Iritsi da Bardeako tronu jokoa

Gaur estreinatuko du HBOk 'Game of Thrones' telesaileko seigarren denboraldia. Eszena batzuk Nafarroan grabatu zituzten, irailean
Bardean (Nafarroa) iazko irailean egin zituzten grabazioetako irudi bat. Ehunka nafar figurante gisa aritu ziren.
Bardean (Nafarroa) iazko irailean egin zituzten grabazioetako irudi bat. Ehunka nafar figurante gisa aritu ziren. BERRIA

Urtzi Urkizu -

2016ko apirilak 24

Munduko telesai entzutetsuenetako batek Nafarroako hegoaldearen zaporea izango du bere seigarren denboraldian, iazko irailean hainbat eszena Bardeako parajeetan grabatu baitzituzten. Gauean estreinatuko du HBO kateak Game of Thrones -en denboraldi berriko lehen atala —Euskal Herrian biharko 03:00ak izango dira—. Canal+ ordainpeko kateak bihar, 22:30ean, emango du berriz estreinako atala.

Hainbat faktoreren eraginez, arreta handia piztu du seigarren denboraldiaren estreinaldiak. George R. R Martinek idatzitako A Song of Ice and Fire liburu sorta orain arte telesailaren aurretik zihoan, eta, horrenbestez, jarraitzaileek bazekiten tramak nondik nora joan zitezkeen. Baina Martinek ez du liburu gehiago argitaratu 2011. urtetik, eta seigarren denboraldiak ez du pareko libururik. The Winds of Winter (Neguko haizeak) seigarren liburua amaitu gabe du idazleak. A Song of Ice and Fire sorta 1996an hasi zuen Martinek. Bost lan argitaratu ditu, seigarrena laster iritsiko da, eta zazpigarrenarekin bukatuko da sorta, A Dream of Spring izenekoarekin (Udaberriko amets bat).

Amaiera ez dago urrun

Liburu sorta amaituko den moduan, telesailaren bukaera ere gertu dagoela adierazi dute berriki David Benioff eta D. B. Weiss ekoizpenaren arduradunek. Seigarren denboraldiak hamar atal izango ditu, eta, atal horien ondoren, beste bi denboraldi labur gera daitezkeela iradoki dute: zazpigarren denboraldia, zazpi atalekoa, eta zortzigarrena, azkena, sei atalekoa. Hori hala balitz, Game of Thrones-eko hamahiru atal baino ez lirateke geldituko grabatzeko. Gidoilariak atal horietan ari dira lanean. Dena den, Benioffek eta Weissek ohartarazi dute ez dagoela erabateko ziurtasunik telesailaren amaieraren inguruan.

Seigarren denboraldian ikusiko denaren inguruan, bestalde, asko hitz egin da, eta susmo asko argitaratu dira azkeneko hilabeteetan. Jakinekoak dira bosgarren denboraldiaren azkenak utzi zituenak: Jon Snowen irudia elurretan, odolustutzen ari zela; Stannis Baratheonek Winterfellen egindako erasoa, eta haren ondorioak; Meereenen Daenerys eraso batetik nola libratu zen, Drogon dragoiari esker. Denboraldi berrian, pertsonaia eta agertoki berriak azalduko dira. Pertsonaia horiek jokatuko dituzten aktoreen artean izango dira, besteak beste: Max von Sydow, Ian McShane, Freddie Stroma, Richard E. Grant eta Pilou Asbaek.

Atal berrietan protagonismo berezia izango du Melisandre apaiz emakume misteriotsuak —Carice van Houten aktoreak jokatzen du rola—. Bosgarren denboraldiaren bukaeran, Melisandrek Baratheon erregearen alaba Shireen bizirik erre zuen. Ondorioz, Baratheonen gorroto guztia Melisandrerentzat izango dela aurreratu du aktoreak.

Amaiera gertu dago, beraz. Baina Martinek iradoki du telesailaren spin-off bat egin daitekeela, gertakizunekin beste hamaika istorio konta daitezkeelakoan.

Ondorioak Nafarroan

Erakusleiho handia da Game of Thrones. Milioika eta milioika jarraitzaile fidel ditu mundu osoan. Horrenbestez, telesailean Bardea agertzeak eragina izan dezake aurrera begira Nafarroako hegoaldeko turismoan. Ikuskizun.

Iazko udazkenaren hasieran eragin zuzena izan zuen telesailak inguruko ekonomian. Irailaren 20tik 25era egin zituzten grabaketak, eta egun horietako filmaketa prestatzeko hilabete oso bat eman zuten. Bardeako Komunitateko Batzarrari kanona ordaindu behar izan zion ekoizpen etxeak. Hoteletan, otorduetan, catering zerbitzuetan, pabiloien alokairuetan eta atrezzoari lotutako enpresetan, horietan guztietan izan zuten eragina grabaketek.

Mila lagunek parte hartu zuten iraileko grabaketetan. Haien artean 400 estra zeuden, Tuteran egindako hautaketa proba batean aukeratutakoak. Facebooken talde bat sortu zuten estretako batzuek, grabazioetan izan zirela gogoratuz.

Seigarren denboraldian, Herrialde Katalanetako irudiak ere ikusiko dira. Grabaketak egin zituzten, iaz, Gironan eta Peñiscolan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Itziar Ituño, 'Mask Singer' telebista saioan

Itziar Ituñok 'Mask Singer' saioaren ikusleak harritu ditu Lady Gagaren bertsio batekin

Berria

TF1 kateko saioan hartu du parte, Lady Gagaren Million Reasons kantua abestuz, kristalez beteriko jantzi batekin. Txalo artean hartu dute.

Euskarazko telesailek 30 urte (IV): 'Goenkale' osteko aroa

'Go!azen' izan da salbuespena

Urtzi Urkizu

ETBk 'Goenkale' kentzea erabaki zuenean, 'Aitaren etxea' grabatu zuten; gero, 'Eskamak kentzen'. Hiru urte eta erdiko «basamortua» iritsi zen, iaz 'Ihesaldia' estreinatu zuten arte.
Errigorako kideak eta Mendigorriko familiak, atzo, kanpaina berriaren aurkezpenean. ©IDOIA ZABALETA / FOKU

Otarre bete hats euskararentzat

Ion Orzaiz

Aurtengo kanpaina aurkeztu du Errigorak Mendigorrian, D eredua eskatzen duten familiek lagunduta. Tokian tokiko proiektuak sustatuko dituzte, 'Agerraldia' izeneko egitasmoaren bidez.

 ©IÑIGO URIZ / FOKU

«Belaunaldi bakoitzean izan da jendea aurrera jotzeko»

Iker Tubia

Oharkabean hasi zen mikrofonoen aurrean solasean eta kazetaritzaren munduan murgiltzen. Beti izan du non idatzi, eta horrek itzultzaile lanerako trebatzeko aukera eman dio. Etxean jasotako euskaltzaletasuna izan du ipar.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna