Albistea entzun

HIZPIDEAK

Jarraitzeko ostikoa

Urkullu eta Ortuzar pozik, atzo, Sabin Etxean.
Urkullu eta Ortuzar pozik, atzo, Sabin Etxean. LUIS TEJIDO / EFE

Jakes Goikoetxea -

2016ko irailak 26 - @ijitoa

Statu quo-aren alde egin dute herritarrek. Horixe saldu du EAJk kanpainan, eta horixe aukeratu dute herritar gehienek. Iñigo Urkullu lehendakarigaiak mahukak jasota baina betiko tonuan eta EAJk hauteskundez hauteskunde higatutako hitzetan oinarrituta (seriotasuna, kudeaketa, segurtasuna...) egin du kanpaina. Gainera, ziurtzat jo daiteke PSE-EEren babesa izango duela, Eusko Jaurlaritzaren barruan edo Eusko Jaurlaritzatik kanpo. PSE-EErentzat hotz handia egiten du oposizioan, gero eta diputatu gutxiagorekin eta oposiziotik gobernua baldintzatzeko aliatu indartsurik gabe. Abertzaletasunak eta erabakitzeko eskubideak gehiengo zabalak izateak ez du orain arte eragin, eta ez dirudi aurrerantzean ere EAJren jarreran eragingo duenik.

Statu quo-aren alde egin dute herritarrek. Espainiako Gobernuak jarrera aldatu zain bizitu den eta bizituko den gobernu baten alde. Protesta egiten duenean protesta egiten duela ez dirudien gobernu baten alde. Beren etorkizunari buruz erabaki nahi duten Kataluniako herritarrei eta erakundeei lezioak ematera ausartzen den hautagai baten alde. Mahukak jasota bai, baina gai askotan eskuak lotuta dituen gobernu baten alde. Azken adibidea jartzearren, Ertzaintzan lan eskaintza publiko bat lasaitasunez egin ezin duen gobernu baten alde. Ez dirudi egoera nabarmen aldatuko denik. Errugbian esaten duten moduan, jarraitzeko ostikoa, beste lau urterako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.