Arabarren beroa sarea josteko

Giro ezin hobea sortu dute Gasteizko Principal antzokian finaleko seikotea animatzera joan direnek. Ehunka lagunek bete dute aretoa, eta publikoaren epeltasuna igarri dute finalistek.
Giro beroa sortu dute Principal antzokian bildutako zaleek.
Giro beroa sortu dute Principal antzokian bildutako zaleek. JUANAN RUIZ / ARGAZKI PRESS Tamaina handiagoan ikusi

Edurne Begiristain -

2017ko apirilak 2

Hasieratik amaieraraino, epeltasuna. Gasteizko Principal antzokia bete duten bertsozaleen berotasuna nabaritu egin dute kantuan aritu diren sei finalistek. Seikoteak txaloak, animoak eta oihuak jaso ditu animatzera joandako ehunka zaleen eskutik, eta besarkada beroak, berriz, sariak banatzera joan diren Arabako bertso eskoletako kideengandik. Epela izan da, halaber, saioa amaitzeko Karla Santistebanek Pereari txapela janzterakoan eman dion besarkada.

Gasteizko Principal antzokiko ateak 17:00etan ireki dituzte; ordurako hainbat lagun daude kanpoan, zain. Finalean izango den seikotea ere kalean da, solasean, aldarte onean. Lagun eta ezagunekin ari dira hizketan. Urduritasuna nabari zaie, baina disimulatzen saiatu dira. «Urduri?», galdetu dio kazetariak Oihane Pereari, alboko kafetegi batean topatu duenean. «Ez, batere ez», erantzun dio irribarretsu.

Sarreran zain dagoen ikusle multzoa sartuz joan da barrura, tokia hartzera. Ondoko tabernetan ere bertsozale ugari ikusten da. Bazkalosteko kafea hartzen gehienak, geroago hastera doan ikuskizunaz solasean asko eta asko. Faborito Manex Agirre jo dute batzuek, eta Iñaki Viñaspre eta Oihane Perea beste batzuek. Asier Otamendi ez zen aurrekoan egon, eta ikusmina sortu du urretxuarrak zer egin behar duen aurtengo finalean: «Sorpresa emango du, ziur».

Gazteenak eta beteranoenak. Horiek ere badute zalerik. Xabi Igoa aramaioarra animatzera joan direnek ez dute dudarik hark emango duela ezustekoa. Serapio Lopezen jarraitzaileek ere itxaropenari eusten diote: badira 25 urte azkenekoz final batean aritu zela, baina maila emango duela zalantzarik ez dute.

Finalistentzat oholtza prest dago antzokiaren barruan. Sei jarlekuak ere ongi paratuta daude. Atzean armiarma sarearen irudia. Izkin batean, mahai baten gainean, irabazleak jantziko duen txapela, zain.

Hasi da, apurka-apurka, aretoan jendea sartzen. Antzokiaren palkoetatik eskegita dauden pankartei so egin die batek baino gehiagok. Argi dago finalista bakoitzak badituela bere zaleak, bere mezuak. Piraten erregina txapelaren bila, Pereari zuzendutako mezua pankarta batean. Igoari umorez beste bat: Ez utzi Manexi larrepetitzen. Aupa Xabi. Viñaspre berriro txapela jantzita ikusi nahi dutenen mezua ere, argia: Aurten ere Viñaspre txapeldun. Lopezek ere izan du berea: Nik gorria eta hik beltza. Aupa Serapio! Gu bion ametsa.

Hasi da finala. Landutako gaiek irri asko sorrarazi dituzte. Agurrak lagundu du umorea plazaratzen, eta saioa etengabe goraka joan da, gaiek eta bertsolarien lanek lagunduta.

Buruz buruzkora igaro diren bi bertsolarien izenak entzuteko irrikan egon da publikoa. Otamendi eta Perea entzutean txalo zaparrada eta oihuak entzun dira Principalen. Ezuste aurpegia jarri du Pereak, bere izena entzutea espero ez zuelako, akaso. Eta gero, irabazlearen izena entzun duenean, are harrituago geratu da. Txaloaldi batekin ospatu du publikoak gasteiztarrak txapela janztea. Hura ere beroa izan da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

EHUko ikasle batzuk, artxiboko irudian ©Luis Jauregialtzo / Foku

EHUk espedientea ireki dio irakasle bati, eskolak maskararik gabe ematen zituelakoan

Irati Urdalleta Lete

Farmazia Fakultateko irakasleak positibo eman du PCR proban. Hamabost eguneko epean ebatziko dute espedientea.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna