Albistea entzun

Katalunia. I-27ko hauteskundeak. ANALISIA

Arrain leku berri bila

Martxelo Otamendi -

2015eko irailak 29

Ezaugarri nabarmen bat baldin badu Kataluniako independentzia prozesuak, hori gaien aurreikuspena da. Ez dira egunero ikusten independentzia prozesuak gure inguruan, baina azken hamarkadetan gertatu diren apur horietan kostako zaigu Kataluniakoa bezain sendoa eta egituratua topatzea.

Urteak daramatzate Kataluniako aditu independentistek aurreikusten jokaleku sozial eta legalak; leku berera iristeko hainbat alternatiba aztertzen eta eskaintzen. Gizarte moderno batean garatuko den Katalunia independenteak beharko lituzkeen egiturak, erakundeak, tresnak, itunak… dena aurreikusi dute adituek.

Urteotan, mataza horren fin hariltzeko erakutsi duten trebetasuna beharko dute talde horietako soziologoek igartzeko non dauden, nolakoak diren gehiengo kualitatibora iristeko independentziazaleek behar dituzten boto berriak. Galdera zail horien eta beste batzuen erantzunak topatu beharko dituzte: ba ote dago oraindik herritar independentziazalerik igandean, ez Junts Pel Siri ez CUPi botoa eman ez dionik? Eta egotekotan, zenbat dira, eta non, zein talde sozialetan daude? Eta independentziazalea ez bada, baina aurkako amorratua ez izanda, nola erakarri independentziara?

Kataluniako independentziaren estrategiari oso ondo etorri zaio Espainiako Gobernuaren, parlamentuaren, erakunde nagusien eta komunikabide handien jarrera ezezkorra, iraingarria ere izan dena askotan. Independentziazaleak sortzeko makina izan da espainiar horien jokabidea.

Baina abendutik aurrera Espainian beste gobernu bat sortuko balitz, jarri behar diren baldintzazko guztiak jarrita, eta gobernu horrek, besterik ez bada, formak aldatzen baditu, independentziazaletasunak arazoak edukiko ditu independentziazale periferikoei, azken urteotan bildu direnei, eusteko; eta are arazo handiagoa independentziazale berriak, non eta zergatik dauden detektatu eta gero, erakartzeko. Polarizatuta dauden egoeretan, BAI/EZ dikotomietan, apur batzuek erabakitzen dute orratzaren norabidea.

Herenegun ikusi genuen noraino iritsi den Kataluniako independentziazaletasuna, dozena erdi urtean lan ikaragarria egin eta gero; lan soziologikoa eta intelektuala. Garaipen ona eduki dute independentziaren aldekoek, baina ez nahikoa, horrenbestetan errepikatu duten deskonexioa azkar egiteko.

Independentziazale periferikoek presa daukate, asko kostata eman dutelako pausoa, eta hartu duten erabakiaren emaitzen zain egoteko pazientzia gutxi daukate.

Hasieran aipatutako adituek badaukate lana oraindik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Oinarrizko eskubideen katalogo berri bat osatu dugu»

Jon Ordoñez Garmendia

Pustilnickek esan du Txileko Konstituzio berriaren zirriborroak gizartearen eskaerei erantzuten diela, eta eskubide sozialetan eta berdintasunean jarri du arreta, baita jatorrizko herrien aitortzan ere
UVF talde paramilitar unionistaren aldeko mural bat, Belfasten, artxiboko irudi batean. ©PAUL MCERLANE / EFE

Ipar Irlandako gatazkako ikerketetan laguntzen dutenei immunitatea emango diete

Ander Perez Zala

Erresuma Batuko Gobernuak iazko proposamena aldatu du, eta batzorde independentearekin kooperatzea jarri du baldintzatzat delituek preskribatzeko

Lis Truss Atzerri ministro, oinez. ©NEIL HALL / EF
Errusiako armada Ukrainako militarrak arakatzen, atzo, Mariupolen. ©EFE

Mariupolgo altzairutegiko ukrainar soldaduek «amore eman dute»

Mikel O. Iribar

260 militarrek baino gehiagok utzi dute Azovstal, 82 egunen ostean. Finlandia eta Suedia NATOn sartzeko eskaera aurkeztekoak dira gaur

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...