Albistea entzun

Deflazio hotsek indarra hartu dute: Hegoaldean inflazioa -%0,4ra jaitsi da

Erregaiaren gaineko osasunerako zentimoa desagertzeak are gehiagojaitsarazi ditu prezioak Nafarroan: -%0,8

Miren Garate -

2014ko irailak 13 - Donostia

Bigarren hilabetez jarraian behera egin dute urtearteko prezioek Hego Euskal Herrian. %0,3 merkatu ziren uztailean eta %0,4 abuztuan, INE Espainiako estatistika erakundeak jakinarazi duenez. 2009ko urritik izandako jaitsierarik handiena da. Orduan ere,%0,4 jaitsi ziren.

Espainian ere negatiboa izan da urtearteko tasa (-%0,5), eta deflazio hotsek hauspoa hartu dute. Gertu dago egoera horretatik Nafarroa. Nazioarteko Diru Funtsak dio prezioen jaitsiera iraunkorra dela deflazioa. Arrisku handiak ditu: enpresek eta pertsonek dirua gastatzeko unea atzeratzen dute, prezio merkeagoen zain; horrek kontsumoaren eta ekonomiaren geldialdia eragiten du.

NDFak, berez, ez du zehazten epe jakinik, nahiz eta esaten duen hiruhileko batean edo bitan soilik izanez gero jaitsiera ez dagoela kezkatu beharrik. Nafarroak zortzi hilabete daramatza tasa negatiboekin. Abuztuan, kasurako, iaz baino %0,8 merkeago zeuden salneurriak. Araba, Bizkai eta Gipuzkoan %0,3 izan da jaitsiera.

Batik bat, elikagaien eta alkoholik gabeko edarien jaitsierak eragin du abuztuko tasa negatiboa. %2,3 merkatu dira. Multzo horretan, aipatzekoak dira fruta eta barazki freskoak, %16 inguruko jaitsiera izan dutelako.

Nafarroan, beste faktore batek ere eragin nabaria izan du. Garraioaren arloa %0,9 merkatu da, iazko urte amaieran erregaiei ezartzen zitzaien osasunerako zentimoa kendu izanaren eraginez. Araba, Bizkai eta Gipuzkoan %0,1 garestitu da arlo hori. Aldiz, urtebetean gehien garestitu diren produktuen artean daude etxebizitzari lotutakoak eta sendagaiak.

Urtearteko inflazioa negatiboa izan den arren, uztailetik abuztura bitartean %0,1 garestitu dira salneurriak. Uda sasoia izanik, gehien garestitu direnen artean daude aisiari eta kulturari lotutako produktuak, eta hotel, taberna eta jatetxeetako kontsumoa. Aldiz, beherapenen sasoia izaten da abuztua, eta arropa eta oinetakoen prezioak behera egin zuen. INEren datuen arabera, abuztu bukaeran urtarrilean baino %1 merkeago zeuden salneurriak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jokin Perona eta Jabier Larrañaga, 2019an, Ticket Bai sistema aurkeztu zutenean. ©Gorka Estrada / Efe

Gipuzkoak beste sei hilabetez atzeratu du Ticket Bai sistema

Iker Aranburu

Derrigorrezkotasuna 2022ko uztailaren 1ean hasiko da, eta ez urtarrilean.

Zerbitzuen sektorean hasi da gehien okupazioa. ©Gorka Rubio / Foku

Araba, Bizkai eta Gipuzkoako langabezia tasa %8,9ra jaitsi da

Irune Lasa

2010. urtera egin behar da atzera horren tasa txikia ikusteko. Hirugarren hiruhilekoan15.900 langabe gutxiago daude bigarrenean baino. Okupatuen kopurua handitu egin da, 9.300 pertsonatan.

Joseba Madariaga, Iruñeko Tres Reyes hotelean, egoeraren nondik norakoak azaltzen ©Iñigo Uriz / Foku

Pandemia aurreko egoerara heltzeko 3,4 puntuko tartea falta zaio Nafarroako ekonomiari

Joxerra Senar

Laboral Kutxak aurten BGP %6,4 eta datorren urtean beste %6,7 handitzea espero du, baina Joseba Madariaga ekonomistak ohartarazi du, lehengaien garestitzearen ondorioz, inflazioak susperraldia moteldu dezakeela

Giza eskubideen aldeko ekintzaile batzuk multinazionalen jokabidea salatzen, Genevan. ©SALVATORE DI NOLFI / EFE

Erantzukizuna ez delako mugan amaitzen

Imanol Magro Eizmendi

Euskal enpresa transnazionalek atzerrian nola jarduten duten giza eskubideen ikuspegitik behatuko duen zentro publikoa sortzeko egitasmo bat diseinatu dute. 2022aren hasieran ekingo diote hura onartzeko ibilbide politikoari.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.