Albistea entzun

IRLEN SAREA

Burujabetzarako bidezidorrak

Gorka Julio -

2016ko ekainak 11

Teknologiaren burujabetzaren ikuspuntutik bada mugimendurik. Ezin dute beti Googleren azken asmakizunek, Facebook eta Microsoften ur azpiko kableak edota mezularitza tresna berrienak egon teknologiaren alorreko plano informatiboa okupatzen. Bada beste fondoko marea bat teknologia burujabetzari lotuta.

Askotan aipatu izan dugu Guifi.net auzosare libre eta neutrala eraikitzeko proiektuen garrantzia. Baina sareak azkenean azpiegitura dira; estrategikoak izanik ere, jende gutxi batek jartzen die arreta. Aldiz, sare horiek ahalbidetzen dituzten zerbitzuak eskuratzeari jende askok.

Hau da, Internet eta sakelako telefono estaldura izatea axola digu, nola iritsi den ez. Beste alor askotan ematen ari den bezala, jendea kontsumotik hasten da kontzientzia hartzen. Ondoren: nola, zeinek, zertarako... bezalako galderak egiteko.

Prezioari garrantzia handia ematen diogu oraindik, baina aldi berean telekomunikazioetan ere arduratsu izateko aukerak gero eta gehiago dira. Aukera horien artean Eticom dago, telekomunikazioen sektorean burujabetzan aurrerapausoak ematea helburu duen kooperatiba.

Eticom Konexioa Gara telefonia eta Internet konexioa eskaintzen duen irabazi asmorik gabeko kontsumo kooperatiba bat da. Horrek esan nahi du pertsona kontsumitzaileak kooperatibaren bazkideak direla, eta, beraz, kooperatibaren jabe. Horrek aukera ematen du kooperatibaren erabakietan demokratikoki eta baldintza beretan, berdintasunez, parte hartzeko, batzarren eta erabaki organoen bidez.

Terminaletaraino ere iritsi da kontua. Telekomunikazio arduratsuago baten kezka horren erakusgarri dira, terminal zaharrak konpondu eta berrerabiltzeko ekimen ezberdinak. Hori lotutik, eta garestia bada ere oraindik, lana errazten duen Fairphone telefonoa jaio zen (http://fairphone.com).

Fairphoneak diseinu modularra dauka, edozein pieza apurtzen dela konpondu ahal izateko. Sortze prozesuan materialetatik hasi, diseinutik pasatu eta fabrikazioraino iritsi arte, ahalik eta arduratsuen egiten saiatzen dira horiek guztiak.

Kate guztia ixtea zaila bada ere, adibide txiki horiek orain arte ikusezinak ziren bidezidorrak irekitzen dituzte, bide berriak bistaratuz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

Txikiren ama Antonia Maria Manot, haren semearen hiletan. ©BERRIA

Ez ahanzteko ariketak

Gotzon Hermosilla

Natalia Ginzburg idazleak testu bat argitaratu zuen garai hartako prentsan 1975eko irailaren 27ko fusilamenduen harira. Orain, testu hori euskarara ekarri du Josu Zabaletak; itzultzaileak FRAPeko hiru kondenatuak ezagutu zituen espetxean.

 ©JAGOBA MANTEROLA / FOKU

«Emakume informatikari erreferenteak behar dira»

Unai Etxenausia

II. Gladys saria jasoko du gaur Perez de Viñasprek. Gaztea izan arren, ibilbide oparoa du informatikan. Nabarmendu duenez, gustatzen zaizkion ikerketak egiten aritu nahi du aurrerantzean ere.
Fusilamenduen 40. hurrenarekin batera Vigon herri-harpidetzaz ezarritako iragarkia. ©INFO.NODO50.ORG

Fusilaturik isilgordeena, Garcia Sanz

Miel A. Elustondo

1975eko irailak 27 beti. Frankismo garaiko azkeneko bost fusilatuak. Sanchez Bravo, Garcia Sanz, Baena, Txiki, Otaegi. Haien ondoan militante ez gutxi, heriotzara kondenatuak izanak, zigorra kommutatuak. Askoren artean, Manuel Blanco Chivite. Bizi-bizirik du egun haietako oroitza samina. Ilun beltzaren muturrerainoko bidaia. Azkena.
Imelda Staunton aktorea, Elizabeth II.aren paperean, <em>The Crown</em> telesailean. ©NETFLIX

Netflixen sasoi berria: zaharrak berri

Enekoitz Telleria Sarriegi

AEBetako plataformak bere telesailak eta filmak aurkeztu ditu Tudum ekitaldian: 'The Crown'-en itzulera eta 'The Witcher'-en prekuela, esaterako

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...