Uemak 25 urte. Ana Esther Furundarena. EAJ

«Uste dugu Eudel dela toki aproposena elkarlanerako»

BERRIA

Garikoitz Goikoetxea -

2016ko maiatzak 5

Joan den otsailetik EAJren EBB Euzkadi Buru Batzarreko Euskara arduraduna da Ana Esther Furundarena (Zornotza, Bizkaia, 1966). Eusko Jaurlaritzako Hizkuntza Politikarako Sailburuordetzako aholkulari ere bada. Galderak idatziz bidaltzeko eskatu dute alderdiko komunikazio arduradunek. Idatziz erantzun ditu.

25 urte ditu aurten Uemak. Haren jarduna nola ikusten duzu?

Duela 25 urte, Uema sortu zenean, erakunde horrek bazuen bere zentzua eta helburua. Hutsuneak, gabeziak eta beharrak ugariak ziren, eta jardunbideak, hamaika. Uema mankomunitate gisa sortu zen kide ziren udalei hizkuntza aholkularitza, koordinazioa eta abar emateko. Orduan, euskarak ez zituen, erakunde mailan, gaur egun dituen bermeak. Ordutik gauzak aldatu egin dira, eta beste egoera batean gaude; beraz, tresnak ere bestelakoak izan daitezke, eta dira. Euskarak, zorionez, badu gaur egun berme nahiko erakunde guztietan. Euskarak, zorionez, baditu behar dituen bermeak udal antolakuntzan.

EAJren udal batzuk Ueman daude, baina gehienak, ez. Zein da alderdiaren irizpidea?

Ezinbestekoa da udalek era koordinatu eta elkartuan jokatzea esparru guztietan, eta horretarako Eudel dago. Euskadiko udal guztiei eskaintzen die laguntza eta aholkularitza ?baita hizkuntzari dagokionean ere?, eta toki gobernuen arteko koordinazioa sendotzen du, bai euren artean, bai Jaurlaritza eta aldundiekin ere.

Barruan ez dauden udalak sar daitezen ahalegintzen da EAJ?

Udalak adinez nagusiak dira, eta askatasun osoa dute nahi duten elkarteetan kidetzeko. Gure ustez, Uemaren izatearen edukia Eudelen barruan dago. Eudelek udalei eskaintzen die sare propioak edota sektorialak sortzea Eudelen barruan.

Udal Legean akordioa egin dute EAJk eta EH Bilduk. Euskarari buruzko gaiak ere badira. Elkarlan bidea zabaltzeko balio dezake?

Euskararen erabilerari buruzko zenbait puntu garrantzitsu aipatzen eta zehazten dira. Euskara zerbitzu eta lan hizkuntza izateari buruz, herritarren hizkuntza eskubideei buruz eta udal eskumenei buruz: plangintza egiteko eskumenak, ezagutza sustatzeko, erabilera dinamizatzeko... Elkarlana beti da ona, eta prest gaude.

Uema izan liteke elkarlan foroa?

Uste dugu Eudel dela toki edo foro aproposena elkarlanerako. Udalen elkarlanerako foro naturala Eudel izanik, benetako erronka zera da, Eudeletik eskaintzen diren zerbitzuek udalen premiei erantzuteko eta udalen beharrak asebetetzeko bestekoak izatea, eta unean uneko premiei egokitzea. Eudel sendoagoa eta elkarlanerako tresna egokiagoa bilakatzea da gure asmoa. Asko egin daiteke Eudeletik, are gehiago orain, lege berria onartuta.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Emakume bat, atzo, Iruñeko Estafeta kalean. ©VILLAR LOPEZ / EFE

Nafarroako Gobernua maskararen nahitaezko erabilera aztertzen ari da

Amaia Ramirez de Okariz Kortabarria

Azken egunotako kutsatuen gorakadak kezka eragin du, eta maskaren erabilerari buruzko arauak berriz aztertuko ditu aste honetan. Eskoriatzan, hilik aurkitu dute positibo eman zuen gizonezko bat

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Iruñerko Nabarreria kalea asteon. ©Iñigo Uriz / FOKU

Iruñeko agerraldian 21 kasu atzeman dituzte

Amaia Ramirez de Okariz Kortabarria

Hego Euskal Herrian, guztira 64 positibo erregistratu dira azken orduetan. Eskoriatzan (Gipuzkoa) PCR proban positibo eman zuen gizonezko bat hilik aurkitu dute etxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna