Noiz sortua: 2017-03-12 00:30:00

Haur bat errusiar mendian

Xabi Igoa gailendu da Arabako Bertsolari Txapelketako azken-aurreko finalaurrekoan, eta sailkapen orokorraren buruan jarri da
Xabi Igoa (erdian), Jagoba Apaolaza eta Ander Solozabal alboan dituela, atzo, Laudion.
Xabi Igoa (erdian), Jagoba Apaolaza eta Ander Solozabal alboan dituela, atzo, Laudion. JAIZKI FONTANEDA / ARGAZKI PRESS Tamaina handiagoan ikusi

Ane Zuazubiskar Iñarra -

2017ko martxoak 12

«Nola ume bat lehenengo aldiz/ montaña rusan den igo.../ Printzipalera behin joan nintzen/ ta bada aski motibo.../ Borrokatzeko pribilegio hori/ izan dezadan berriro». Hori kantatuz hasi zuen Xabi Igoak atzo Arabako Bertsolari Txapelketako azken-aurreko finalaurrekoa, eta hark irabazi zuen. Orain goian, orain behean, errusiar mendien moduko saioa osatu zuten Laudioko (Araba) saioan aritu ziren bertsolariek. Igoaren atzetik sailkatu ziren Rikardo Gonzalez de Durana, Paula Amilburu, Asier Rubio, Ander Solozabal eta Jagoba Apaolaza.

Saioa hasita, hausnarketarako baliatu zuten bertsolariek hamarreko handiko ariketa. Bi gurasoren azalean jarri zituen Nieves del Alamo gai-emaileak Apaolaza eta Igoa. Seme txikiak gona jantzi nahi zuela esan zien; gona haurrari emateko prest zen Apaolaza, zalantzak zituen Igoak. Kezkei tiraka ekin zien Igoak: «Izan nahi nuen guraso on bat/ banuen nik esperantza./ Azken orduan zergatik beti/ dator bisitan zalantza?». Genero bereizketa umetatik hautsi behar dela erantzun zion Apaolazak, eta horrela amaitu zuen bigarren bertsoa: «Eta niri berdin emango dit/ semea edo alaba». Haurrari gona jantziko ziotela kantatu, eta gozo amaitu zuen bertsoaldia Igoak: «Ikastolara joan gaitezen/ bera eskutik helduta.../ Gelara sartu orduko/ berak laguntza beharko du ta».

Epelera egin zuen saioak zortziko txikiko ariketan. Landetxe batera asteburu-pasa joatea oparitu zion Solozabal semeak Igoa aitari. Landetxera heltzean, erreserbarik ez zutela eta lotarako lekurik ez zela geratzen esan zieten. Umorez aritu zen Solozabal: «Baina zahartu zara, ta orain zahar gu.../ Gure erlazioak/ abentura behar du». Horrela itxi zuen bertsoaldia Igoak: «Amari ezer ez esan/ egitean buelta,/ zurekin disgustoa/ lehendik badu eta». Gozatu egin zuten entzuleek hamarreko txikiko ariketan. Bikote ziren Igoa eta Gonzalez de Durana. Furgoneta erosi zuten, baina kalean geldi darama urtebete. Bizi hasi zen Igoa: «Baina bertso afaritan/ hauxe da aritzen,/ gizendu du ta ez gara/ ohean kabitzen». Beste furgoneta bat eros zezaketela kantatu zion Gonzalez de Duranak, hark saioetan irabazitakoarekin.

«Aspalditik barruan zenuen arantza hori atera duzu». Sei bertsolari, eta sei arantza; ertz ezberdinetatik heldu zioten bakarkako gaiari. Lehen aldian Everesteko gailurra igotzea lortu ez zuen mendizalearen azalean jarri zen Igoa: «Mendiak gogorarazi/ zidan ahaztu lez, bezela:/ gure nahiak baino askoz/ indartsuagoa dela». Horrela biribildu zuen bertsoaldia: «Berriz preparatzen hasi/ nintzen astiro-astiro,/ heldu ta elurra hartu/ dut eskutan maitekiro.../ Himalaya jakin, badut/ zurekin aski motibo/ hogei egun ta Everest/ iparraldetikan igo/ esan nizun Himalaya,/ berdin eguraldi, giro/ egunen batean bueltan/ joango naizela berriro».

Datorren larunbatean jokatuko da azken finalaurrekoa, Aramaioko Kultur Etxean. Han erabakiko da zein sei bertsolari izango diren finalean, apirilaren 1ean, Gasteizko Printzipal antzokian.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Arantzazu (Oñati, Gipuzkoa), larunbatean. ©Marisol Ramirez / Foku

Hego Euskal Herria, azken faserako prestatzen

Berria

EAE datorren astelehenean hirugarren fasera pasatzeko eskatuko dio gaur Iñigo Urkullu Jaurlaritzako lehendakariak Espainiako Gobernuari, eta Nafarroa «normaltasun berrira iristeko neurriak» onartzeko prest dagoela esan du Maria Txibite presidenteak.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du gaur Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta, horren truke, Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Ekainaren 8an hirugarren fasean sartzea eskatuko du Jaurlaritzak bihar.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna