Albistea entzun

Podemosekin «negoziatzeko prest» da Araiz, EH Bilduko hautagaia

Erredakzioa -

2014ko azaroak 23 - Iruñea

«Bada indar politiko bat gorabidean; baina bitxia da egoera, indar horrek, gaur egun, ez baitu ez programarik, ez eta bururik ere». Nafarroako EH Bilduko zerrendaburu Adolfo Araizek erran zituen hitz horiek atzo. Podemosi buruz. Araizek erantsi zuen, hala ere, alderdi horrekin «negoziatzeko prest» dela, Nafarroan «bazterketarik gabeko aldaketa politiko eta soziala» lortzeko.

Koalizioko hainbat hautetsirekin bilera egin zuen Araizek atzo. «Argi dago Nafarroak aldaketa behar duela», esan zuen EH Bilduko hautagaiak. Asteon ezagutu diren Navarrometro-aren emaitzak gogora ekarri zituen, eta nabarmendu zuen inkesta horrek jasotako datuek erakusten dutela «UPNk eta PSNk ordezkatutako erregimena hondoratu» egin dela.

«Nafarroa politika egiteko bertze modu bat eskatzen ari da», erantsi zuen Adolfo Araizek, eta argi utzi zuen EH Bilduk herritarrek nahi duten aldaketaren «tren-makina» izan nahi duela. «Koalizioa aspalditik ari da aldaketa bultzatzeko lan hori egiten», gaineratu zuen.

Koalizio subiranistak datorren abenduaren 2an aurkeztuko du hauteskundeei begirako bere proposamena, Iruñeko Labrit pilotalekuan, Araizek atzo erran zuenez. «Proposamen historikoa izanen da», nabarmendu zuen. «Argi utziko dugu Nafarroako kontuak Nafarroan erabakitzen direla, eta herritarrek erabakitzen dituztela».

Gazteak protagonista

Ernaik eta Ikasle Abertzaleek ere aldaketarako beharra dagoela nabarmendu zuten atzo, Erregimena kanpora! lelopeko dinamikaren aurkezpenean. Gazteek aldaketa lortzeko lan horretan «protagonista» izan behar dutela uste dute bi taldeok, eta horixe da prestatu duten kanpainaren helburua. Herriz herri eta auzoz auzo ariko dira «gazteekin lanean». Kanpaina horren barruan, gainera, manifestazioa prestatzen ari dira Ernai eta Ikasle Abertzaleak, maiatzaren 16rako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Beatriz Artolazabal Eusko Jaurlaritzako Berdintasun, Justizia eta Gizarte Politiketarako sailburua. ©ENDIKA PORTILLO / FOKU

HBko kideei bidalitako bonben auzia ikertzea galdegin du Artolazabalek

Edurne Begiristain

Gertakarien sekretu ofiziala kentzeko eskatu du Jaurlaritzako Justizia sailburuak. EH Bilduk biktimen artean mailaketak egitea egotzi dio

 ©IDOIA ZABALETA / FOKU

«Presoek egiteko bat dute elkarbizitzaren eraikuntzan»

Maddi Ane Txoperena Iribarren

Dudouetek uste du euskal prozesua «berritzailea» eta «inklusiboa» izan dela, aldebakarrekoa ez ezik: «Egon da elkarrizketa bat; euskal elkarrizketa bat». Itxaropenez egiten die so azken aitzinamenduei.

 ©Jon Urbe / FOKU

Herri baten biderako gakoak

Enekoitz Esnaola

Erabakitzeko eskubidea, erreferenduma, estrategia partekatua, gizarte zibila, desobedientzia, eta bide demokratikoak eta baketsuak nabarmendu dituzte Ibarretxek, Torrak, Alvarezek eta Cuixartek

<em>Gatazken eraldaketa demokratikoa</em> izenpeko mahai ingurua, atzo, Donostiako Kursaalean. ©JON URBE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.