Albistea entzun
Emakumeen aurkako indarkeriari ez
Emakumeen aurkako indarkeriari ez

Fidel Castroren heriotza. HABANAKO LEKUKOA

Taxi gidaria

Taxi bat bezeroen zain, Habanan.
Taxi bat bezeroen zain, Habanan. ALEJANDRO ERNESTO / EFE

Iñaki Petxarroman -

2016ko azaroak 29

Taxi gidaria da Kubara sartzean kanpotarrak gehienetan topatzen duen lehen pertsona, eta uhartera behin baino gehiagotan bidaiatzen duenak badaki ez direla isiltzen diren horietakoak. Alkandora zuri dotoreaz jantzita azaldu da Miguel Batista, eta ea taxia behar duen galdetu dio iritsi berri den kazetariari, terminaleko atetik irten bezain agudo. Bidaia luzearen nekeagatik eta Habanako Jose Marti aireportuaren ohiko kaosetik berehala ihes egiteko gogoz, baietz erantzun dio. Aireportuaren ohiko anabasaren berri eman dio, eta taxilariak erantzun dio laster frantsesek hartuko dutela Jose Martiren kudeaketa eta dena konponduko dela. «Zer moduz dena hemendik?», galdetu dio kanpotarrak, Fidel Castroren heriotzaren gaia lehenbailehen elkarrizketara ekarri nahian. Isiltzeko keinua egin dio, auto barruan hitz egingo dutela.

«Ezin da hitz egin ere, preso sartzen zaituzte bestela!», bota dio, autoan sartu eta berehala. Hau ere ez da Fidel zalea, pentsatu du bisitariak bere artean, esperientziak agintzen baitio taxi gidarien artean ez dituela Kubako Iraultzak jarraitzailerik fidelenak. Doluko bederatzi egunetan edari alkoholdunik ezin izango dela erosi, telebistan hiru egun daramatzatela bestelako albisterik gabe... Zabala du kexarako gaien agenda.

Iraultza plaza ondotik igaro da, eta biharamunean izango den ekitaldira joateko asmorik ote duen galdetu dio heldu berriari. Baietz erantzun dio kanpotarrak, eta Donald Trumpen inguruan hizketan hasi da orduan kubatarra. Eta, hastearekin batera, argi utzi du entzuleak lehendik ere bazekien gauza bat: hots, Kuban iraultza kritikatzen dutenak ez direla zertan AEBen zaleak izan. «Hark ikusiko du zer egiten duen; guk eutsi egingo diogu gureari!».

Euskaldunok zer moduz ote garen jarraitu du gero, ea independentzia lortuko dugun azkenean. Zer erantzun jakin gabe geratu da bisitaria: «Independentzia zaleak ez daude etxafuegoak botatzeko moduan»... «Katalanak hobeto, ezta?», jarraitu du irribarrez. «Bai, askoz hobeto»...

Hotelera iritsi eta agurtu ostean, espaloiaren bestaldean gizon mozkor bat txakur batekin hizketan ari da, negarti: «Fidel nire aita zen, arraioa!». Euria hasi du, eta jendea korrika abiatu da babes bila. Hotelean kazetari asko daudela ari zaio esaten langile bat besteari. Momentuak, jakina, merezi du hainbeste.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Guardia Zibila Espainia eta Marokoren arteko muga zaintzen, martxoan hainbat migratzailek hesia igarotzeko ahalegina egin ostean, Melillan. ©MIGUEL OSES / EFE

Espainiaren eskua heriotzetan

Mikel O. Iribar

Bi ikerketaren arabera, Espainiako Gobernuak ere erantzukizuna izan zuen Melillako hesian gertaturikoan. GKEek eta oposizioak atakan jarri dute Grande-Marlaska; asteazkenean azalpenak emango ditu berriz ere.

SDFen jarraitzaileak, joan den igandean, martxa batean, Qamishlin (Rojava). ©EFE

Turkiarekiko jarrera «gogortzeko» eskatu diete SDFek aliatuei

A. Perez Zala

Kurduak gehiengo diren koalizio militarraren komandanteak esan du Estatu Islamikoa erasoak prestatzen ari dela Ankarak lurreko operazio militarra agintzen duenerako
Pakistango Lahore hirian atzo egin zuten manifestazio bateko irudi bat. ©RAHAT DAR / EFE

NBEk dirua eskatu du emakumeen eskubideen aldeko taldeentzat

Ander Perez Zala

Guterresek esan du gobernuek %50 handitu behar dutela mugimenduentzako funtsa 2026rako. Emakumeen eta nesken kontrako indarkeria giza eskubideen urraketa «nagusitzat» jo du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.