HIZPIDEAK

Eskubideak irakasten

ELA sindikatuak atzo baloratu zuen epaia.
ELA sindikatuak atzo baloratu zuen epaia. IÑIGO URIZ / ARP

Ainhoa Oiartzabal Azketa -

2017ko martxoak 10

Zaintzaile. Hala deitzen zaie ikastetxeetan irakasleek eskolak ematen ez dituzten orduetan ikasleekin egoten diren langileei. Batzuk bazkalorduan, beste batzuk ondoren, hainbat eta hainbat eskolak hasi aurretik... langile horiek denbora tarte ugari ematen dituzte ikastetxeetako haurrekin batera. Haien beharrak betetzen dituzte bakarrik gelditzen direnetan, zaindu egiten dituzte, eta, horrenbestez, hainbat gauza irakatsi ere bai. Hala ere, oporren eskubiderik ez zaie aitortu izan.

Berriki atera den epai baten arabera, ordea, Nafarroako ikastetxeetako zaintzaileek udan soldata jaso ahal izango dute. Epaileak esan du behin-behineko irakasleei bezala ikasturte osoan ikastetxe publiko batean lanean aritu diren zaintzaileei ere oporrak ordaindu egin behar zaizkiela. Hau da, ez dela bidezkoa ikasturte amaieran kontratua eten eta langabeziara bidaltzea.

Albiste ona da epaitegietatik halako erabakiak etortzea. Baina aldi berean kezkagarria da oraindik egoera prekario horietan lan egiten duten langileak aritzea hezkuntzan. Martxoaren 8a igaro eta biharamunean, nola azalduko diegu gure seme-alabei haiekin egoten diren langileek ez dituztela beste langileen eskubide berberak? Esango al diegu emakumeak direlako gertatzen dela hori ziurrenik? Emakumeen Nazioarteko Egunaren ostean lantzeko eta gainditzeko irakasgai bat izanen da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna