Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika

X

Berria.eus

Gizartea Gernikaren keak

Publizitatea

Gizartea

Gernikaren keak

Bizkaiko bonbardaketetatik 75 urtera, aire erasoetan «astakeriak» egiten jarraitzen dela gogorarazi dute.

2012-04-25 / Izaro Mendieta

Gizateria «astakeriak» egiteko gai dela gogorarazi du Walther Bernecker Nurembergeko Unibertsitateko irakasleak: «Gai izan gara, orain ere bagara, eta izango gara. Alde horretatik, mundua ez da aldatu». Gernikako (Bizkaia) bonbardaketak munduan utzi zituen arrastoak eta ondorioak ikertzeko sinposioa antolatu dute atzo eta gaurko, eta sinposioan hitz egin zuen atzo Berneckerrek.

Populazio zibilari airez eraso egiteko zirrikitua ireki zuten Durangoko, Eibarko eta Gernikako bonbardaketek. «Besterik gabe onartu zuten herritarrak biktima izango zirela». Gernikako bonbardaketa Alemaniako aire armadarentzat probalekua izan zela azaldu zuen; «bonbek nola funtzionatzen zuten, gerra nola areagotu zitekeen, eragin etsigarriagoa nola lor zitekeen... esperimentatzen» aritu ziren, Bernerkerren ustez. Gero, Bigarren Mundu Gerran eta beste leku askotan garatuko zituzten Gernikako bonbardaketan ikasitakoak.

Erresuma Batutik, AEBetatik, Marokotik, Italiatik, Herrialde Katalanetatik, Frantziatik eta Errusiatik etorritako adituak ari dira parte hartzen kongresuan. Gaur bukatuko dira topaketak. Baina bestelako ekitaldiak ere antolatu dituzte gaurko, ordea. 12:00etan, berriz, George Steer kazetaria omenduko dute, San Juan kalean. Eta 12:30ean kazetarien topaketak egingo dituzte, gerren eta giza eskubideen urraketen kontra kazetaritzak egin behar lukeenaz eztabaidatzeko. 15:00etan Nagasakiko ordezkaritzak bere lekukotza emango du, Lizeo antzokian. Gernika Batzordeak, gainera, mahai ingurua antolatu du, 19:00etan, Lizeo antzokian. Estaturik Gabeko Nazioen Sarea aurkeztuko dute.
 

Publizitatea

Gizartea saileko albiste gehiago

Balantza desorekatu duen gaitza

Haurren gizentasunak aurki goia jo dezakeela ohartarazi du OME Osasunaren Mundu Erakundeak: gaitzari aurre egiteko neurrien eraginkortasunik eza tarteko, krisi sakona aurreikusi du 2030erako. Arreta prebentzioan jartzeaz mintzo dira adituak, garaiz tratatu ezean betiereko bihur baitaiteke.

Desnutrizioak ez du oporrik hartu

Ikasturte amaierara helduta, jantokiak ere ixten dituzte Euskal Herriko ikastetxe gehientsuenek. Desnutrizio kasu asaldagarririk ez dagoen arren, urterokoa da hainbat gurasoren eskaria: zabalik nahi dituzte jantokiak, umeak ondo elikatzeko.

Etorkizunari heldu ezinik

.

Lan baldintzei buruz hitz egitean aipatzen dute prekaritatea, baina gazteen bizimodura hedatu da. Aurrerabidearen eredua izan da nagusi orain arte: lana topatu, etxebizitza lortu, familia osatu... Ezinezko sistema gaurko gazteentzat.

Albiste nagusiak

Gehien irakurriak