso fan. Bai, disko animatua da, inondik inora.

Honi guztiari, jakina, gehitu behar zaio egunerokotasunetik zuzenean edaten duten hitzen sentikortasun umoretsua, orain nostalgikoa, orain kritikoa. Balerdi Balerdikoen puntu sendoetako bat da, baita haiek musikarekiko eta zalearekiko erakusten duten apaltasun inbidiagarri hori ere (ez dut uste haiek ados egongo direnik horrekin, baina haien xarmetako bat da dudarik gabe). Disko osatua da, kantu bikainez josia, erraz entzun eta dastatzekoa. Zertarako irabazi, diskoak hain onak direnean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

2022ko udazkenean egingo da XVIII. Bertsolari Txapelketa Nagusia

2022ko udazkenean egingo da XVIII. Bertsolari Txapelketa Nagusia, Iruñean

Mikel Lizarralde

Getxon abiatuko da, irailaren 24an, eta finala Nafarroako hiriburuan jokatuko da, abenduaren 18an.

Paula Estevez, Maite Gurrutxaga eta Ainara Azpiazu <em>Axpi</em> ilustratzaileak, atzo, Donostiako Koldo Mitxelena kulturunean. ©MAIALEN ANDRES / FOKU

'Zu'-aren hamaika trazuak

Itziar Ugarte Irizar

Tupust kolektiboak bigarren komiki antologia argitaratu du, oraingoan autoekoitzita. 21 sortzaile eta hamazazpi istorio bildu dituzte, eta askotariko ertzetatik heldu diote gai nagusiari, 'zu'-ari

Bilboko Rekalde aretoan 90 margolan batu ditu Idoia Monton artista donostiarrak. ©ARITZ LOIOLA / FOKU

Pintura beti itzultzen da

Iñigo Astiz

Idoia Monton artista donostiarrak azken hiru hamarkadatan egindako lanaren berri ematen duten 90 artelan batu ditu Bilboko Rekalde aretoak, 'Zazpi leihoak' izenburupean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.