Albistea entzun

HILBERRIA. Anita Ekberg

Fontana di Trevira sartu zena

Igor Susaeta -

2015eko urtarrilak 13 - Donostia

Zinema sekuentzia mitikoenetako bateko protagonista da Anita Ekberg (1931-2015). Sylvia aktore mundu osoan ezagunaren rola jokatu zuen Federico Felliniren La dolce vita (1960) pelikulan. Erromara joana zen, eta haren atzetik zebilen Marcello (Marcello Mastroianni) paparazzi nekaezina. Halako batean Fontana di Trevi iturrira sartu zen Sylvia udako gau sargori batean, eta hau esan zion izarrei jazartzea lanbide zuen kazetariari: «Marcello, come here!» (Marcello, etorri hona!). Herenegun hil zen, Erroman, hain zuzen, sekuentzia hori betiereko bihurtu zuena. 83 urte zituen, eta urteak zeramatzan gaixo.

Suediarra izan arren, 1960ko hamarkadatik bizi zen Italian. Bere edertasunak ireki zizkion zinemako ateak. Suediako miss aukeratu zuten 19 urterekin, eta gero gisa horretako sariketetara aurkeztu zen AEBetan. Ez zen askorik nabarmendu horietan, baina, horiei esker, zenbait filmetan parte hartu ahal izan zuen rol txikiak jokatuz; gainera, hainbat moda aldizkaritako lehen orrian ere agertu zen.

Harik eta Fellinik Sylviaren rola eman zion arte. 1960ko hamarkada hasierako Italia asaldatu hartan laketu zen, eta hango beste bi zinemagile entzutetsurekin ere lan egin zuen: Alberto Sordirekin Scusi, lei è favorevole o contrario?-n (1966) eta Vittorio De Sicarekin Sette volte donna-n (1967). Fellinik bera ere deitu zuen beste hiru lanetarako: Boccaccio '70 (1962), Clowns (1970) eta Ekbergen azken filma izan zen L'intervista-rako (1987). Pertsona lakarraren eta zailaren ospea zuen, eta behin adierazi zuen berak famatu zuela Fellini, «eta ez alderantziz».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ANDONI CANELLADA / FOKU

«Begirada da idazle baten baliabiderik inportanteena»

Ainhoa Sarasola

Molde laburrean aritzea da Linazasororen marka, baita umore garratza, absurdoa eta ironia baliatzea ere. Hala ondu ditu bere azken bi liburuak ere, ibilbide osoan landu duen estiloari eutsiz.
Maialen Lujanbio bertsolaria, <em>rr #5 marrak</em> emanaldian; gaur Iruñeko Laba gunean egingo du. ©BERRIA

Garai bat, mila prismatan puskatua

Iñigo Astiz

Maialen Lujanbio bertsolari eta sortzaileak egungo garaiaren «erradiografia mugitu bat» taularatu du 'rr #5 marrak' izeneko emanaldi hibridoan. Iruñeko Laba gunean arituko da gaur
Natalia Suarez artista, bere lanetako batzuekin. ©GASTEIZKO UDALA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...