Albistea entzun

ARGI ALDIAN

%99,9 amonen zientzia

Izortze Santin - BioCruces Ikerkuntza institutuko ikertzailea

2014ko irailak 21

Orain gutxi jakin izan dugu Maiatzeko Plazako Amonak elkarteko lehendakari Estela de Carlottok biloba aurkitu duela, haren bila luzaroan ibili eta gero. Guido orain dela 36 urte banandu zuten familiatik, garai horretan Argentinan indarrean zegoen diktadurak ama erail eta bera desagerrarazi zuelarik.

Hasieratik Amonek zailtasun handiak izan zituzten beraien biloben bilaketan, ustezko bilobak aurkitzen zituztenean ez baitzuten modurik senidetasuna frogatzeko. Baina 1979. urteko goiz batean, Maiatzeko Plazako Amonek El Día de la Plata egunkarian haien esperantza piztu zuen berri bat irakurri zuten: «Odol analisi baten bidez, aitatasuna ukatzen zuen gizon bat ume baten aita dela frogatu dute». Momentu horretan, Amonei otu zitzaien beraien bilobak identifikatzeko analisi hori erabiltzea, eta, egunkari-zatia eskutan zutela, mundu osoko zientzialariekin bildu ziren.

Aditu ugari kontsultatu eta gero, New York-eko Blood Center-eko Allen doktoreak Amonatasun Indizea deitutako ikerketa egin eta, odol analisien bitartez, %99,9ko probablitatearekin amonatasuna frogatzen zuen metodoa diseinatu zuen. Hasieran, metodoa odol-taldea, RHa eta histokonpatibilitatearen analisian oinarritzen zen, baina 90eko hamarkadan garatutako metodologia berriek material genetikoa erabiltzea ahalbidetu zuten. Era horretan, DNA probek desagertutako biloben identifikazioa erraztu egin zuten.

Guido de Carlotto aurkitutako 144. biloba da, baina oraindik 400 haur inguru identifikatzeke daude. Maiatzeko Plazako Amonen kemena eta genetika bat eginez, desagertutako haurren identifikazioan aurrera egingo da seguru, diktadurak apurtutako familien mina baretuz, baina gertatutakoa inoiz ahaztu gabe.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzaren helikopteroa erreskate lanetan, gaur, Aralarren. ©BERRIA

Berrobiko mendizale bat hil da Balerdi mendian, Aralarren

Berria

39 urteko mendizalea 50 metrotik behera erori da. Ertzaintzaren helikopteroaren laguntzarekin erreskatatu dute gorpua.

Atzo Jon Rodriguez omendu zuten milaka lagunak, errepidean. ©Urtzi Urkizu

Furgoneta gidari bat atxilotu dute, txirrindulari bat nahita harrapatzeagatik Hondarribian

Berria

Mendelu auzoko kamerei esker identifikatu dute ibilgailua, eta gendarmeek atxilotu dute gidaria. 69 urteko txirrindularia ospitaleratu egin dute. Eztabaida bat izan zuten aurretik.

Jose Navarro, Francisco Fernandez eta June San Millan, Irati Jimenez moderatzailearekin batera. ©IÑIGO URIZ / FOKU

Salatu dute osasun krisian espetxeetan ez dela osasuna lehenetsi

Ane Eslava

Kartzeletan pandemia nola kudeatzen ari diren aztertzeko, mahai inguru bat egin dute Iruñean, APDHA, Sirecovi eta Salhaketa taldeetako kideekin. Eskubide urraketak izan direla kritikatu dute

Atzoko ekitaldia: jendea txistuaren eta danbolinaren erritmoan dantzan, Txillardegiren omenezko horma irudiaren aurrean. ©ANDONI CANELLADA / FOKU

«Zauria orbaintzeko» eskea

Julen Aperribai

Txillardegi oroitu dute Antiguan, eta Donostiako Udal Liburutegiari haren izena jartzeko eskaera ozendu. Ia 1.500 sinadura jasoak dituzte hala eskatzeko. Horma irudi berritua ere aurkeztu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.