HIZPIDEAK

Osasunaren memoria

Enrique Martin Monreal, entrenamendu batean.
Enrique Martin Monreal, entrenamendu batean. JESUS DIGES / EFE Tamaina handiagoan ikusi

Jakes Goikoetxea -

2016ko azaroak 9

Futbolak ez dauka memoriarik». Esaldia Pedja Vasiljevic Osasunako kirol idazkariarena da, Enrique Martin Monreal entrenatzailea kaleratu izana zuritzeko. Zintzoa izatekotan, memoriarik ez daukatenak futbol taldeen kudeaketa eta kirol arduradunak direla zehaztu beharko luke: ez Vasiljevic berak duela hilabete eskas esan zuelako Martin haien entrenatzailea zela, beregan konfiantza zutela eta lasaitasuna behar zela; ez Luis Sabalza taldeko presidenteak duela bi aste nabarmendu zuelako klubeko kide guztiak Martinen alde zeudela, «hiltzeraino». Jakina da futbol taldeetako arduradunen hitzak hauteskundeetako hautagaienak baino gutxiago balio duela.

Enrique Martin Monrealek 2015eko maiatzean hartu zuen Osasuna, eta 2. B mailara jaistea saihestu zuen —berak eta jokalariek—. 2015-2016ko denboraldian, seigarren bukatuta ere, taldea Lehen Mailara igotzea lortu zuen. Eta bai, Lehen Mailan azken-aurrekoa da, garaipen bakarrarekin eta zazpi punturekin; baina Lehen Mailari eusteko postuetatik hiru puntura, harrobian oinarritutako taldearekin, erdipurdiko jokalariekin eta aurrekontu apalenetakoarekin. Hamaika jardunaldiren ondoren, bukatu zaie pazientzia hasieratik Martini buruzko zalantzak zituztenei. Memoriak hamaika jardunaldi iraun die, entrenatzailea telefonoz kaleratu aurretik.

Eta Martin entrenatzaileak bertute bat baldin badu, zintzotasuna da. Ez dauka gezurrik esan beharrik, eta zaleei argi eta garbi esan die zein den Osasunaren lekua, eta zein egin beharreko bidea.

Sufritzen dutenek memoria izaten dutela esan ohi da. Ez guztiek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak: tabernak, 01:00ean itxita, eta erretzeko debekua bi metroko distantzia gorde ezean

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna