Albistea entzun

Ahaztu alde handiak

Emakumezkoen lehen jardunaldian ez da ezberdintasun handirik espero gaur, nahiz eta faboritoak San Juan eta Zumaia diren
San Juaneko arraunlariak, trainerua lehorreratzen, atzo goizean, Donostiako kaian.
San Juaneko arraunlariak, trainerua lehorreratzen, atzo goizean, Donostiako kaian. JUAN CARLOS RUIZ / ARGAZKI PRESS Tamaina handiagoan ikusi

Aitor Manterola -

2015eko irailak 6 - Donostia

Hamabost segundo atera zizkien Zumaiak sailkatze estropadan Hibaikari eta Oriori, eta hemeretzi San Juani. Asko da. Zumaiarren lana bikaina izan zen. Besteena nolakoa izan zen jakiten zailagoa da. Onena ez zuten eman beharrik ere ez zutelako, edo maila apalean aritu ziren, nahi eta ezin?

Gaur, ordea, ez du ematen halako ezberdintasunak egongo direnik. Berdintasuna aurreikusten da. Ezuste handia litzateke batek beste hirurak hain nabarmen azpiratzea. Gerta daiteke gero, baina ez du ematen halakorik izango denik.

Hala ere, lauren arteko berdintasuna egonagatik, bi dira faboritoak: San Juan eta Zumaia. Iazko garaileak Euskotren liga irabazi du aurten ere, eta zumaiarrentzat izan da, aldiz, Gipuzkoako Liga. Zerbaitegatik banatu dituzte ia bandera gehienak bi taldeen artean. Baina gizonezkoen kasuan bezala, Kontxa bakarra da, berezia, eta gaur ere egin beharko dute lan ona bi talde horiek burua hartzeko. Ez badute egiten, alferrik izango da irabazitako guztia.

Hibaika estuago ibili da, baina azkenaldian gora egin duela ematen du. Hor dago Zarauzko estropadetako bigarren jardunaldiko garaipena. Areriorik handiena bere burua dela onartu zion atzo BERRIAri Eli Pescador Hibaikako arraunlariak. «Gorabehera handiekin gabiltza. Zarautzen bertan, lehen egunean oso atzean sartu ginen, eta igandean, aldiz, aurrenak izan ginen. Ea nola moldatzen garen hemen».

Orioren kasuan, isiltasuna dute lagunik handiena. Ia inork ez ditu aintzat hartzen garaipenerako, eta bandera bi egunetan lortzeko taldea izan ez badaiteke ere, egun batean susto handiren bat emateko gai izan daiteke, erakutsi baitu horretarako gaia udan zehar. Gaur, adibidez, egin dezake lan handiren bat. Kontuak kontu, atzo Juan Mari Etxabe San Juaneko entrenatzaileak esan zuen bezala: «Estu joango da gauza. Harrituko ninduke alde handiak egoteak».

Lau taldeetako edozeinek irabazita ere, bandera Gipuzkoara joango da, eta ez da hori ohikoa izan emakumezkoen Kontxako estropadan. Izan ere, lehen bost urteetan, Galiziako taldea izan zen garaile, Rias Baixas eta Galiziaren izenean atera zen hura. Nagusi izan zen hasiera luze hartan, eta duela bi urte arte hemengoek ez zuten lortu irabaztea. Zumaia izan zen hori erdietsi zuena 2013an, eta San Juan iaz.

Berezia izan zen aurreko urtekoa, aurreneko aldiz ez baitzen sailkatu Galiziako talderik. Laurak Gipuzkoakoak izan ziren, eta aurten ere hala izango da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Asko daukat ikasteko oraindik mendiko eskian»

Unai Ugartemendia

Mendiko eskian euskal selekzioan aritzen diren emakumeetako bat da Carlota Martinez de Aragon. Eski alpinoan ibili ondoren, lesio bat tarteko, mendiko eskian hasi zen, eta gustura ari da.
Wold Tourra begiz jota, Laboral Kutxa taldearen egonaldia

Erronkaren tamainara hazi

Iñaki Berastegi

Alteako egonaldiarekin amaitu du Laboral Kutxa taldeak 2023ko denboraldirako prestaketa fasea. Zaila bada ere, helburua, 2024an World Tour mailan tokia egitea da. Hala ere, txirrindulariek azpimarratu dute erronka hori ezin dela «obsesio» izan. Ilusioa izan dute lanerako akuilu nagusi.

 ©EUKEN ALBERDI

Izotzaren bueltan dantzan

Iñigo Lasa

Izotz pista batera sartu zen lehen aldian, negarrez atera zen Euken Alberdi. Egun, munduko onenekin lehiatzen da. 2026ko Neguko Olinpiar Jokoetan parte hartzea du amets.
Oscar de Marcos eta Moi Gomez, lehian Athleticek eta Osasunak San Mamesen jokatutako derbian. ©ARITZ LOIOLA / FOKU

Euskal talde bat Kopako finalean arituko da

Beñat Mujika Telleria

Osasunak eta Athleticek elkarren aurka jokatuko dituzte Espainiako Kopako finalerdiak. Hortaz, euskal talde bat finalean arituko da

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Aitor Manterola

Informazio osagarria

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.