Albistea entzun

Puntua banatzea onena

Ia ordu eta erdiko partida jokatuta, Elezkano II.ak eta Zabaletak 21-22 irabazi diete Ezkurdia eta Merino II.ari, eta bosgarren puntua lortu dute

Unai Zubeldia -

2017ko urtarrilak 29

Lau pilotariak lurrera begira, pausorik eman ezinik, eta arnasa bere onera ekartzeko nahikoa lanekin. Iruñeko Labrit pilotalekuko azken tantoaren aurreko irudia da hori, Ezkurdiak pilota aurrean moztuta 21-21ekoa lortu ondorengoa. Ordurako, 80 minutura joanda zegoen Binakako Txapelketako zortzigarren jardunaldiko bigarren partida, eta txikituta zeuden lau pilotariak. Arrastaka, Danel Elezkanok ezker gantxoarekin amaitu zuen azken tantoa (21-22), eta Zabaleta eta biak zoratzen joan ziren aldageletara. Pilatutako nekeari porrotaren kolpea gehitu behar izan zieten, berriz, Ezkurdiak eta Merino II.ak.

Zaleek zutik eta txaloka agurtu zituzten lau pilotariak, egindako ahaleginaren sari gisa. Huts askoko partida izan zen —hala amaitu ziren lehen hamar tantoetatik zazpi, eta 43 tantoetatik 21—, tentsio handikoa, baina gozatu handia hartu zuten Labritera bertaratutakoek. Ia ordu eta erdiko borroka ederrean, 11 berdinketa izan zituen partidak.

Elezkano aurreko koadroetan nagusi zela, 7-6kotik 7-11kora igaro ziren irabazleak, baina 11-12 inguratu ondoren, 12-15ekoa ere parera eraman zuten Ezkurdiak eta Zabaletak. Bost tanto bata bestearen segidan eginda, 17-15 aurretik jarri ziren galtzaileak, baina nekea bere lana egiten hasi zen orduan. Horrelakoetan, buruari agindua emanda ere, zaila izaten da hura gauzatzea, eta hutsak pilatuz jarraitu zuten partidaren hondarrean. Lau pilotariak bost koadro barruan zirela, zirika etengabekoak izan ziren 21-22kora arteko tanto gehienak. Ezkurdiak eta Merino II.ak huts bana pilatuta, 19-21 aurreratu ziren Elezkano II.a eta Zabaleta, baina defentsak eta Ezkurdiaren odol hotzak 21-21ekora eraman zuten partida. Ordurako merezi, puntu bana merezi zuten bi bikoteek, baina Elezkano II.ak poz ikaragarria hartu zuen hil edo biziko azken ezker gantxoarekin asmatu zuenean.

Olaizola II.a-Untoria eta Altuna III.a-Barriolaren txanda izango da gaur, Gasteizen. Bihar jokatuko dute Irribarria-Rezusta, Bengoetxea VI.a-Larunbe lehia, Tolosan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Soilik izozmendiaren punta ikusten da garaipenarekin»

Beñat Mujika Telleria

Lehenengoz hartu zuen parte Helene Alberdik nazioarteko triatloi batean, joan den asteburuan. Europako Txapelketa Bilbon jokatu zen, eta urrea kolkoratu zuen.
Juan Cruz Osasunako atzelaria eta Alexander Sorloth Realeko aurrelaria, lehian, aurreko denboraldian Anoetan jokatutako partidan. ©JAVIER ETXEZARRETA / EFE

Komeni indarberritu izana

Iñigo Lasa Fresneda

Realak eta Osasunak gaur ekingo diete norgehiagokaz betetako bost aste gogorri. Talde txuri-urdinak Gironan jokatuko du, eta gorritxoak Real Madrili egingo dio bisita

Masterseko finalerdiak jokatu zituzten herenegun gauean Nafarroa Arenan. 1.500 ikusle izan ziren harmailetan. Gehiago izango dira gaur finalean. ©JESUS DIGES / EFE

Udari txapela jarri nahi diote

Julen Etxeberria

Ezkurdia-Mariezkurrena eta Altuna-Imaz ariko dira gaur Masterseko finalean, Nafarroa Arenan

Alavesek ezin du burua altxatu, eta 0-4 galdu du Vila-realen kontra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...