Albistea entzun

Sei bertsolari, txapel bakarra

Larunbatean jokatuko dute Arabako Bertsolari Txapelketako finala, Gasteizko Principal antzokian.

Txapelketan egindako aldaketen eraginez, maila igo dela uste dute bertsolariek eta antolatzaileek
Ezkerrean, gotik behera, Enbeita, Perea eta Agirre; eta eskuinean, goitik behera, Igoa, Sanchez eta Viñaspre.
Ezkerrean, gotik behera, Enbeita, Perea eta Agirre; eta eskuinean, goitik behera, Igoa, Sanchez eta Viñaspre. J. RUIZ / ARP

Asier Garcia Uribarri -

2015eko martxoak 17

Principal antzokia. Azkenengo geltokira heldu da Arabako Bertsolari Txapelketa. Hemezortzi bertsolarik hasi zuten bidea duela bi hilabete, eta sei baino ez dira geratzen: Zigor Enbeita, Iñaki Viñaspre, Oihane Perea, Ruben Sanchez, Manex Agirre eta Xabi Igoa. Bertsolari ezagunak dira gehienak. Seietatik hiru txapeldun ohiak. Baina finala jokatu aurretik bada sorpresa txiki bat ere: Xabi Igoa. Bere lehen finala jokatuko baitu, «irakasleen» aurka. Larunbat arratsaldean, Principal antzokia beteko dute bertsozaleek, eta Arabak bertsolari txapeldun berria izango du.

Aldaketa ugari egin dituzte aurtengo txapelketan antolatzaileek. Finalaurrekoetan bi itzuli egin dituzte. Beraz, hamazortzi bertsolariek bi aldiz abestu dute. Horrez gain, saio guztiak aretoetan egin dituzte, bertso gehiago izan dira puntuagarriak eta ariketa desberdinak jarri dituzte. Antza, aldaketek emaitza positiboak eman dituzte, saio bakoitzean ehun entzule inguru batu baitira batez beste. Aurreko txapelketetan parte hartzea indartu ostean, aurten kalitatean urrats bat aurrera egin nahi zuten antolatzaileek. Bertsolariek gustura hartu dituzte aldaketok, eta, dirudienez, baita bertsozaleek ere. «Arabako bertsozalea, bertsozale kritikoa da, eta, beharbada, garai batean ez zen horrenbeste», adierazi zuen, atzo, Manex Agirrek, finalaren aurkezpenean.

Oihane Perea eta Agirre dira txapela irabazteko kiniela gehienetan ageri diren bertsolariak. Pereak hirugarrenez jantzi zuen txapela 2013an, eta Agirrek bi urte lehenago jaso zuen bere txapel bakarra. Zigor Enbeita da finaleko hirugarren txapeldun ohia, 2003an eta 2006an jantzi baitzuen Arabako txapela. Hala ere, final irekia aurreikusi du Iñaki Viñasprek: «Ez dut uste inor dagoenik besteak baino askoz gorago».

Karmele Madinabeitiaren eskutik jasoko du txapela irabazleak. Horrela eskertu nahi dio Arabako bertsozale elkarteak Madinabeitiari urteetan egindako lan isila. Gasteizko lehen bertso eskola sortu zenetik, 1982an, Madinabeitia antolatzailea, gai jartzailea eta epailea izan da. «Niretzat, inportanteena da Araban bertsolaritzak segitzen duela, eta nahiko maila onean gainera. Guk sortu genuen, oso umila zen, eta begira zer-nolako maila politera heldu den».

Euskalgintza ere omendu nahi du bertsozale elkarteak. Horregatik izango dira sari banatzaileak Araban euskalduntze prozesuan jarduten duten euskaltegiek eta Gasteizko Mintzalagun taldea.

Finalaren emanaldi berezia egingo dute hainbat hedabidek. Hala Bedi eta Radio Vitoria irratiek zuzeneko emankizun egingo dute, eta Bertsoa.com atariak streaming bidez emango du.

FINALA

Non. Principal Antzokia.

Noiz. Martxoak 21, larunbata, 17:30ean.

Sarrerak. Principal antzokiaren bideetatik: leihatilan, telefonoz eta Interneten. Sarrera guztiak zenbakituta egongo dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Liburu digitalen maileguak ugaritu egin dira izurrite garaian; salmentak, aldiz, gutxitu. ©UNAI HUIZI.

FISIKOA GALARAZITA, ELEKTRONIKORA JO

Amaia Igartua Aristondo

Liburutegien itxieraren ondorioz, liburu digitalen maileguak nabarmen ugaritu dira Araba, Bizkai eta Gipuzkoako eLiburutegian eta Nafarroako eBiblion. Martxotik maiatzera arte goia jo zuten, eta, ordutik jaitsi egin diren arren, pandemia aurreko aleak halako bi mailegatu ziren 2020ko bigarren erdian.

Ziburuko II. liburu, komiki eta disko azokak arrakasta gaitza lortu du. ©BOB EDME

Euskarazko sorkuntza baltsan

Ainize Madariaga

Ziburuko II. liburu, komiki eta disko azoka zinez arrakastatsua izan da. Euskara ardatz, etengabekoak izan dira egileen eta irakurleen arteko trukeak. «Izari egokia» aipatu dute gehienek.

Joan Margarit poeta katalana. ©ANE GARCIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna