Jaurlaritzaren diru laguntzak. Euskal hedabideak

«Babesle nagusia» dela erantzun du Jaurlaritzak

Azaldu du diru laguntzak banatzean hedabideen «eraginkortasuna» lehenetsi duela.

BERRIAren kontra dagoela ukatu du gobernuak

Maite Asensio Lozano -

2014ko urriak 22

«Eusko Jaurlaritzak BERRIAren babesle nagusi izaten jarraitzen du». Diru laguntzaren murrizketak batik bat Interneteko sare sozialetan eragindako kexei erantzun egin zien Hizkuntza Politikarako Sailburuordetzak, atzo arratsaldean, ohar baten bidez. Laguntzen banaketan izandako irizpide aldaketa defendatu zuen, baita diru kopurua jaitsi izana ere: «Kontuan hartu behar da BERRIAren aurrekontua 484.977 euro jaitsi dela aurten. Hala ere, Jaurlaritzaren diru laguntza ez da kopuru berean jaitsi (208.217 euro gutxiago). BERRIAk berak gutxitu duen aurrekontua baino gutxiago gutxitu da diru laguntza».

Hedabideen esparrua «lehentasunezkotzat» jo du Jaurlaritzak, eta horren adierazle jarri du 2012tik diru laguntzen saila urritu ez izana: 4.875.000 euro banatu ditu 122 hedabideren artean. Dirua nori eman ebaztean, baina, irizpidea aldatu du aurten gobernuak: irismenaren arabera ezarri ditu puntuen %70. «Hedabidearen eraginkortasunari eman zaio garrantzia bereziki», azaldu du oharrean. «Euskararen erabilera jarri dugu diru laguntzen erdigunean, hedabideen kontsumoa, alegia».

Irismenari eta eraginkortasunari lotutako kalkulua nola egin duen ez die argitu Jaurlaritzak komunikabideei, baina zertzelada batzuk eman ditu oharrean: «Batetik, hedabideak duen zabalkundea hartu da kontuan, eta, bestetik, hedabide horren jardun esparruan dauden kontsumitzaile potentzialak ere aintzat hartu dira; bi datuok erkatuta baloratu da nagusiki hedabide baten eraginkortasuna. Bere esparruan zenbat eta jende gehiagorengana heldu, orduan eta diru laguntza handiagoa jasoko du». Horrela, tokiko hainbat hedabideren diru laguntza handitu egin da: «Irakurle gehienengana iristen dira».

Ekuazio horren ondorioz, 1.301.963 euro jasoko ditu BERRIAk aurten, iaz baino ia 210.000 gutxiago. «Esan behar da ez dugula ezagutzen inon ere tamaina horretako diru laguntza jasotzen duen beste hedabiderik». Gobernuak BERRIAri «babes bikaina» eman diola nabarmendu du, «euskararen erabilera prentsan bultzatzearen alde egiten duen lanarengatik», eta ildo berean jarraituko duela baieztatu du.

«Diru laguntza hau ematen duen erakunde bat ez dago inolaz ere BERRIAren kontra. Euskararen erabilera sustatzearen alde dago Jaurlaritza», erantsi du. Areago, euskarazko kazetari «diskriminazio positiboa» egiten zaiola adierazi du: «Euskal hedabide ezberdinen aurrekontuaren %18,72 diru laguntzen bidez finantzatzen du Eusko Jaurlaritzak. BERRIAren kasuan, ordea, aurrekontu osoaren %21,38 ordaintzen da».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Osasun langile bat pertsona bati PCR proba egiten, herenegun, Ordizian. ©Jon Urbe / Foku

58 dira Ordiziako agerraldiarekin lotutako kasuak

Iosu Alberdi - Irati Urdalleta Lete

Positibo emandakoek ezingo dute bozkatu Ordizian. Bai, ordea, haien kontaktu zuzenek. Araban beste foku bat izan den ikertzen ari da Osasun Saila, azken orduetan bederatzi kasu atzeman ostean.

Nafarroako Gobernuko Osasun kontseilari Santos Indurain. ©Jesus Diges / Efe

23 positibo detektatu dituzte Tuterako agerraldian

Igor Susaeta

Beste agerraldi bat gertatu da Iruñean, eta bost pertsona kutsatuta daudela baieztatu dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna