Albistea entzun

IRLEN SAREA

Dimentsio mugikorra

Gorka Julio -

2015eko otsailak 26

Informazio kudeaketa ezinbesteko gaitasun digital batean bihurtu da. Informazioa eskuratu eta antolatzeko garaian gero eta tresna gehiago ditugu, nahiz eta gutxi erabili. Orain horri guztiari, mugikor bidezko kontsumoari, dimentsio mugikorrari alegia, begiratu beharko diogu.

Informazio kudeaketa egoki baterako badira tresna ugari, hiru aipatuko ditugu bakarrik: jario irakurgailuak, lotura antolatzaileak eta sare sozialen kudeaketarako tresnak. Beren aurrekariekin alderatuz, horiek dimentsio mugikorra ere kontutan hartzen dute. Hau da, gailu mugikorretan erabili eta kontsumitzeko pentsatuak daude.

Jario irakurgailuek, nahi baino gutxiago erabili izan diren arren, oso tresna baliagarria izaten jarraitzen dute, informazioaren kudeaketa egoki bat egin nahi dutenentzat. Bakoitzak aukeratutako jarioak dituzten albiste iturrietara harpidetu eta informazioa bertan jasotzea oso aukera erakargarria da. Feedly (http://feedly.com) da zerbitzu moduan dagoen aukera interesgarri bat; software libreko tresnen artean: Tiny Tiny RSS (http://tt-rss.org).

Lotura antolatzaile asko dago, baina gutxiago dira hori era egoki eta erakargarrian egiten dutenak. Tresna horiek irakurri ez ditugun eta irakurri nahi ditugun loturak gordetzeko, antolatzeko eta biltegiratzeko balio dute. Normalean sarean aurkitutako artikuluak beranduago irakurtzeko erabili ohi dira askotan. Pocket da horietako zerbitzu bat. Software librean Wallabag bezalako proiektu interesgarriak daude.

Bukatzeko, sare sozialetatik informazio uholde handi bat jasotzen dugu eta askotan baita elkarreragin ere. Interesatzen zaizkigun gaiak jarraitu, kontu ezberdinak kudeatu edota jarraitzen ditugun pertsonak hobe kudeatzeko sare sozialek beraiek eskainitako tresnez gain, badira beste asko ere. Oso ezaguna da Hootsuite (http://hootsuite.com) zerbitzua, adibidez.

Laster nagusi izango den dimentsio mugikorrak informazioaren kudeaketaz gain, informazioa zerbitzatzen duten proiektuetan ere gogoeta sakonak eragingo ditu proiektu berezituak sortuz. Olatua hartuz, Mugikaria (Android / iOS) sortu berri dute (http://sustatu. eus/1424770280). Egunero bi ediziotan, euskaraz sarean sortzen diren albisteez informazioa jasoko duena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Berria Ikasgelaren Tutoriala

BERRIA Ikasgela, egunerokoarekin ikasteko tresna

Mikel P. Ansa

Proiektu berri bat sortu du BERRIA egunkariak: Ikasgela. 12 urtetik aurrerako ikasleekin eskola orduetan lantzeko gaiak proposatuko ditu webgune batean, Berria.eus/ikasgela helbidean. Material osagarria eskainiko dio hezkuntza komunitateari.

Berria Ikasgelaren Tutoriala
 ©MARISOL RAMIREZ / FOKU

«'Kontrol' hitzak adiera ezberdinak ditu armen merkatuaz hitz egitean»

Amaia Ramirez de Okariz Kortabarria

Urteak daramatza Calvok armen salerosketa ikertzen, Delas zentroan. Industria hori kontrolatzea posible den ala ez: galdera hori izango du hizpide Gasteizen bihar emango duen hitzaldian.
HBO Max plataformak gaur estreinatuko du <em>Todo lo otro</em> telesaila; Abril Zamorak sortu du. ©HBO MAX

HBO Max gaurtik martxan da Hego Euskal Herrian, eduki berriekin

Urtzi Urkizu

Plataforman HBO, Max Originals, Warner Bros, DC eta Cartoon Networkeko edukiak daude

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.