Albistea entzun

ARGI ALDIAN

Egin irri?

Ana Galarraga Aiestaran - Elhuyar Zientzia

2016ko azaroak 13

Interneteko bilatzailean irribarre, zientzia eta zoriona hitzak ingelesez idatziz gero, 50 milioi sarrera baino gehiago agertzen dira. Ez ditut guztiak begiratu, baina hasieran dauden gehienek gauza bera diote: zientziaren arabera, irribarre egiteak, arrazoirik gabe bada ere, zoriona dakar. Keinuak berak, alegia, ezpainak alboetara luzatu eta aldi berean masailak goratu eta begiak pittin bat kizkurtzeak sorrarazten omen du emozio pozgarria.

Eragin horren zergatia ere azaltzen dute askok, ikerketa zientifikoak aipatuz, eta gutxiago edo gehiago bat datoz ispilu neuronekin duela zerikusia. Neurona horiei esker, besteak zerbait egiten ikusten ditugunean (azkura egin, objektu bat hartu...), gure buruan ekintza hori irudikatzen da, guk geuk egingo bagenu bezala. Beraz, ispilu neuronak enpatiaren eta imitazioaren oinarri dira, eta beharrezkoak dira giza harreman egokiak garatzeko. Hala, ispilu neurona horiei zor diogu irri egiteko joera, beste norbait irriz ikustean, baita beste norbait hori gu geu garenean ere.

Irriaren keinuaren eta zoriontasun-emozioaren arteko lotura azaltzen duen erreferentziazko esperimentua aspaldikoa da. Strack, Martin eta Stepperrek egin zuten, duela ia hogei urte, eta oraindik aipatuena da.

Orain, ordea, Strack,Martin eta Stepperren ikerketa hura berriro egiten saiatu dira Europako eta Estatu Batuetako 17 laborategitan eta ia 2.000 pertsonarekin, eta egileek zalantzan jarri dute jatorrizko ikerketa haren balioa.

Perspectives on Psychological Science aldizkarian argitaratu dute azken ikerketa hau, eta, azaldu dutenez, esperimentu berbera egin dute, baina jende gehiagorekin, leku desberdinetan, eta emaitzak desitxura zitzaketen faktoreak zorrotz kontrolatuta. Emaitza: ezin da ondorioztatu aurpegiaren keinuak (irria) emozioa (poza) sorrarazten duenik. Horrenbestez, lehen ikerketa hartan ondorioztatutakoa eta gerora hainbeste zabaldutakoa ez zen orain arte uste zuten bezain sendoa.

Edonola ere, auzia ez da ikerketa horretara mugatzen. Hain zuzen, iaz beste ikertzaile-talde batek psikologiako ehun esperimentu berregin zituen, jatorrizko egoera eta metodologia berberekin, eta erditan baino gutxiagotan lortu zuten emaitza berdina; gainerakoetan, beste emaitza bat jaso zuten.

Horrek hankaz gora jartzen du metodo zientifikoaren hanketako bat: ontzat jotzeko, ikerketek errepikagarriak eta erreproduzigarriak izan behar dute; hau da, berriro egiteko modukoak izan behar dute, eta beti emaitza bera eman behar dute. Iazko azterketa Science aldizkari ospetsuan argitaratu zen, eta oraindik ez da itzali orduan piztutako kezka. Ez dirudi irriaren ikerketak giroa gozatzen lagunduko duenik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA
12 eta 17 urte bitartekoak hasiko dira indartze dosia hartzen. ©GUILLAUME FAUVEAU

Neurriak arintzeko egutegia aurkeztu du Frantziako Gobernuak

Oihana Teyseyre Koskarat Gotzon Hermosilla

Telelana arinduko dute, eta maskara ez da derrigorrezkoa izanen aire zabalean. Aldaketa gehienak otsailean sartuko dira indarrean
Viceko La Sinia ikastetxeko haur batzuk ikasgelan. ©DANI CODINA

Herri mailako erantzun bat eskola segregazioari

Irati Urdalleta Lete

Kataluniako Hezkuntza Legeak udalei protagonismo handiagoa ematen die hezkuntzaren alorrean, esate baterako segregazioa kudeatzeko garaian. Vic hirian, adibidez, lortu dute ikastetxe guztiak, udala eta eragileak erronka horri aurre egiteko inplikatzea. Hala ere, aitortu dute badagoela zer hobetua.

Memoria historikoaren legeko okerra aitortu du Jaurlaritzak

Berria

Lege proiektua tramitatzean, beste testu bat igorri zuten. Hutsegite bat izan dela eta konponduko dutela diote

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.