Albistea entzun
Emakumeen aurkako indarkeriari ez
Emakumeen aurkako indarkeriari ez

Donostia 2016. Inaugurazio ekitaldiak

Kulturaren «zubigintza balioa» aldarrikatu dute erakunde eta agintariek

Kultur ekoizle eta sortzaileen jarduna eskertu du Urkullu lehendakariak.

Ostertz berriak zabaltzeko aukera gisa ikusten du hiriburutza Olanok
Eneko Goia Europako Batzordearen diploma eta plaka jasotzen, Martine Reichertesen eskutik.
Eneko Goia Europako Batzordearen diploma eta plaka jasotzen, Martine Reichertesen eskutik. .J. C. RUIZ / ARGAZKI PRESS

Ainara Arratibel Gascon -

2016ko urtarrilak 24 - Donostia

Elkarbizitzaren, elkarrizketaren, aniztasunaren eta giza eskubideen errespetuaren erdigunean kokatu zuten atzo erakundeek eta agintariek kultura, Donostia 2016 Europako kultur hiriburuaren inaugurazio ofizialean. Balio horien defentsan kulturak egin dezakeen zubi lana aldarrikatu, eta Donostia horren erakusleiho izatearen garrantzia berretsi zuten Viktoria Eugenia antzokian.

Musika eta dantza izan ziren ekitaldian. Besteak beste, oholtzan izan ziren Kukai dantza taldeko Jon Maia eta Nerea Vesga, Demode Quartet musika taldea eta Clara Muñoz eta Maialen Egizabal biolontxelo jotzaileak. Pablo Berastegi 2016ko zuzendari nagusia izan zen agintariz betetako antzokian hitza hartzen aurrena. Sorpresaz betetako urtea iragarri zuen: «Indartsua eta berezia izango da». Kultur hiriburuaren leloari erreferentzia eginez, oharra ere egin zuen: «Zailena ez da elkarbizitzaren zubia eraikitzea, baizik eta hori zutik mantentzea».

Europako kultur hiriburu izendatu zutenetik egindako lanaren eskertza eta aitorpen moduan, plaka bat eta diploma bat eman zizkion Martine Reichertes Europako Batzordeko ordezkariak Eneko Goia Donostiako alkateari. Bi oroigarriak jendeari eskaini, eta Goiak gogorazi zuen ametsa zena egia bihurtu zela atzokoan. Besteen tokian jartzeko zubiak eraikitzeko beharra aldarrikatu zuen hark ere: «Kulturaren zeregin garrantzitsuenetako bat da hori, eta Donostian zubi asko dauzkagu. Guztien testigu Txillidaren, Oteizaren eta Basterretxearen lanak».

Euskal Herriak asko sufritu duela gogorarazi zuen. «Balio dezala gure adibideak Europa zaharrak gaur egun dauzkan arazoei aurre egiteko». Mikel Laboaren Izarren hautsa kantuaren hitzak errezitatuz amaitu zuen mintzaldia Goiak.

Hilabeteetan hezurmamitutako lana erakusteko unea dela nabarmendu zuen Markel Olano Gipuzkoako ahaldun nagusiak. «Kultura dira, iraganaren eraikuntza bezala, gaurko ekintzak eta etorkizuneko ametsak». Kultur hiriburutza ostertz berriak zabaltzeko baliatu behar dela uste du Olanok. «Europan zer garen ezagutarazteko; aberastea ahalbidetuko diguten elkarlan politiko, kultural eta sozialak sustatzeko. Gure onena emanez. Gure ondare eta sorkuntza kulturala nazioartera zabalduz».

Bernardo Atxagaren Muskerraren bideari erreferentzia egin zion Iñigo Urkulluk, Eusko Jaurlaritzako lehendakariak. «Espero dugu, hark proposatzen duen pasieraren moduan, gaur hasten den Donostia 2016k proposatzen duen bidea ere atsegina izatea, patxadatsua, euskal kultura, herriaren nortasuna eta sorkuntza oinarri dituena, eta aldi berean nazioarteari zabalik dagoena». Sortzaileen lana eskertu zuen Urkulluk: «Idazten, abesten, konposatzen, dantzatzen, margotzen, grabatzen eta moldeatzen dutenena. Izan ere, kultura ezagutza da, elkarbizitza, emozioa eta eraldatzeko gaitasuna. Kultura pertsona, gizarte eta herri moduan garenaren eta izan nahi dugunaren adierazle da». Zubiak eraikitzeko beharra izan zuen hark ere hizpide. «Ez dugu harresiz eta hesiz osatutako Europa bat nahi. Kultura zubigintza da, eta denak gara zubigile. Horretan aktibo izan behar dugu».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Nerea Ibarzabal kantuan, bertsokideak atzean dituela. ©BOB EDME

Lehoiaren ahoan sartu du burua

Miren Mujika Telleria

Nerea Ibarzabalek irabazi du Baionako saioa, eta, lehen itzuliko puntuak batuta, ia ziurtatua du Iruñerako sailkatzea. Datorren astean argituko da nortzuk ariko diren finalean
Michael Jacksonek 24 urte zituen <em>Thriller</em> kaleratu zuenean. ©BERRIA

Pop musika irauli zuen diskoa

Mikel Lizarralde

1982an argitaratu zuen Michael Jacksonek 'Thriller', eta, 40 urte geroago, historian gehien saldutako diskoen artean segitzeaz gain, kantariaren obra nagusia da. Hainbat bitxikeriarekin berrargitaratu berri dute.
'Bilketa.eus' atariko pantaila irudi batzuk ©BERRIA

Artxiboetan barna sartzeko

Iñaki Etxeleku - Ipar Euskal Herriko Hitza

Baionako mediatekak zutik eman 'Bilketa.eus' ataria berritu dute. 26.000 dokumentu biltzen ditu digitalizaturik, eta ikerketa bide berriak eskaintzen ditu. Bilatu nahi den hitz oro kausi daiteke edozein dokumentutan. Liburu zaharrak, ikonografiak, prentsa zaharra… denetarik atzeman daiteke.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.