Albistea entzun

Espainiako Gorteetarako hauteskundeak. ANALISIA

Aldaketa gogoa

Asier Etxenike - Aztikerreko ikerketa koordinatzailea

2015eko abenduak 21

Gaurko titularra, orain lau urte bezala, aldaketa gogoa dela uste dut. Hauteskundeetan, normalean, galdera bati edo biri ematen zaizkie erantzunak. Hauteskunde hauetan, galdera hori zein zen, aldez aurretik ez zegoen oso argi. Eztabaida gaiak askotarikoak izan dira eta gai bakar bat ere ez da besteen gainetik gailendu. Emaitzak ikusita, galdera hori zein izan den argi izan gabe jarraitzen dut. Euskal Herrian eman den erantzuna edo eskaera ?eta Katalunian ere, esango nuke?, ordea, estatuan gauzak aldatu daitezen izan da.

Azterketa lasaiagoak eta zorrotzagoak egin bitartean, bi ideia botatzera ausartuko naiz. Batetik, parte hartzearen igoera esanguratsua izan da Hego Euskal Herri osoan. Lau herrialdeetan, parte hartzea 2011koarekin alderatuta, lau puntutik gora igo da. Gainera, 2011koa, parte hartze altuenen artean sailka zitekeen. Horrek atzo gertatutakoaren zati bat azaldu dezake. Zer bozka mota aktibatu dute hauteskunde hauek orain lau urte ?bake eta normalizazio politikoaren klabeetan? aktibatu ez zutena?

Bestetik, Ahal Dugu kenduta, 2011rekiko, alderdi guzti-guztiek galdu dituzte bozkak. Orain sei hilabeteko emaitzekin alderatuta, bestelako ñabardurak egin daitezke. Foru hauteskundeak atzokoarekin alderatuta ezberdinak dira eta ez dira guztiz alderagarriak, baina ordurako EH Bilduren desgastea emana zenez, hauteskunde horiek kontuan hartzea garrantzitsua dela uste dut. Azken sei hilabete hauetan, EAEn EH Bilduk eta EAJk, 60.000 bozka inguru galdu dituzte bakoitzak, eta Nafarroan EH Bilduk 15.000 eta Geroa Baik 24.000 inguru. EAEn PSE mantendu da eta PP igo, eta Nafarroan alderantziz. Hau da, dena kontuan hartuta, PP-PSOE-UPNk azken zikloan zehar edukitako jaitsiera neurri batean gelditzea lortu dute. EH Bilduk ez du bere jaitsiera eten eta EAJk emaitza onak izan baditu ere, EH Bilduri bezala, hauteskunde orokorrak izateak eta Ahal Dugu-ren agerpenak hautesleak galtzea eragin dio ?kontuan hartu behar da, gainera, foru hauteskundeekiko ere parte hartzea handitu egin dela oraingoan?.

Batetik, hauteskunde motek, eta bestetik, eskaintza eta aukera politikoen inguruko hautemateek geroz eta gehiago eragiten dute Euskal Herriko hautesleriaren portaeran. Hau da, alderdiekiko fideltasuna geroz eta txikiagoa da eta horrek alderdi ezberdinen arteko gorabeherak eragiten ditu. Baina, gaur, Euskal Herritik estatuari begiratzen zaionean aldaketa gogoa agertzen da eta hauteskunde orokor hauetan aldaketa gogo hori Ahal Dugu-tik bideratu du euskal hauteslegoak. Alderdien gorabeheretatik harago, aldaketa gogo hori egonkorra dela esango nuke. Erabakitzeko eskubidearen alde eta bake eta normalizazioan urratsak ematea defendatu dutenak indar handiagoa dute egun, orain lau urte baino.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Hainbat gaztek biribilgune bat moztu dute Bergaran (Gipuzkoa), eta garraio publiko

Ernaik gazteen bizitza «duintzeko» eskatu du, zortzi ekintza deszentralizatu eginda

Berria

Besteak beste, EHUren Leioako campuseko errektoretza «blokeatu» eta Bergarako San Prudentzio auzoko biribilgunea moztu du gazte antolakundeak.

Azaroaren 11n Urruñan agertu zen pankarta ©Henri Levrero

Filipe Aramendik ez du salaketarik jarriko azaroaren 11ko pankartagatik

Ekhi Erremundegi Beloki

Lehen Mundu Gerlako oroitzarren harira Frantziak erailak zioen pankarta «iraingarritzat» jo zuen Urruñako auzapezak, eta soldaduak «askatasunaren defentsan» hil zirela erran zuen. Bere adierazpenekin desados agertu zen EH Bai.

 ©Isabelle Miquelestorena

Euskal kulturaren «pizkundearen sortzailetzat» jo dute Abeberri

Ainize Madariaga

Euskal Dantzarien Biltzarreko presidente izan zen. Abeberrik dantza profesionalizatzearen alde eginiko lana nabarmendu du Filgi Claveriek
Donostiako Dbuseko autobus bat. ©GORKA RUBIO / FOKU

Mugiren deskontuaren luzapenak talka eragin du erakundeen artean

Xabier Martin

Gipuzkoako Foru Aldundiak iragarri du 2023an ere egungo deskontuari eutsiko diola, baina neurri hori nork ordainduko duen ez dago argi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.