DENA ETA EZTENA

Atxaga modaz kanpo ote dago?

Juan Luis Zabala -

2014ko ekainak 15

Ez didazue esango ez dela harrigarria: urte erditik gora igaro da Bernardo Atxagak Nevadako egunak nobela kaleratu zuenetik, eta hari buruzko hiru aipamen kritiko baino ez daude Armiarma atariko Kritiken hemeroteka-n. Beste datu estonagarri bat: 111 Akademiaren saria irabazteko azken bost hautagaien artean ez da egon Atxagarena, saritua izan zitekeenetako bat izan arren, iaz argitaratua denez.

Liburua irakurri ez banu, pentsatuko nukeen liburuan dagoela gakoa, testuaren kalitate faltaren ondorioa dela horren oihartzun motela izatea. Baina irakurri dut, eta nobela bikaina iruditu zait. Nire gustutik haragoko beste ebidentzia bat ere bada: Espainiako Kritikaren saria nekez irabaziko zukeen zinez txarra balitz.

Ez da kontu berria. Atxagaren Zazpi etxe Frantzian nobelak askoz ere sari gehiago eta laudorio beroagoak jaso zituen kanpoan Euskal Herrian baino.

Kalitate faltaren hipotesia baztertuta, beste azalpen posible bat bururatu zait: Atxaga modaz kanpo ote dago euskal literaturaren plazan?

Azak ontzeko, Joseba Gabilondo eta Ur Apalategiren azkenaldiko lan kritikoek diote Ramon Saizarbitoriaren obra dela —eta ez Atxagarena— euskal literaturaren egungo premiei ondoen erantzuten diena, eta kanpoan erakusteko egokiena.

Gabilondo eta Apalategiren argudioak taxuzkoak dira, eta ez naiz horiei aurre egiteko gauza sentitzen. Baina berdintsu onartuko nituzke alderantzizko ondorioetara iristeko balioko luketenak ere. Irakurle moduan, modak eta kritikarien ikuspegi makroliterarioak gorabehera, nire irakurle-plazer txikietarako ez dut biotako inori uko egiteko asmorik, ez Atxagari eta ez Saizarbitoriari. Eta zuk, irakurle?

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna