Albistea entzun

Espainiako Gorteetarako hauteskundeak. ANALISIA

Badaezpada han

Enekoitz Esnaola -

2015eko abenduak 6

Espainiako Kongresuan hurrena ez da alderdi baten gehiengo osorik egongo, baina bai beste estatu itun bat egitear diren indar batzuen artekoa. Hain segur, PPren eta Ciudadanosen artekoa —estatu interesetan, itunkide PSOE lagun dute—. Euskal Herriak ukazioa jasoko du. Baina EAJ / Geroa Bai eta EH Bildu Madrilen izango dira, badaezpada.

Franco hil zenez geroztik, lau gehiengo oso egon dira Kongresuan. 1982an aurrena, PSOEk lortutakoa. Hiru urte lehenago onartu zen Gernikako Estatutua, eta 1980an eta 1981ean jaso ziren eskumen gehien, garapen arorik oparoenean: 34. Ordea, 1982an, estatu ituna eginda, LOAPA sinatu zuten UCDk eta PSOEk, eta erkidegoen ahalmena eraisteari ekin zioten; egiturazko urratsa. 1986koa da bigarren gehiengo osoa: berriro, PSOErena. GALen garaian, eta euskal presoen sakabanaketaren lehen pausoak hasi aitzin. Lasai egon zen legealdian Felipe Gonzalez, Jaurlaritzan eta presoen aurkako estrategian —edo, borrokan— EAJ lagun zuela. 2000koa da hirugarren gehiengo osoa, PPrena, Jose Maria Aznarren lehen agintaldikoa. Berehala sinatu zuen PSOErekin Askatasunaren aldeko eta Terrorismoaren aurkako Ituna. Gainera, legealdi osoan gobernuak EAEri ez zion eskumenik igorri. Eta berriro PPk erdietsi zuen hurrengo gehiengo absolutua, laugarrena, 2011n, ETAk jarduera armatua betiko utzi zuela iragarri berritan. Gatazkaren ondorioetan aurrepausorik ez egiteaz gain, garapen autonomikoa bazterrean mantendu du PPk, eta, gainera, birzentralizaziorako bidea sakondu du.

Ukazioak segituko duela barruntatzen da. Kongresu berriarekin EAJk ezinezkoa luke lortzea EAEko estatus politiko berri baterako ardatzak: nazio aitortza, erabakitzeko eskubidea edota aldebikotasuna. Baina EAJ, alderdi instituzionala denez, Madrilen izango da, baina badaezpada ere bai, sikiera estatutuaren erreforma leun bat lantzen bada han ere egote aldera —Madrili interesatzen zaio ez piztea beste su subiranistarik—; eta, bitartean, asmo handiagoen aukeraren zain segituko du. Antzekoa esan ahal da Geroa Bairi buruz, baina maila apalagoan, eta betiere erdiesten badu aulki bat.

EH Bilduk autogobernurako eta burujabetzarako ez luke batere aukerarik Madrilen. Han dela erakusteko, legealdi honetako ateraldiekin segitzea luke formula. Baina Madrilera doa, badaezpada. Izan ere, ETA armagabetzen bada, jokaleku berri eta garrantzitsu bat sortuko da gatazkaren ondorioak konpontzeko, eta txarra ez Madrilen ere egotea.

Nafarroako Aldaketa ere aurkeztuko da boz hauetan, Geroa Baik, EH Bilduk, Ahal Dugu-k eta Ezkerrak osatuta. Senatuan nahi du egon, ganbera hutsal batean, baina haren mugimendua ez da Madrilera begirakoa, ez da badaezpadakoa. Nafarroako aldaketa sendotzen segitzeko egina da urratsa. Ez da eskumen kontua, irismen kontua baizik. Bada aldea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Manifestazio burua, Alderdi Ederretik abiatzen. ©/ BERRIA

Espetxeetako hormen «pitzaduran» sakontzera deitu du Sortuk

Jon O. Urain

Manifestazioak egin dituzte Bilbon eta Donostian, Preso Politikoen Nazioarteko Egunean.

Arnaldo Otegi, joan den astazkenean, Eibarren (Gipuzkoa). ©Maialen Andres / Foku

EH Bilduk Otegi proposatu du koordinatzaile karguan jarraitzeko

Jon O. Urain

Mahai Politikoak gaur eman du federazio subiranistaren zuzendaritzarako proposatu dituen izen-abizenen berri.

Garamendi eta Iceta, martxoan. ©J.J. Guillén / Efe

Jaurlaritzak urriaren 1etik aurrera eskuratuko du espetxe eskumena

Jon O. Urain

Transferentzien Batzorde Mistoa maiatzaren 10ean bilduko da, akordio hori izenpetzeko. Errepide garraioaren, ISSNaren eta Ondarroako Itsas Barrutiko eraikinaren eskumenen inguruan ere ados jarri dira bi gobernuak.

Joan den urtarrilean Donostian euskal presoen eskubideen alde egindako manifestazioa. ©Jon Urbe / FOKU

«Kaleratze bidea espetxe legediaren baitan egiteko prestutasuna» berretsi du EPPK-k

Maddi Ane Txoperena Iribarren

EPPK-k oharra kaleratu du Preso Politikoen Nazioarteko Egunaren bezperan —BERRIAk eskuratu du—. Frantziak eta Espainiak 2018tik egindako urratsak «kontuan hartu» arren, gehiago galdegin ditu: «Gaur ikusten duguna ere ez da, inondik inora, nahi genukeen mapa».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna