Albistea entzun

LaPublika, arteak esparru publikoa sortzeko duen gune berria

Consonni Bilboko arte ekoiztetxe eta argitaletxeak gidatuko du asmoa, Tabakalera, Donostia 2016 eta EHUren laguntzarekin
Pablo Berastegi (Donostia 2016), Maria Mur (Consonni), Ane Rodriguez (Tabakalera) eta Arantza Lauzirika (EHU), atzo Donostiako Tabakaleran egindako LaPublika egitasmoaren aurkezpen ekitaldian.
Pablo Berastegi (Donostia 2016), Maria Mur (Consonni), Ane Rodriguez (Tabakalera) eta Arantza Lauzirika (EHU), atzo Donostiako Tabakaleran egindako LaPublika egitasmoaren aurkezpen ekitaldian. TABAKALERA

Gorka Erostarbe -

2015eko urriak 2 - Donostia

Bilboko Consonni arte ekoiztetxe eta argitaletxeko zuzendari Maria Murrek argi esan zuen atzo Tabakaleran egindako aurkezpenean: «LaPublika ez da artea gune publikoetan jartzea, biribilguneetan adibidez. Artearen bidez espazio publikoak sortzea da helburua, espazio horietan zer gertatzen den pentsatzea, eta pribatuaren eta publikoaren arteko mugez gogoeta egitea». Consonnik zuzentzen du LaPublika proiektua; Donostia 2016k eta Tabakalera Kultura Garaikidearen Nazioarteko Zentroak ekoizten dute, eta elkarlanean ariko dira Euskal Herriko Unibertsitateko (EHU) Arte Ederren fakultatearekin ere.

Arteak, interes komunetan oinarrituta, zer-nolako gaitasuna duen gizartean eragiteko eta gizartea bera sortzeko; horra LaPublikak izango duen xede nagusia hilabeteon bertan hasi eta 2016ko amaierara bitarte. Lehenengo jarduera urriaren 18an egingo da. Gerard Ortin artista katalan donostiartuak mendi bidaia bat proposatuko du transect metodoa oinarri hartuta. Metodo horren bidez lur zati bat zedarrituko du, hura ikertzeko: «Asmoa da hainbat gairen inguruan gogoeta egitea: paisaia eta lurralde kontzeptuak, maparen eta esperientziaren arteko tentsioa, markatutako mugen eta ibiltzearen beraren arteko tentsioa eta abar», zehaztu zuen Murrek.

Tailerrak eta hitzaldiak

«Erreferentziako jendeak» hartuko du parte LaPublikan. Besteak beste, han izango da Petra Bauer artista eta zinemagile suediarra. Kasseleko Documenta jaialdian edo Veneziako azken biurtekoan parte hartu duenak, tailerra eskainiko du azaroaren 24tik 26ra bitartean, eta hitzaldia azaroaren 26an. Horrez gain, Max Andrews ingelesak eta Mariana Canepa Luna uruguaiarrak, Latitudes komisario-agentziako kideek arte garaikidearen gaur egungo arazoak aztertuko dituzte, azaroaren 9tik 11ra. Bi egitasmo horiek Tabakaleran egingo dira. An Mertens software-idazle eta artista, aldiz, literatur sorkuntzaren bidez helarazitako algoritmoen eta informatika kodeen inguruan arituko da lanean abenduaren hasieran, Bilbon. Lekua zehazteke dute oraindik antolatzaileek.

2016an ekintza gehiago izango dira, eta azken hiruhilekoan itxiko dute programa, nazioarteko sinposio batekin, «ikerketa laborategiaren faseak islatzeko». Proiektuaren webgunea honako hau da: www.lapublika.org.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Oier Iruretagoiena artista <em>San Sebastian eta fantasma</em> erakusketarako ondutako pieza baten ondoan, Donostiako San Telmo museoan. ©JON URBE / FOKU

Sufrimenduaren estetizazioa

Itziar Ugarte Irizar

Oier Iruretagoienak 'San Sebastian eta fantasma' erakusketa zabaldu du Donostiako San Telmo museoan. Bi parte ditu: martiri erromatarraren iruditik abiatutako lanak eta soinu instalazio bat

Cristina de Middelek Aleatoris Vulgaris seriean sortu dituen collageetako bat. ©BERRIA

Irudiekin kritika egiteko lengoaiak

Ane Eslava

Cristina de Middelek artearen tresnak baliatzen ditu argazkiekin bere ikuspegiak zabaltzeko. Erakusketa bat jarri du Nafarroako Unibertsitateko Museoan

Gure izeneko umea eta haren aita dira Alex Orbe marrazkilariak eta Unai Elorriaga idazleak argitaratutako <em>Jarraitu inurriari</em> liburuko protagonistak. ©HARRIET EDICIONES

Lurrundu egin den ama bat

Iñigo Astiz

Unai Elorriaga idazleak eta Alex Orbe marrazkilariak ama noiz itzuliko esperoan bizi diren aita-alaba batzuen nondik norakoak kontatu dituzte 'Jarraitu inurriari' komiki liburuan

 ©GORKA RUBIO/ FOKU

«Tradizioa etxe zahar bat eraberritzearen moduko zerbait da»

Alex Uriarte Atxikallende

'KlasikAT'egitasmoaren barruan, Kalakanek Euskadiko Orkestrarekin diskoa grabatu du. Hego Euskal Herriko lau hiruburuetan eta Donibane Lohizunen aurkeztuko dute, urriaren 20tik azaroaren 5era bitartean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna