HIZPIDEAK

Uema? Eudel

Uemaren batzarra, iaz, Azpeitian.
Uemaren batzarra, iaz, Azpeitian. G. ARANBURU / ARP

Mikel P. Ansa -

2016ko maiatzak 5

Deigarria da Ana Esther Furundarena EAJren EBBko Euskara arduradunak emandako erantzuna. Udalerri Euskaldunen Mankomunitatea (Uema) elkarlanerako foro izan ote daitekeen galdetuta, «Uste dugu Eudel dela toki edo foro aproposena elkarlanerako», erantzun du. Duela 25 urte zentzua zuen Uemak, Furundarenaren hitzetan, «hutsuneak, gabeziak eta beharrak» ugariak zirelako. Baina, egun, euskarak baditu «bermeak» udal antolakuntzan, eta Eudelek izan beharko luke gai euskarari buruzko udalen beharrak ere betetzeko. Udalek nahi duten elkarteetara kidetzeko «askatasun osoa» dutela aitortu arren, zehatz esan du EBBko kideak : «Gure ustez, Uemaren izatearen edukia Eudelen barruan dago».

Deigarria da Furundarenaren erantzuna, Uemak 25 urte egin dituelako —gaur ospatuko du, Aizarnazabalen—, eta arnasguneen aldeko jardunak eta diskurtsoak leku garrantzitsua irabazi dutelako urteotan. Gainera, ez da normalena erakunde baten urteurrenean erakunde horrek beste batean disolbatu beharko lukeela iradokitzea. Egia da Eudelek baliabide eta tresna asko eskain diezazkiekeela udalei, baita udalerri euskaldunei ere; eta egia da Eusko Legebiltzarrak onartutako Udalen Legeak ere berme gehiago ematen dizkiela euskaraz jardun eta euskara sustatu nahi duten udalei. Baina egia izaten da, halaber, hamabost zerbitzu ematen dituen erakunde batean euskara eta halako gaiek ez dutela ia inoiz lehentasunik edukitzen. Emakumeek aspaldi asmatu zituzten gizonik gabeko erakundeak. Beren autonomia eta politika propioak, autozentratuak, lantzeko eta bideratzeko modu bakarra izan zuten. Euskararekin ere antzera gertatzen dela esan liteke.

Logikoagoa litzateke Uemak eta Eudelek elkarrekin sinergiak bizkortzea, nork bere eremutik, inork beste inor ordezkatzea baino.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Emakume bat, atzo, Iruñeko Estafeta kalean. ©VILLAR LOPEZ / EFE

Nafarroako Gobernua maskararen nahitaezko erabilera aztertzen ari da

Amaia Ramirez de Okariz Kortabarria

Azken egunotako kutsatuen gorakadak kezka eragin du, eta maskaren erabilerari buruzko arauak berriz aztertuko ditu aste honetan. Eskoriatzan, hilik aurkitu dute positibo eman zuen gizonezko bat

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Iruñerko Nabarreria kalea asteon. ©Iñigo Uriz / FOKU

Iruñeko agerraldian 21 kasu atzeman dituzte

Amaia Ramirez de Okariz Kortabarria

Hego Euskal Herrian, guztira 64 positibo erregistratu dira azken orduetan. Eskoriatzan (Gipuzkoa) PCR proban positibo eman zuen gizonezko bat hilik aurkitu dute etxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna