Albistea entzun

HIZPIDEAK

Gaztelania batuan

Ibon Areso Bilboko alkatea, atzoko agerraldian.
Ibon Areso Bilboko alkatea, atzoko agerraldian. M. DEL VALLE / ARP

Amagoia Gurrutxaga Uranga -

2014ko abenduak 3 - @AmagoiaGu

Euskararen Eguna gaur, eta, bezperan, Bilboko Udalean ordezkaritza daukaten indar politiko guztiek euskararen aldeko adierazpena sinatu dutela albiste. Albiste, bai, lehendik ez zelako halakorik ezagutzen Euskal Herriko hiri handienean. Araba, Bizkai eta Gipuzkoari eragiten dien Euskararen Legea onartu eta 32 urtera. Zer pentsatua ematen du bere horretan. Euskararen ordenantzarik oraindik ez daukan Bilboko Udalak honako hau esateak ere bai: «Euskara da euskal gizartearen elementu integratzaile bat, gaztelania den bezala». Duela hogeita hamabi, duela hogeita bi, duela hamabi, duela bi urte ere bai. «Bozeramaileen batzordeak hitzematen du aukera gehiago irekiko dituela euskara erabiltzeko, eta, horretarako, errespetatuko dituela pertsona guztien hizkuntza eskubideak eta euskararekin bat egiteko askatasuna». Orain artean ez bezala, erran nahi baita.

Euskararen alde gaurko antolatutako ekitaldietan parte hartzeko deia eginez itxi dute testua Bilboko EAJ, PP, EH Bildu eta PSE-EEko ordezkariek. Euskal hiztun gehien biltzen duen udala da Bizkaiko hiriburukoa. Ibon Areso alkate jeltzaleak leitu du lehenik adierazpena. Gaztelania batu ezin garbiagoan. Ibone Bengoetxeak, segidan, euskaraz.

Euskararen Eguna gaur. Zer pentsatua ematen du bere horretan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.