Albistea entzun

AEBetako kanpaina astindu du Clintonen kontrako FBIren ikerketak

Presidentegaiak eskatu du «lehenbailehen» emateko ikerketaren xehetasunak. Informazioa bidegabeki erabiltzea leporatzen diote
Hillary Rodham Clinton hautagai demokrata.
Hillary Rodham Clinton hautagai demokrata. CRISTOBAL HERRERA / EFE

Amagoia Mujika Tolaretxipi -

2016ko urriak 30

Edozer gerta liteke: ezer ez edo dena. Kasurik okerrenean, Hillary Rodham Clintonen etorkizuna arriskuan legoke. Herenegun FBI AEBetako Ikerketa Bulego Federalak jakinarazi zuen ustez bere kontutik estatu gaiez bidalitako mezu elektroniko berriak zituela ikertzeko, eta berez itxia zuen ikerketari argia ematen diola. Auzi horrek buruhauste asko eman dizkio hautagaiari hainbat hilabetetan, eta, lasaitua hartua zegoela, ez dio batere mesederik egiten hauteskundeak baino 11 egun lehenago berrikusteak: arriskuan jar lezake Donald Trump hautagai errepublikanoarekin duen abantaila.

Kanpainaren erdigunean dago gaia, eta azaroaren 8ra bitartean hortxe izango da. Horregatik, mezuen edukia «lehenbailehen» argitzeko eskatu dio Clintonek FBIri, ikerketak sor dezakeen mesfidantza hauteskundeen aurretik uxatu ahal izateko. «Herri estatubatuarrak eskubidea du lehenbailehen izateko gertaera guztien berri».

Konfiantza osoa du uztailean FBIk hartutako erabakia ez dutela aldatuko. Uztailean, hiru orduko galdeketa izan zuen Clintonek dokumentuei buruz, FBIren egoitza nagusian, eta, egun batzuetara, Justizia Departamentuak kasua ixtea erabaki zuen FBIren aholkuak jarraituz.

James Corney FBIko zuzendariak eskutitz bat bidali zien legebiltzarkideei herenegun, esanez, mezu berriak ikertuko dituztela, haren arabera, ikerketa merezi duten informazioa egon daitekeelako, eta uste du informazioaren erabilera «batere ardurarik gabe» egin zuela, baina ez daki garrantzitsuak izango diren edo ez. Eskutitza bera oso nahasgarria da, eta ez du argitzen zenbat diren mezuak. Horregatik, Clintonen ustez, FBIko zuzendariak «interes berezia dauka» susmoak zabaltzeko. AEBek debekatu egiten dute sekretupeko informazioa ezarriak dauden bideetatik kanpo bidaltzea.

FBI ikertzen ari da Clinton Estatu idazkari zela (2009-2013) sekretupeko informazioa bidegabeki bidali zuenetz zerbitzari pribatu batetik. Orain, AEBetako komunikabideek zehaztu ez dituzten iturri ofizialak aipatuz, Anthony Weiner kongresista demokrata ohiaren kontrako ikerketa baten harira azaldu dira. Weiner oso polemikoa izan da, eta demokraten eserlekua utzi behar izan zuen, adingabeko bati eduki sexuala zeukaten mezuak bidaltzeagatik. Huma Abedin Clintonen gertuko aholkularen senarra izan da Weiner, bere kontrako ikerketa abiatu arte.

Trumpen arnasa

Dudarik ez dago datozen egunetako albiste nagusia izango dela oraindik ere AEBetan, eta gertatutakoa primeran etorri zaio Donald Trumpi, apaldua zeukan babesa berreskuratzeko. Horregatik, ahalik eta etekin handiena ateratzen saiatuko da kanpainaren azken txanpan, eta hitzok egin ditu Iowako mitin batean: «FBIk ez zukeen inoiz auzi bat berriz zabalduko izugarrikeria handieneko krimen bat egongo ez balitz», jarraitzaileek sutsu «espetxeratu ezazue» oihkatu duten bitartean. «Ezin dugu utzi bere plan kriminala eraman dezan Etxe Zurira. Hau Watergate baino askoz handiagoa da».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Pekinen iragan astean egin zuten manifestazioetako bat. ©M. R. CRISTINO / EFE

Txina, konfinamenduen amaierarako bidean

Olatz Urkia

Urumqin hiru lagun hil ziren joan den astean, sute bat hasi eta konfinamendu neurriek suhiltzaileen lana oztopatu zutenean. Haserrea segituan piztu, eta Txina osoan hedatu dira neurri horren aurkako protestak; orain, egoera baretuta, badirudi gobernuak manifestariak lasaitzeko keinua egin duela.
Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste
Espainiako Polizia Ukrainaren enbaxadaren ingurumarietan, atzo. ©Chema Moya, EFE

AEBen enbaxadakoei eta Pedro Sanchezi ere bidali dizkiete lehergaiak

Uxue Rey Gorraiz

Sei dira guztira atzemandako bonbak; horietatik bost azken orduetan atzeman dituzte, Espainiako Defentsa Ministerioan, AEBen eta Ukrainaren Madrilgo enbaxadetan, Zaragozako arma lantegi batean eta Torrejon de Ardoz herriko aire basean. Pedro Sanchezen aurkako bonba bat atzeman zuten azaroan. Antzeko ezaugarriak dituzte, eta agian gehiago egongo direla ohartarazi dute.

 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainanan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...