Albistea entzun

HIZPIDEAK

Uharte eraikuntza

Oregi sailburua eta Pastor ministroa, atzoko agerraldian.
Oregi sailburua eta Pastor ministroa, atzoko agerraldian. ARP

Amagoia Gurrutxaga Uranga -

2015eko urtarrilak 29 - @AmagoiaGu

Burua ez kolpatzeko, kasko zuria. «Espainiako Gobernua. Sustapen ministroa», zioen batenak; «ETS» —Euskal Trenbide Sarea—, bestearenak. Krisialdiaren zurrunbiloan Madrilek geldiarazitako obrak abiarazteko eskatzen ari zen Gasteiz, Bergarako korapiloko adjudikazioak (eta sosak) askatzeko behingoz, eta herri hau trinkotzera eta Europarekin lotzera omen datorren lokomotorra berriro martxan jarriko dutela iragarri dute alde biek. Bergaran, non bestela. Europako Banku Zentralak eurogunean imajinatu ezineko dirutzarekin zor publikoa eta pribatua erosiko duela iragarri eta egun gutxira.

Gaur-gaurkoz, ordea, Frantziari dagokion Akize-Hendaia zatia egingo denik ez dago batere argi. Frantziako Inbertsiorako Komisariatu Nagusiak esana du duela hilabete batzuk: «Zuhurtzia handia behar da zati hori 2032tik aurrera egiteko iragarpenari buruz». Ez ei da ekonomikoki bideragarria. Gasteizko eta Madrilgo gobernuek 2032ko mantra errepikatzen segitzen dute, hala ere. Inora lotzen ez den Nafarroako AHT uhartearen ondoan are uharte handiago bat —dirutza publikoa xahutuz— eraikitzeko prest daude biak, proiektuaren onurak gero eta ustezkoagoak direnean.

Krisiak krisi, uharteak uharte eta aurrekontuak aurrekontu, batzuek lehengo lepotik burua. Kaskoa jantzi, eta ohiko patrika bakanetan dirua.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...