Albistea entzun
Emakumeen aurkako indarkeriari ez
Emakumeen aurkako indarkeriari ez

Podemos modura forukoetara

EAEko zuzendaritzak atzo hartu zuen Araba, Bizkai eta Gipuzkoako Batzar Nagusietako bozetara marka propioarekin aurkezteko erabakia.

Eztabaida handia izan du Madrilekin
Roberto Uriarte, EAEko Podemos Ahal Dugu-ko idazkari nagusia, duela bi aste, Bilbon.
Roberto Uriarte, EAEko Podemos Ahal Dugu-ko idazkari nagusia, duela bi aste, Bilbon. BERRIA

Enekoitz Esnaola -

2015eko martxoak 7

EAEko Podemos Ahal Dugu-ko zuzendaritza estatukoari gailendu zaio, eta maiatzaren 24ko foru hauteskundeetara Podemos izenarekin aurkeztuko da. Atzo gauean hartu zuen erabakia, Bilboko batzar batean. Astelehenean eta ostegunean Espainiako zuzendaritzarekin bildu zen.

Podemosek estatuko batzar orokorrean erabaki zuen udal hauteskundeetara ez dela joango marka propioarekin, hautagaitza asko izango direla-eta alderdiak kaltea jaso zezakeelakoan Moncloarako lehian. Erkidegoetako bozetara, berriz, Podemos modura aurkeztea deliberatu zuen; Nafarroako Parlamenturakoan, adibidez. Arabako, Bizkaiko eta Gipuzkoako Batzar Nagusietakora nola joan erabaki gabe zeukan, lurralde historiko haien egitura berezia izateagatik. Zuzendaritzaren azaroko txosten batean lehentasuna eman zioten hautesle elkarte gisa joateari, baina Podemos modura aurkeztuko dira.

«Maiatzaren 24an foru hauteskundeak izango dira Euskadin. Herrialde Historikoen esparruan egiten den prozesua izanik, Podemos Ahal Dugu-n Euskadiko Kontseilu Hiritarrari dagokio han parte hartzeko erabakia. Kontseilu Hiritar honek, Bilbon egindako ohiko bileran, euskal dokumentu politikoa eta estatukoa aztertu ditu eta bi dokumentuek zabaltzen dituzten aukera guztiak kontuan hartuta, estatuko Kontseiluarekin batera, 2015eko foru haueskundeetara Podemos modura joateko erabakia hartu du, betiere lurralde historiko bakoitzean parte hartzeko borondatea eta gaitasuna frogatzen bada». Hala dio atzo gauean EAEko Podemos-Ahal Dugu-k hedabideetara igorrirako oharrak.

Ikusita zuzendaritza nagusiarekin ez zirela ados jartzen, Roberto Uriarte Ahal Dugu-ko idazkari nagusiak «herritar batasuneko» hautagaitzen aukera aipatu zuen ostegunean, Madrilgoekin bildu aurretik. Aukera hori indarra hartzen ari da Podemosen. Bartzelona hiriko ereduari jarraiki, atzo bertan jakin zen Madrilen halako udal hautagaitza bat eratzea lortu dutela, beste eragile batzuekin batera. Bilbon ere antzeko formula atera daiteke, IbaiZabal espazioan bat egiteko prozesuan baitabiltza Podemos, Irabazi koalizioko Ezker Anitza, Equo eta Alternativa Republicana eta norbanako beste batzuk; pare bat astera joko dute bat egitea egintzat, eta bozetarako zer formula erabiliko duten zehaztuko dute orduan. Uriartek, ordea, ez zuen alderdien arteko itunik nahi foru hauteskundeetarako.

Irabazi koalizioko eta EAEko Podemosekoek asteotan izan dute hartu-emanik, baina lehen kontaktua egiteko izan da.

Politika desberdinak

Artean EAEko Podemos Ahal Dugu-ko idazkari nagusi izateko hautagai ere ez zela, Uriartek iazko azaroan BERRIAn iritzi artikulu bat idatzi zuen alderdi hari buruz, Ahal Dugu-k zer etorkizun du? izenburupean. Espazioa irabazteko politika desberdinak egin beharko dituela zioen idatzian: «Zer espazio eta zer etorkizun du Ahal Dugu-k Euskal Herrian? Ahal Dugu-k gauzak zailago ditu hemen beste leku batzuetan baino. Baldintza objektiboak desberdinak dira: ustelkeriak berezitasunak ditu hemen, ez dago bipartidismorik, alderdi desberdinen artean banatuta dago lurralde-boterea, arazo nazionalak baldintzatu egiten du eztabaida politikoa… Tradizionalki, alderdi transbertsalek ez dute izaten aukera handirik nazionalismoaren desberdinen arteko polarizazio handia dagoenean. Arazo nazionalari buruzko planteamenduek eta dinamikek jan egiten dietelako indarra besteei. Orain dauden alderdien arauekin egindako tableroan jokatzen badu, besteek behartzen badute beraien lehentasunekin jokatzera, ez du aukera handirik izango burua ateratzeko. Baina tinko mantentzen bada bere lehentasunekin, baliteke Euskal Herrian ere tableroa mugitzea eta espazio bat lortzea».

Nafarroan, irekita

Nafarroan ez dago hautagaitza zabal bat eratzeko aukera itxita, nahiz eta ofizialki esana duten parlamenturako bozetara Podemos modura aurkeztuko direla. Zuzendaritza hautatzeko kanpainan Joan Josep Boschen taldeak iragarri zuen nahiago zuela Podemos izenarekin ez aurkeztea, Nafarroa estatuan kasu delikatua dela eta. Laura Perez idazkari nagusiak aitortu du gaia mahai gainean daukatela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

EH Bilduko koordinatzaile nagusi Arnaldo Otegi, atzo egindako agerraldian. ©JAIZKI FONTANEDA / FOKU

EH Bilduk %75era igo nahi du energia autohornikuntza 2045erako

Xabier Martin

Koalizio abertzaleak «Euskal Herriko eraldaketa ekosozialerako» bere energia estrategia plazaratu du. Energia berriztagarrien aldeko apustua berretsi du, munduko «klima kaosaren aurrean»
Lore eskaintza egin zioten Zabalzari Altzan, haren muralean. ©JON URBE / FOKU

Madrilek Mikel Zabalza biktima gisa aitor dezala eskatu diote Denis Itxasori

Joxerra Senar

Heriotzaren 37. urteurrenean, omenaldia egin diote Donostiako Altza auzoan. Gaitzetsi dute Espainiako Gobernuak ez duela aldatu jarrera
EH Baiko zuzendaritza berria, atzo, Baionan egin zuten ekitaldian. ©BOB EDME

EH Baik lurralde elkargo berezi bat nahi du, Euskal Herri burujabea helburu

Ekhi Erremundegi Beloki

Lehen kongresua egin du ezkerreko abertzaleen mugimenduak, Baionan. 2022-2026 aldirako bide orri politikoa onartu dute
KEM talde antimilitaristaren ekintza, Bilboko koartelean. ©BERRIA

«Kuartela auzoarena izan arte!»

Imanol Magro Eizmendi

Hiru igeltsero antimilitaristak Bilboko Juan de Garay kuartel militarra eraisteko lanekin jarraitu dute. 6.500 metro koadroko orubea Iralako auzotarren esku gelditu dadin egin dute lan. Ertzaintzak kalteak eragitea leporatu die.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.