Albistea entzun

«Madrili begira» ez daudenekin bidea partekatu nahi du Sortuk

Santi Brouard eta Josu Muguruza omendu zituen atzo Sortuk, Bilboko Euskaldunan.
Santi Brouard eta Josu Muguruza omendu zituen atzo Sortuk, Bilboko Euskaldunan. MONIKA DEL VALLE / ARGAZKI PRESS

Gotzon Hermosilla -

2014ko azaroak 16 - Bilbo

Sortu prest dago Euskal Herriak bere bidea egin behar duela uste dutenekin bide hori «hutsetik» partekatzeko. Baldintza bakarra jartzen du horretarako, «logikak agintzen duena, errealitateak inposatzen duena»: Madrildik «ezer» ez dela etorriko barneratzea eta horren arabera jokatzea.

Hala esan du Pernando Barrenak, Santi Brouard eta Josu Muguruzaren omenez Sortuk Bilboko Euskalduna jauregian antolatutako ekitaldian. Datorren ostegunean 30 eta 25 urte beteko dira Santi Brouard eta Josu Muguruza hil zituztenetik, hurrenez hurren. Bi buruzagi abertzaleen ekarpena ekarri du gomutara Barrenak, eta nabarmendu du Brouardek, Muguruzak eta garai hartako ezker abertzaleak haustura demokratikoaren alde egindako hautua zuzena izan zela: «Herri hau bizirik dago, besteak beste, haiek egin zuten hautuari esker», esan du.

Barrenaren ustez, oraingoa ez da «erresistentziarako garaia», Euskal Herriarentzat «etorkizun librea eraiki» eta «estatu independentea osatzekoa» baizik. Eta horretarako, «aldebakartasuna» proposatu du lanabes gisa: «Aldebakartasunak frogatu du tresna eraginkorra dela. Baina alde bakarreko mugimenduetan funtsezkoa da indarrak biltzea ahalik eta presio sozialik, instituzionalik eta politikorik handiena egiteko, eta hori da bilatu behar duguna». Euskal presoen auzian ere bide horretatik jotzearen alde agertu da Barrena.

Jendez lepo

Jendez lepo egon da Euskaldunako ekitaldi aretoa Brouard eta Muguruzaren aldeko omenaldian, aulki huts bakar bat ere gelditzen ez zela. Musika, dantza, irudiak eta mezu politikoak tartekatu dituzte ekitaldian, eta unerik hunkigarriena iritsi da Edurne Brouard eta Ane Muguruza hildako buruzagi abertzaleen alabak agertokira igo direnean, jendearen txalo artean. Laster plazaratzekoa den Zohardia Josu Muguruzari buruzko dokumentalaren irudi batzuk ere eman dituzte.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Senpereko herrriko etxeko oposizioak ere dimititu egin du

Senpereko herrriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

Beatriz Artolazabal eta Ramiro Gonzalez, gaur, Gasteizen ©L. Rico / Efe

Gasteizerako proiektu «kontinuista eta berritzailea» gidatuko duela esan du Artolazabalek

Edurne Begiristain

EAJren Arabako Lurralde Batzarrak Arabako hiru barrutietarako hautagaiak berretsi ditu gaur. EH Bilduk oniritzia eman die Arabako zortzi udalerrietako zerrendaburuei, eta Ahal Dugu-k hiriburuetako hautagaiak aurkeztu ditu.

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.
Maria Txibite Nafarroako lehendakaria. ©VILLAR LOPEZ / EFE

Foru Hobekuntza: osatu edo berritu

Jon O. Urain

Txibitek uste du ez dela garaia Nafarroako Foru Hobekuntza moldatzeko, hura «garatzeko» baizik. Barkosek dio legea «bete gabe» dagoela eta «itun politiko berri bat» beharrezkoa dela

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...