Turkiari Sirian ez esku hartzeko ohartarazi dio Damaskok

Ankarak agindu du Kobani hiri kurdua ez duela jihadisten esku erortzen utziko.

Turkiari Iraken sartzeko aukera baztertzeko eskatu dio Malikik
Ke laino bat Kobane hirian; Estatu Islamikoak setiopean dauka.
Ke laino bat Kobane hirian; Estatu Islamikoak setiopean dauka. SEDAT SUNA / EFE

Xabin Makazaga -

2014ko urriak 4

AEBek gidatzen duten nazioarteko koalizioak Estatu Islamikoaren kontra Sirian egin dituen bonbardaketak, aldarte hobearekin edo txarragoarekin, onartu ditu Baxar al-Assadek. Baina Turkia, hori beste kontu bat da. Herenegun onartu zuen Turkiako Legebiltzarrak —AKPren gehiengo osoa baliatuta— bere armadak Sirian eta Iraken «talde terroristei» aurre egitea, baina Siriako armadaren aurka «defenditzeko» baimena ere eman zion. Eta Turkiaren edozein esku hartze «erasotzat» hartuko dutela nabarmendu zuen atzo Siriako Atzerri Ministerioak.

NBEren Idazkaritza Nagusiari eta Segurtasun Kontseiluari gutun bana igorri zien atzo Siriako Gobernuak, Ankararen erabakia NBEren Gutunaren «ageriko urratze bat» dela adieraziz, eta Turkiari «Siriako auzietan muturra sartzeari» uzteko eskatuz.

Sirian jardunean diren «talde terroristei» mugarik gabeko babesa ematea egotzi dio Siriak Turkiari, eta nazioarteari eskatu dio Turkiako armadaren «abenturak» amaitzeko, «eskualdeko eta munduko segurtasun eta bakearentzat mehatxu bat».

Turkiako armadak, ordea, atzo bertan Rojavako Kobane hiriaren inguruan artilleria erasoak hasi zituela jaso zuen Rudaw agentzia kurduak, Turkiako hedabideen informazioak aipatuz. Eraso horien baieztapenik ez zuten eman Kurdistan Mendebaldeko nahiz Turkia edo Siriako agintariek.

Asteak daramatza Kobanek IS Estatu Islamikoaren setiopean, eta YPG Herriaren Babeserako Unitateak ari dira erasoaldiari eusten. Dena den, AEBek zuzendutako koalizioaren bonbardaketek ez dutela ISrengan eraginik izan salatu dute indar kurduek. Eta Turkiako armadak gatazkan esku hartzeko aukera, laguntza gisa barik, arrisku gisa ikusten dute. Hala ere, Kobane ez dutela «erortzen utziko» esan zuen atzo Turkiako lehen ministro Ahmet Davutogluk: «Behar den guztia egingo dugu».

Irakeko presidenteorde Nuri al-Malikik ere gogo txarrez hartu du armada turkiarra beren menpeko lurretan sartzeko aukera, eta baimen hori baliogabetzeko eskatu dio Turkiako Legebiltzarrari. Halaber, Haider al-Abadi Irakeko lehen ministroari «jarrera argiago bat» erakusteko eskatu dio. Al-Abadik «erabat» baztertu zuen duela egun batzuk herrialde arabiarrek parte hartzea Iraken ISren posizioak bonbardatu dituzten koalizioan.

ISri petrolioa saltzen

Kurdistango Eskualde Autonomoan, KDP Kurdistango Alderdi Demokratikoko —Nechirvan Barzani lehen ministroaren alderdia— eta PUK Kurdistango Batasun Patriotikoko zenbait funtzionariok Estatu Islamikoarekin petrolio eta gai finduak salerosteko akordio bat dutela jakinarazi zuen atzo Rudaw agentziak.

KDP eta PUK alderdiek baieztatu dute merkataritza harreman horien berri izan dutela, eta jakinarazi dute nahasita dauden funtzionarioak zigortuko dituztela, Rudawen arabera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

569 kasu atzeman dituzte Araban, Bizkaian eta Gipuzkoan

Berria

Bizkaian kasu gehien atzeman diren eguna izan da: 402.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna