Udalen osaketa. Araba

Urtaran da Gasteizko alkate, ezkerreko alderdien babesari esker

Sozialistek zuri bozkatzea erabaki dute azken orduan.

EAJ, EH Bildu, Hemen Gaude eta Irabaziren hamalau boto izan ditu jeltzaleak.

Marotok dio bere ideien alde egingo duela oposiziotik
Javier Maroto, burumakur, atzoko udalbatzan.
Javier Maroto, burumakur, atzoko udalbatzan. R. BOGAJO/ ARP.

Edurne Begiristain -

2015eko ekainak 14

Gasteizko Udalera iritsi da aldaketa. Javier Maroto orain arte alkate izandakoa ez da karguan izango aurrerantzean, haren lekua hartu duelako Gorka Urtaran jeltzaleak. Alkate izateko nahiko boto bildu du EAJko hautagaiak—hamalau, EAJ, EH Bildu, Hemen Gaude eta Irabaziren artean—, baina aurreikusi baino babes txikiagoarekin izendatu dute alkate. Izan ere, Andoaingo (Gipuzkoa) alkatearen aukeraketan gertatutakoak giroa nahasi du, eta, udalbatza osatu baino ordubete lehenago, PSE-EEk boto zuria iragarri du inbestidura saioan.

Ostiral arratsaldean ziurra eta argia zirudiena airean egon da une batez Gasteizen. Izan ere, udalbatza hasi aurretik, asaldura eragin dute bi albistek: batetik, Irabazik iragarri du bere hautagaitzari emango diola botoa, eta ez duela Urtaran babestuko; bestetik, PSE-EEk zuri bozkatzeko erabakia hartu du azken orduan, Andoaingo gertaerengatik. Horiek hala, Urtaranek alkate izateko babes nahikoa bermatu gabe izan du osoko bilkura baino ordubete lehenago. Azkar hasi dira alderdien arteko negoziazioak, eta akordioa laster lortu dute. Udalbatza osatzeko minutu eskasera, Irabazik iragarri du atzera egiten zuela eta Urtaran babestuko zuela, «erantzukizunagatik». Maroto alkatetzatik botatzeko eta Urtaran alkate izateko, aldaketaren aldeko indarrak batu dituzte azkenean EAJk, EH Bilduk, Hemen Gaude-k eta Irabazik.

Ez da ezusteko gehiagorik izan hortik aurrera. Osoko bilkuran emandako hitza bete dute alderdiek: PPko bederatzi zinegotziek Maroto babestu dute, eta EAJ, EH Bildu, Hemen Gaude eta Irabazik, berriz, Urtaran; hamalau guztira. Zuri bozkatu dute PSEko lau zinegotziek. Horiek hala, alkate izendatu dute Urtaran.

Gasteizko alkatetzaren inguruan azken asteotan izandako tirabirek isla izan dute osoko bilkuran, eta hotza izan da Urtaranen izendapena. Zurrunak izan dira, oso, PPko zinegotzien aurpegiak, eta tentsio hori islatu egin da Marotok Urtarani aginte makila emateari uko egin dioenean. Adineko Mahaiaren presidentearen eskutik jaso behar izan du makila.

Alkate gisa egindako lehen hitzaldia euskaraz eta gazteleraz egin du Urtaranek. «Apaltasunez» jardungo duela esan du, onartuta nola lortu duen aginte makila. Alkate izateko hura babestu dutenei eskerrak eman dizkie EAJkoak, eta bereziki alderdikide ez dituenei. «Zuhurtziaz eta eskuzabaltasunez» lan egingo duela agindu du, eta «guztiontzat» gobernatuko duela zin egin du, «baita PPri botoa eman dioten 35.000 pertsonentzat ere». Elkarbizitza berreskuratzea, krisia gainditzea eta hiria eraldatzea lehentasunen artean jarri ditu.

Bilkura amaituta, atsekabetuta hitz egin du Marotok. Iragarri du oposizioan egongo dela, eta aurrerantzean ere «gauza guztien gainetik» defendatuko duela Gasteiz. Gogorrago hitz egin dute Arantza Quiroga eta Alfonso Alonso PPko buruek. Abisua igorri dio Quirogak EAJri: «Ondorioak izango ditu». Haserre aritu da Alonso: «Urtaran legezko alkatea da, baina ez da zilegia».

Pozarren mintzatu da, ordea, Miren Larrion EH Bilduko zinegotzia. Egun «historikoa» dela esan du, eta eskerrak eman dizkie aldaketa bermatu duten alderdiei eta gasteiztarrei. Horiei zuzendu zaie: «Duintasun itsaso bat sortu duzue».

Kalean, udaletxe parean, hain justu, Maroto kanporatzea ospatu dute ehunka lagunek, oihu eta txaloekin. Tentsio uneak ere izan dira, PPkoa babestera joandakoen eta aldaketaren aldekoen artean, baina liskarrik ez da egon.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Emakume bat, atzo, Iruñeko Estafeta kalean. ©VILLAR LOPEZ / EFE

Nafarroako Gobernua maskararen nahitaezko erabilera aztertzen ari da

Amaia Ramirez de Okariz Kortabarria

Azken egunotako kutsatuen gorakadak kezka eragin du, eta maskaren erabilerari buruzko arauak berriz aztertuko ditu aste honetan. Eskoriatzan, hilik aurkitu dute positibo eman zuen gizonezko bat

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Bi langile Donostian desinfekzio lanak egiten. ©Jagoba Manterola, Foku

Donostiako Etxadi kiroldegia itxi dute langile batek positibo eman ondotik

Berria

Donostia Kirola Eusko Jaurlaritzako Osasun sailarekin ari da hartu beharreko neurriak zehazten. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna