Albistea entzun

Bizkaiak %65era igo nahi du birziklatze tasa

Herritarrek hondakin gutxiago sor dezaten eta birziklatzeko «premiaz kontzientzia» har dezaten, kanpaina bat hasi du aldundiak. Zero Zabor taldeak salatu du organiko «gutxi» berrerabili dela
Rementeria, atzo, kanpaina aurkezten, Bilbon.
Rementeria, atzo, kanpaina aurkezten, Bilbon. BERRIA

Erredakzioa -

2017ko maiatzak 16 - Bilbo

Bizkaiko Foru Aldundiak %65era igo nahi du birziklatze tasa, Europako Batasunak 2030erako ezarri dituen helburuak betetzeko. Iaz hondakinen %43,78 birziklatu ziren Bizkaian, diputazioaren arabera: 605.000 tona hondakin batu zituzten, horietako 247.000 gaikako bilketaren bitartez. Aldundiak jakinarazi du azken lau urteotan %3,25 «murriztu» dela hondakin nahasien bilketa.

Hain justu, hondakin «gutxiago» sortzeko eta sortzen direnen birziklatzea eta berrerabilera «sustatzeko» xedez, herritarrek kontzientzia hartzeko ekintza sorta abiatu du aldundiak; Gero Arte. Birziklatu eta atzera itzularazi da leloa. Unai Rementeria ahaldun nagusiak eta Elena Unzueta Iraunkortasuna eta Ingurune Naturala Zaintzeko diputatuak «gizarte osoaren» erronka gisa planteatu zuten atzo kanpainaren helburua. Azaldu zutenez, hondakinak sorburuan bereiztea da «gakoa», birziklatzea eta berrerabilera handitzeko.

2018ko lehen hiruhilekora arte, hainbat jarduera aurreikusi ditu aldundiak: birziklatzeari buruzko informazio lantegiak, foodtruck bat jartzea hondartzetan eta herrietako jaietan, edota kafeak doan banatzea birziklatzeko eramaten diren bilgarrien truke.

Gaikako bilketari buruz, aldundiko eledunek azaldu dute iaz papera eta kartoia birziklatu zela gehien Bizkaian: 76.608 tona. Gehien batu zen bigarren gaia, berriz, beira izan zen: 25.355 tona. Ontzi arinen kasuan, 15.961 tona bildu ziren eta, horregatik, aldundiak ahalegin «berezia» egingo du arlo horretan.

Bestalde, birziklatzen ez diren hondakin kopurua «murrizteko» ahalegina ere egingo du, azken urteotako «joerari» eusteko. Diputazioaren arabera, horrelakoen bilketa %3,25 gutxitu da: 2013an, 369.252 tona bildu zituzten, eta, 2016an, 356.631 tona.

Organikoen afera

Gaika jasotako hondakinen datuei erreparatuz, Bizkaiko Zero Zabor plataforma sortu berriak organikoan ipini du arreta: «zoritxarrez», horren bilketan oso gutxi aurreratu dela salatu du. Taldearen arabera, Bizkaian iaz 6.613 tona hondakin organiko batu ziren bereizita, konposta egiteko. Gipuzkoako egoerarekin egin du alderaketa: «Gipuzkoak 42.604 tona hondakin organiko bildu zituen konpostatzeko, nahiz eta Bizkaiak baino 425.000 biztanle gutxiago dituen».

Alde horretatik, hondakinak kudeatzeko Bizkaiko eredua kritikatu du plataformak. Ohartarazi duenez, hondakinak nahasita botatzeko aukera dagoelako, «Bizkaian, zabortegietan amaitzen dute milaka kilo material birziklagarrik».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Espainiako Auzitegi Goreneko magistratuak. ©FERNANDO ALVARADO / EFE

Sexu indarkeriagatik kondenatutakoei zigorrak «kasuan-kasuan» arintzea babestu du Espainiako Auzitegi Gorenak

Ion Orzaiz

Soilik baietz da baietz legea atzerako eraginez aplikatzeko jurisprudentzia sortu du auzitegiak

EH Bilduren eta LABen agerraldia, gaur goizean, Donostian ©Andoni Canellada / FOKU

EH Bilduk eta LABek «konfluentzia» nahi dute, ikastolen eta sare publikoaren «onena» jasota

Irati Urdalleta Lete

Aitortza egin diete sare publikoari nahiz ikastolei. Grebak aipatuta, esan dute bat egiten dutela langileen eskaerekin.

Hernaniko Udaleko bilkura, gaur. ©Uema

Uemako 96. udalerria izango da Hernani

Berria

Eustaten datuen arabera, udalerriko biztanleen %70 dira euskaldunak. Mankomunitateak abenduaren 17an onartuko du eskaera.

Irene Montero, Felix Bolaños eta Ione Belarra, artxiboko irudian ©Emilio Naranjo/ Efe

Familien legearen atzerapenak beste pitzadura bat eragin du PSOEren eta Unidas Podemosen artean

Edurne Begiristain

Ministroen Kontseilua gaur zen onartzekoa familien legearen proiektua, baina Moncloako iturriek gauerdian iragarri zuten ez zutela gaurko bileran aztertuko, gobernuko bi kideen arteko desadostasunak direla eta.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...