IRLEN SAREA

Eta hurrengoa, noiz?

Gorka Julio -

2016ko azaroak 19

Ia 15 urte pasa dira Software librearen euskal mintegiaren lehen edizioa jarri zela martxan. Garai hartan Nestor Garairen eta Iñaki Alegriaren bultzadaz, UEUren laguntzaz, egituratzen hasi zen errealitate berri bat, hemen ere, hedatu behar zela ulertu zuten. Aurten hirugarren edizioa egin da, teknologia libreak abizena ere gehituz eta denbora asko pasatu bada ere, beharra eta indarra bazegoela ikusi ahal izan dugu.

Hirikilabs txiki gelditu zen, beteta, kanpoan gelditu behar izan zutenen penarekin, baina arrakastaren sorpresarekin. Goiza tailerretan joan zen Rodrigo Agerriren ixa-pipes, Ekaitz Astizen TDD-BDD metodologiak, Maider Likonaren Guifi.net sarearen azalpenak eta Jabi Luengo Gauzen Internet merke baten aukerak azalduz. Proiektu errealak, martxan daudenak eta gure ezagutzak partekatzearekin soilik garatzen hasten diren horietakoak. Bakoitzak bertan probatutakoaz gain, etxerako lan batzuk, gogozko lanak hauek, eraman zituztela askok seguru.

Bazkariaren ostean, hamaika hitzaldi labur, hainbat arlotakoak. Multzokatzen saiatzeagatik, hizkuntza, hezkuntza, webguneei lotutako esperientzia zehatzak eta teknikoagoak garapen eta ezarpenak egiteko ingurunei buruzkoak, hardwarea ere lotzen zuten beste batzuekin batera. Maila profesionaletik batzuk eta afizioa den lanetik beste batzuk, baina gehienak behintzat ezagutza metatu bat erakusten zutenak, baina baita grina ere.

Lehen jardunaldi horren ondorioak irakurrita, gutxi aurreratu dugula eman dezake. Aipatzen ziren erronkak hor jarraitzen dute, egia da: administrazio publikoan software librea txertatu, gai hauetan hezkuntzak daukan garrantzia, inplikazio falta nabaria erakundeen aldetik... Baina sortu ditugu egitura profesionalak eta egituratzen jarraitzen dute komunitateak; berebizikoak gure kasuan. Jendea eta ezagutza baditugula, alegia.

Horrelako foro baten beharra sumatzen genuen batzuk, uste dut erantzuna ikusita eta amaierako batzuk entzunda, errepikatu beharrekoa dirudi. Lehen helburua, berriro ikustea, aurpegia jartzea eta ezagutzea izan bada, hurrengoan erronka handiagoei erantzungo dioten estrategietan sakontzeko balio behar du. Izenburuko, Burujabetza teknologikoaren bidetik errealitate bihurtzeko. Ditugun pertsonekin, aurrera egin dezakegula argi.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Beste 11 positibo zenbatu dituzte Ordiziako agerraldiarekin zerikusia dutenak

Beste 11 positibo zenbatu dituzte Ordiziako agerraldiarekin zerikusia dutenak

Arantxa Iraola

Denera 69 kasu dagozkio positibo multzo horri, eta 31 Tuterakoari.

Gasteizko Mendizorrotza igerilekuak pandemia garaiko udarako prestatzen. Irudian, langile bat belardian markak egiten. ©Raul Bogajo / Foku

Positibo bat Gasteizko gimnasio batean, eta beste bat Baionako erietxe batean

Edu Lartzanguren

Baionako Belharra erietxean kasu bat topatu dute, eta ikerketa zabal bat jarri dute martxan jatorria argitzeko. Zirujau bat kanpoan kutsatu dela uste dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna