Xabier Perez de Arenaza. Habic klusterreko kidea

«Krisia eraldaketaren motorra izan da egurraren enpresentzat»

HABIC KLUSTERRA

Xabier Martin -

2017ko apirilak 23

Egurraren sektorearen pisua nabarmendu du Habic klusterreko zuraren arduradun Xabier Perez de Arenazak (Donostia, 1988). Eraikuntzarako «lehengai iraunkorrena» dela dio. Basoak ustiatzen jakin behar dela dio, porlana ekoiztea baino hobea dela.

Ematen du egurraren sektorea suspertzen ari dela, baita eraikuntzari lotuta ere. Nork esan behar zuen...

Gure sektorean ez zen oinarrizkoa eraikuntza, baina krisiak eragin digu, bai. Orain, suspertzen ari gara, baina hazkundea beste gako batzuek bultzatzen dute. Eraikuntzan hazten ari garena egurraren ezaugarri bikainen inguruan ari da gertatzen, iraunkortasuna eta eraginkortasuna aurretik jarrita.

Ez ote da arriskutsua eraikuntzari lotuta haztea berriro?

Ez du zertan horrela izan. Gure sektorearen susperraldia eraikuntzari lotuta doa. Horrek ez du esan nahi zuraren kopuru handi-handi bat eraikuntzara bideratzen dela, baina lehen egiten zena baino askoz gehiago da, hori seguru.

Zergatik du egurrak iraunkortasun handiagoa porlanak baino?

Ez daude eraikitzeko hainbeste gai: altzairua, plastikoak, porlana, adreiluak eta egurra. Askoz ere hobea da egurra ekoiztea, besteak ekoiztea baino, ingurumenari eta beste aldagai batzuei begira.

Baserri zaharren habeetan ote dago benetako egia?

Orain mende batzuk arte eraikuntzak egurrarekin egin behar ziren, baita lehen auto eta trenenak ere. Teknologiak aldatu zuen hori. Egurrak desabantailak zituen: gutxiago irauten zuen, eta mugitu egiten zen, bizirik baitago. Baina egurra ordezkatzera eraman zuten ezaugarri horiek mugatzea lortu da, eta berriro ere egurra bueltatzen ari da, gai horiek kutsakorragoak direlako, garestiagoak eta mugatuagoak zenbaitetan. Gertatzen dena da orain egurrak beste gai horien ezaugarri onenen pare egon behar duela. Jauzi teknologiko bati esker lortzen ari da.

Egurrak egur izan behar du, eta porlanaren abantailak eduki aldi berean?

Bai, hala da. Berezkoak zituen arazoak ezabatu eta beste gaien abantailak eman behar zaizkio.

Egurraren eskaerak gora egiten badu, ez ote dute basoek nozituko? Ez ote da ingurumenaren kalterako izango, finean?

Basoa zaindu eta kudeatu behar da, eta behar den bezala ustiatu. Baina zerk egiten dio kalte handiagoa ingurumenari, porlana ekoizteko prozesu osoak eskatzen duenak ala basoa oinarrizko prozesu industrial batzuen bidez ustiatzeak? Erantzuna argia dela uste dut. Hori baita eztabaida: basoa kudeatzea eta ustiatzea, ala porlana eta beste gai batzuk ekoiztea. Denok dakigu eraikuntza horiek egin egingo direla azkenean; beraz, hobe dugu pentsatzea eraikuntza horiek egiteko modu iraunkorrena zein den.

Altzairuen esparruan, krisiak bereziki zigortu zuen alorrean ere ari dira enpresa batzuk suspertzen...

Krisia eraldaketa baten motorra izan da. Lehen diseinatu eta ekoizten zen produktua soilagoa zen, oinarrizkoagoa. Ez zen produktu espezializatua, salmenta bolumena handia zenez ez zegoelako horretarako beharra. Krisiari aurre egitea lortu dutenek txipa aldatu behar izan dute, ordea, eta eredu aldaketa horrek espezializazioa ekarri du.

Zertan?

Diseinua lantzen ez zutenek agian diseinuzko altzariak egiten dituzte orain, edo egurra apenas lantzen zutenek orain prozesu teknologikoak sartu dituzte egur bereziak eskaintzeko. Internet baliatzen ere hasi dira beste batzuk, salmenta modu berriak garatzeko.

Geroa ez zutenek geroa edukitzeko modua topatu dute?

Ez dugu esango altzarien sektorea hazi egin dela, baina bizirik irauteko aukerak handitu egin dituzte, zalantzarik gabe. Lanpostuei eustea ez da gutxi, eta merkatuan hobeto kokatua egotea ere ez.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna