Albistea entzun

HIZPIDEAK

Hauteskundeak, berdintasunean

Otegi, irribarretsu, espetxe atarian.
Otegi, irribarretsu, espetxe atarian. JON URBE / ARGAZKI PRESS

Jon Ordoñez Garmendia -

2016ko martxoak 2 - @jonordoez

Lehendakari onena, herria. Herri Batasunaren 1986ko Eusko Legebiltzarrerako hauteskundeen kanpainako leloa izan zen hori, atzo Arnaldo Otegiren ahotan espetxe atarian berriro entzun ziren hitzak. Bezperan, The New York Times-en jakinarazi zuen ezker abertzaleko buruak lehendakarigai izateko aurkezteko asmoa duela, eta esaldi horrekin datozen hilabeteetan fokua non jarri nahi duen iragarri zuen.

Otegiren irteeraren ostean, garbi dago Legebiltzarrerako bozek markatuko dutela hein handi batean urte hau politikan. Ez dirudi Otegi hauteskundeetan pentsatzen ari denik (hori baino sakonagoa da egin behar duen lana), baina garbi dago badakiela zein den jokalekua eta hor Bilduk zer egin behar duen. Legalizazioen urteari, 2012ari, espetxean kasu egin behar izan zion Otegik; Bildu efektuak preso harrapatu zuen. Iazko emaitzen ostean, baina, lehian efektu gehiago daudela ageriko da, politikoak eta mediatikoak, eta ezkerreko indar independentistek efektutik haratago joan behar dute euren proiektua sustraituko duen lurra goldatzeko.

Otegiren irteerak atzo eragin zituen zenbait erreakzio ikusita, garbi dago Otegiren itzulerak gutxienez deseroso sentiarazten duela bat baino gehiago. Esanguratsua da. Maiz esan da azken bi hamarkadetan bozetan ezin zirela denek berdintasunez lehiatu. Hala gertatu zaio Otegi berari ere, legez kanporatzeak, jazarpena eta espetxealdia tarteko. Atzo arte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.